ఫిల్మ్ ఇండస్ట్రీలో నటులు, నటీమణులతో పాటు, సంగీత దర్శకులు మరియు గాయకులు కూడా ప్రస్తుతం భారీగా పారితోషికం పొందుతున్నారు.
1950ల చివరలో, లతా మంగేష్కర్ మరియు మొహమ్మద్ రఫీ వంటి భారతీయ సినిమా దిగ్గజ గాయకులు ఒక పాటకు 300 రూపాయల వరకు పారితోషికంగా పొందారు. లతా మంగేష్కర్ మరియు ఆశా భోంస్లే వంటి ప్రముఖ గాయకులు డిమాండ్ చేయడం మొదలు పెట్టిన తరువాతే సింగర్స్ కు రెమ్యూనరేషన్ పెరిగిందని చెప్పవచ్చు.
కానీ నేడు పరిస్థితి మారిపోయింది. దేశంలోని అగ్రశ్రేణి గాయకులకు లక్షల్లో పారితోషికం ఇస్తున్నారు. అంతేకాదు, కొంతమంది గాయకులు ఒక పాటకు 20 లక్షల వరకు పారితోషికం తీసుకుంటున్నారట. ముఖ్యంగా భారతీయ భాషలన్నింటిలోనూ అగ్రగాయనిగా వెలుగొందుతున్న శ్రేయా ఘోషల్ ఒక పాటకు సుమారు 25 నుంచి 30 లక్షల వరకు పారితోషికంగా తీసుకుంటున్నారట. హిందీలోనే కాదు, తెలుగు , తమిళంలోనూ ఆమె అగ్రగాయని అని చెప్పాలి.
అయితే శ్రేయానే అత్యధిక పారితోషికం తీసుకునే గాయని అనుకుంటే పొరపాటే. నిజానికి భారతదేశంలో అత్యధిక పారితోషికం తీసుకునే గాయకుడు శ్రేయా కంటే మూడు రెట్లు ఎక్కువ పారితోషికం తీసుకుంటున్నారట. అవును, భారతీయ సినీ పరిశ్రమలో ఒక పాటకు 3 కోట్ల రూపాయల పారితోషికం తీసుకునే వ్యక్తి ఒకరు ఉన్నారు.
అది మరెవరో కాదు, ఇసై పుయల్ ఏ.ఆర్.రెహమాన్. ప్రస్తుతం ఒక సినిమాకు సంగీతం అందించడానికి సుమారు 8 నుంచి 9 కోట్ల వరకు పారితోషికం తీసుకుంటున్న రెహమాన్, గాయకుడిగా ఒక పాట పాడటానికి సుమారు 3 కోట్ల రూపాయల వరకు పారితోషికం తీసుకుంటున్నారు. భారతీయ సినీ పరిశ్రమలో సంగీత రంగంలో 7 జాతీయ అవార్డులు అందుకున్న ఏకైక కళాకారుడు ఆయనే.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి