యంగ్ హీరోయిన్ ప్రణీతా సుభాష్ (Pranitha Subhash) పవర్ స్టార్ పవన్ కళ్యాణ్ తో నటించిన చిత్రం ‘అత్తారింటికి దారేది’. ఈ చిత్రాన్ని గుర్తు చేసుకుంటూ తాజాగా ప్రణీతా క్రేజీ పోస్టులు పెట్టింది.
కన్నడ బ్యూటీ ప్రణీతా సుభాష్ తెలుగు ఆడియెన్స్ కూ చాలా దగ్గరైంది. ట్రెడిషనల్ బ్యూటీగా మంచి గుర్తింపు తెచ్చుకుంది. ‘బావా’ చిత్రంతో టాలీవుడ్ లోకి ఎంట్రీ ఇచ్చిన ఈ ముద్దుగుమ్మ బ్యాక్ టు బ్యాక్ చిత్రాలతో అలరిస్తూనే వస్తోంది.
అయితే, పవర్ స్టార్ పవన్ కళ్యాణ్ (Pawan Kalyan) సరసన ప్రణీత నటించిన చిత్రం ‘అత్తారింటికి దారేది’ ఎంతటి రెస్పాన్స్ ను సొంతం చేసుకుందో అందరికీ తెలిసిందే. ముఖ్యంగా ప్రణీతకు కూడా చిత్రంతో మరింత క్రేజ్ పెరిగింది. ఈ మూవీలో ‘ప్రమీళ’ అనే పాత్రలో నటించింది.
పవన్ కళ్యాణ్, ప్రణీత మధ్య సాగే రొమాంటిక్ సన్నివేశాలు ప్రేక్షకులను ఎంతగానో ఆకట్టుకున్నాయి. అందులో ప్రణీత కండ్లను పొగుడుతూ పవన్ కళ్యాణ్ చెప్పే డైలాగ్ లు ఇప్పటికీ ఆడియెన్స్ మదిలోనే ఉన్నాయి. తాజాగా ప్రణీత కూడా మరోసారి గుర్తు చేసుకుంది.
సోషల్ మీడియాలో ఎప్పుడూ యాక్టివ్ గానే ఉంటున్న ప్రణీత తాజాగా కొన్ని గ్లామర్ ఫొటోలను పంచుకుంది. ఆ ఫొటోలకు క్యాప్షన్ గా పవన్ కళ్యాణ్ చెప్పిన కోట్స్ ను క్యాప్షన్ గా ఇచ్చింది. ఒక ఫొటోలో ఇచ్చిన స్టిల్ కు.. ‘ఆ కళ్ళల్లోకి ఏ మగాడైనా లూప్ అని దూకి అలా ఈదుకొనే వచ్చేస్తాడు.’ అంటూ క్యాప్షన్ ఇచ్చింది.
మరో ఫొటోను షేర్ చేస్తూ.. ‘ఆ ప్రమీల గారు మీరు కళ్ళు దించకండి... దించితే మాలాంటి ఫ్యాన్స్ హర్ట్ అయిపోతారండి’ అంటూ పవన్ కళ్యాణ్ చెప్పిన డైలాగ్స్ ను క్యాప్షన్ పెట్టింది. మొత్తానికి ఈ చిత్రం తర్వాత ప్రణీతకు ఇండస్ట్రీలో మరిన్ని అవకాశాలు అందాయి.
గతేడాది మేలో వ్యాపార వేత్త నితిన్ రాజు ను ప్రణీత పెళ్లి చేసుకుంది. ఈ ఏడాది జూన్ 10న పండంటి ఆడబిడ్డకూ జన్మనిచ్చింది. పెళ్లి, ప్రెగ్నెన్సీ తర్వాత కూడా చెక్కు చెదరని అందంతో అభిమానులను అలరిస్తోంది. ఈ సందర్భంగా క్రేజీగా ఫొటోషూట్లు చేస్తూ గ్లామర్ విందు చేస్తోంది. లేటెస్ట్ గా ఈ బ్యూటీ పంచుకున్న పిక్స్ వైరల్ గా మారాయి.