గ్రాండ్‌గా బాలయ్య భామ నమిత సీమంతం.. ఫోటోలు వైరల్‌

బాలయ్య భామ నమిత సీమంతం చేసుకుంది. ఆమె గర్భవతిగా ఉన్న విషయం తెలిసిందే. గ్రాండ్‌గా జరిగిన సీమంతం ఫోటోలు ఇప్పుడు సోషల్‌ మీడియాలో వైరల్‌ అవుతున్నాయి.  

`జెమినీ` సినిమాతో తెలుగులో మెరిసిన ఆ తర్వాత ఓఊపు ఊపిన నమిత వ్యాపారవేత్త, యాక్టర్‌ వీరేంద్రని మ్యారేజ్‌ చేసుకుని ఇప్పుడు ఫ్యామిలీ లైఫ్‌లో బిజీగా ఉంది. ఓ వైపు సినిమాలు చేస్తూనే పర్సనల్‌ లైఫ్‌ని ఎంజాయ్‌ చేసింది. గత కొన్ని రోజుల క్రితం ఆమె ప్రెగ్నెన్సీని ప్రకటించింది. బేబి బంమ్స్ తో దిగిన ఫోటోలను పంచుకుంటూ తన ప్రెగ్నెన్సీని ప్రకటించింది. 

ఆ తర్వాత వరుస బేబీ బంమ్స్ ఫోటోలతో ఆకట్టుకుంటూ సోషల్‌ మీడియా రచ్చ చేస్తున్న నమిత సీమంతం చేసుకుంది. కుటుంబ సభ్యుల సమక్షంలో చాలా గ్రాండ్‌గా ఆమె సీమంతం వేడుక జరిగింది.ప్రస్తుతం ఆ ఫోటోలు బయటకు వచ్చాయి. అవి ఇంటర్నెట్‌లో వైరల్‌ అవుతున్నాయి. 

తన భర్త మల్లిరెడ్డి వీరేంద్ర చౌదరితోపాటు ఫ్యామిలీ మెంబర్స్ తో దిగిన సీమంతం ఫోటోలు ఆకట్టుకుంటున్నాయి. ఇందులో వీరేంద్ర వైట్‌ షర్ట్ పంచ కట్టుకోగా, బ్లూ శారీలో నమిత మెరిసిపోతుంది. ఆమె ఆనందానికి అవదుల్లేవని చెప్పొచ్చు. 

ఇక `సొంతం` సినిమాతో టాలీవుడ్‌లోకి అడుగుపెట్టింది నమిత. ఆ తర్వాత `జెమినీ`,`ఒకరాజు ఒక రాణి`, `ఒక రాధా ఇద్దరు కృష్ణుల పెళ్లి`, `ఐతే ఏంటీ?`, `నాయకుడు`, `బిల్లా`, `సింహా` చిత్రాల్లో నటించింది. ఆమెకి తెలుగులో విజయాలు దక్కింది చాలా తక్కువ. కానీ `సింహా` సినిమాలో హాట్‌ గా కనిపించింది. బాలయ్యతో రొమాన్స్ చేసి వాహ్‌ అనిపించింది. 

కాకపోతే తమిళం, కన్నడలో నటిగా మంచి గుర్తింపు తెచ్చుకుంది నమిత. ఆ తర్వాత 2017లో ఆమె యాక్టర్‌, బిజినెస్‌ మ్యాన్‌ వీరేంద్ర చౌదరిని పెళ్లి చేసుకుంది. మ్యారేజ్‌ తర్వాత కూడా ఒకటి అర సినిమాలు చేస్తూ వచ్చిన ఆమె ఇటీవల తన ప్రెగ్నెన్సీని ప్రకటించింది. ఆతర్వాత ప్రెగ్నెన్సీ ఫోటో షూట్‌లతో ఇంటర్నెట్‌లో రచ్చ లేపింది. భారీ హాట్‌ అందాలతో రచ్చ చేసింది. 

ఇటీవల రెడ్‌ డ్రెస్‌ కప్పుకుని ఆమె ఇచ్చిన బేబీ బంప్‌ ఫోటోలు ఇంటర్నెట్‌లో దుమారం రేపాయి. ఆమె అభిమానులను కట్టిపడేస్తున్నాయి. ప్రెగ్నెన్సీలోనూ నమిత తగ్గేదెలే అంటూ పోజులివ్వడం ఆశ్చర్యానికి గురి చేస్తున్నాయి.ఇక ఇప్పుడు 41 ఏళ్ల వయసులో నమిత తల్లి కాబోతుండటం విశేషం.