తెలుగు అమ్మాయి లయ ఓ మూవీ షూటింగ్ లో పడ్డ ఇబ్బందులను గుర్తు చేసుకుంది. హీరోయిన్ గా ఆమె మొదటి సినిమా స్వయం వరం కాగా.. ఆ చిత్ర హీరో వేణు తొట్టెంపూడి హైట్ ఆమెను ఇబ్బంది పెట్టిందట.
తెలుగు హీరో వేణు తొట్టెంపూడి, తెలుగు అమ్మాయి లయ హీరో హీరోయిన్స్ గా పరిచయం అవుతూ తెరకెక్కిన చిత్రం స్వయం వరం. 1999లో విడుదలైన ఈ రొమాంటిక్ లవ్ ఎంటర్టైనర్ కి కే విజయ భాస్కర్ దర్శకుడు. త్రివిక్రమ్ రచయితగా పని చేశాడు.
ఈ సినిమా విడుదలై 25 ఏళ్ళు అవుతుంది. ఈ సందర్భంగా చిత్ర హీరోయిన్ లయ ఆసక్తికర కామెంట్స్ చేసింది. లయ మాట్లాడుతూ.. స్వయంవరం చిత్రానికి మొదట వేరే హీరోయిన్ అనుకున్నారు. అయితే ఆ ఛాన్స్ నాకు దక్కింది.
హీరో వేణు చాలా హైట్. అది నాకు ఇబ్బందిగా తయారైంది. ప్రతి సీన్ లో స్టూల్ వాడాల్సి వచ్చేది. ప్రతిసారి స్టూల్ వాడటం నాకు ఇబ్బందిగా అనిపించింది. ఆ సినిమా షూటింగ్ పూర్తి అయ్యే వరకు ఇబ్బంది పడుతూనే ఉన్నాను. నెక్స్ట్ మూవీలో మామూలుగా నటిస్తుంటే నాకు భలే ఆనందం వేసిందని... లయ చెప్పుకొచ్చింది.
స్వయంవరం మూవీ హిట్ కావడంతో లయకు ఆఫర్స్ పెరిగాయి. ఆమె స్టార్ హీరోలతో కూడా జతకట్టింది. ప్రేమించు, నువ్వు లేక నేను లేను వంటి హిట్ చిత్రాలు ఆమె నటించారు. బాలయ్యకు జంటగా విజయేంద్ర ప్రసాద్ మూవీ చేసింది.
పెళ్లి అనంతరం లయ సిల్వర్ స్క్రీన్ కి దూరం అయ్యింది. 2006లో అమెరికాకు చెందిన డాక్టర్ గణేష్ గోర్తి ని లయ వివాహం చేసుకుంది. వీరికి ఒక అబ్బాయి, అమ్మాయి సంతానం. కూతురికి ఆసక్తి ఉంటే హీరోయిన్ చేస్తానని లయ చెప్పడం విశేషం...