ఇటీవల 31వ బర్త్ డే జరుపుకున్న రకుల్ బేబీ తన లవర్ ని సోషల్ మీడియా ద్వారా ఫ్యాన్స్ కి పరిచయం చేసింది. ఇతనే నా లవ్ అంటూ... సడన్ షాక్ ఇచ్చింది హీరోయిన్ రకుల్ ప్రీత్. రకుల్ పై గతంలో కొన్ని ఎఫైర్ రూమర్స్ వచ్చాయి. అయితే జాకీ పేరు కొత్తగా వినిపించడంతో అందరూ ఒకింత ఆశ్చర్యంగా ఫీల్ అయ్యారు.
యాక్టర్ కం ప్రొడ్యూసర్ జాకీ భగ్నానీ తన ప్రేమికుడు అని కన్ఫర్మ్ చేసింది. రకుల్ ప్రీత్ (Rakul preeth) చెప్పే వరకు వీళ్ళ రిలేషన్ గురించి అసలు సమాచారం లేదు. మీడియాలో ఎక్కడా వీరి రిలేషన్ కి సంబంధించిన కథనాలు వెలువడలేదు. ఇది ఒకింత ఆమె అభిమానులకు సర్ప్రైజ్ అని చెప్పాలి.
ఇక ఈ జంట త్వరలోనే పెళ్లిపీటలు కూడా ఎక్కనున్నారని సమాచారం. ఇరు కుటుంబాల పెద్దలు ఒప్పుకున్నాకే రకుల్ బహిరంగ ప్రకటన చేశారని వినికిడి. కాగా ప్రేమలో పడిన రకుల్ గ్లామర్ రెట్టింపు అయ్యింది. ఆమె బుగ్గలు ఎరుపెక్కాయి, ఆనందం, కళ్ళలో స్పష్టంగా కనిపిస్తుంది.
అటాక్, థాంక్ గాడ్, మే డే వంటి భారీ చిత్రాలతో కలిపి, ఐదు హిందీ ప్రాజెక్ట్స్ చేస్తున్నారు. అలాగే ఓ తెలుగు తమిళ్ బైలింగ్వల్ చిత్రం చేస్తున్నారు. మొత్తంగా 8 ప్రాజెక్ట్స్ వరకు ఆమె చేతిలో ఉన్నాయి.
అయితే తెలుగులో ఆమెకు వరుస పరాజయాలు ఎదురవుతున్నాయి. రకుల్ లేటెస్ట్ రిలీజ్ కొండ పొలం నెగిటివ్ టాక్ తెచ్చుకుంది. విభిన్న చిత్రాల దర్శకుడు క్రిష్ తెరకెక్కించిన ఈ మూవీ దారుణ పరాజయం ఎదుర్కొంది. అంతకు ముందు విడుదలైన చెక్ మూవీ సైతం డిజాస్టర్స్ ఖాతాలో చేరింది. తెలుగులో రకుల్ పూర్తిగా ఫేడ్ అవుట్ అయినట్లే. అయితే బాలీవుడ్ లో ఆమె దూసుకుపోతున్నారు.
కాగా డ్రగ్స్ ఆరోపణలు కూడా రకుల్ కి తలనొప్పిగా మారాయి. గత ఏడాది ముంబై ఎన్సీబీ అధికారులు విచారణ ఎదుర్కొన్న రకుల్, తాజాగా టాలీవుడ్ ప్రముఖులతో పాటు ఈడీ ఎదుట హాజరయ్యారు. వరుసగా ఇలాంటి ఆరోపణలు రకుల్ ని వేదనకు గురి చేస్తున్నాయి.