చిరంజీవికి వీరాభిమానే విలన్ అవుతాడా ? ఆమెతో మూడోసారి అంటూ రూమర్స్..

మెగాస్టార్ చిరంజీవి ప్రస్తుతం విశ్వంభర చిత్రంలో నటిస్తున్నారు. మరికొన్ని నెలల్లో ఈ మూవీ ప్రేక్షకుల ముందుకు రానుంది.మరోవైపు మెగాస్టార్.. అనిల్ రావిపూడి దర్శకత్వంలో నటించేందుకు రెడీ అవుతున్నారు. 

megastar chiranjeevi

మెగాస్టార్ చిరంజీవి ప్రస్తుతం విశ్వంభర చిత్రంలో నటిస్తున్నారు. మరికొన్ని నెలల్లో ఈ మూవీ ప్రేక్షకుల ముందుకు రానుంది. చాలా ఏళ్ళ తర్వాత చిరంజీవి నటిస్తున్న ఫాంటసీ కథా చిత్రం ఇదే. మరోవైపు మెగాస్టార్.. అనిల్ రావిపూడి దర్శకత్వంలో నటించేందుకు రెడీ అవుతున్నారు. 

megastar chiranjeevi

ఆల్రెడీ ఈ చిత్రం గ్రాండ్ గా లాంచ్ అయింది. చిరంజీవి కుమార్తె సుస్మిత కొణిదెల, షైన్ స్క్రీన్ సంస్థ సంయుక్తంగా ఈ చిత్రాన్ని నిర్మిస్తున్నారు. ఆల్రెడీ అనిల్ రావిపూడి నటీనటుల్ని ఎంపిక చేసే ప్రక్రియ ప్రారంభించినట్లు తెలుస్తోంది. ఈ చిత్రంలో హీరోయిన్లు, నటీనటుల గురించి చాలా రూమర్స్ వస్తున్నాయి. 

ఒక క్రేజీ రూమర్ మాత్రం మెగా ఫ్యాన్స్ లో ఆసక్తిని పెంచేస్తోంది. ఈ చిత్రంలో చిరంజీవి వీరాభిమాని ఒకరు విలన్ గా నటించబోతున్నట్లు వార్తలు వస్తున్నాయి. ఆ వీరాభిమాని ఎవరో కాదు.. యంగ్ హీరో కార్తికేయ. ఆర్ఎక్స్ 100, బెదురులంక లాంటి చిత్రాలతో కార్తికేయ యువతలో మంచి గుర్తింపు సొంతం చేసుకున్నాడు. 

కార్తికేయకి చిరంజీవి, అనిల్ రావిపూడి చిత్రంలో విలన్ గా నటించే ఛాన్స్ దక్కినట్లు ప్రచారం జరుగుతోంది. అయితే దీనిపై ఎలాంటి అధికారిక సమాచారం లేదు. కార్తికేయ చాలా సందర్భాల్లో తాను మెగాస్టార్ కి వీరాభిమానిని అని తెలిపారు. చాలా సార్లు చిరంజీవిని ప్రత్యేకంగా కలిశారు. 

అయితే చిరు, అనిల్ చిత్రంలో ఆఫర్ ని కార్తికేయ అంగీకరించాడా లేదా అనేది తెలియదు. కార్తికేయ ఇప్పటికే విలన్ గా నటించాడు. అజిత్ వలిమై చిత్రంలో కార్తికేయ నెగిటివ్ రోల్ లో నటించారు. ఇదిలా ఉండగా చిరు, అనిల్ మూవీ గురించి వస్తున్న మరో రూమర్ ఏంటంటే.. ఈ మూవీలో హీరోయిన్ గా నయనతార కోసం కూడా ప్రయత్నిస్తున్నట్లు వార్తలు వస్తున్నాయి. ఇప్పటికే ఒక హీరోయిన్ గా అదితి రావు హైదరి ఎంపికైనట్లు ప్రచారం జరుగుతోంది. మరో హీరోయిన్ పాత్ర కోసం ఐశ్వర్య రాజేష్, నయనతార లాంటి హీరోయిన్లని సంప్రదిస్తున్నారట. నయనతార కనుక ఒకే అయితే సైరా, గాడ్ ఫాదర్ తర్వాత చిరంజీవితో ఆమెకి ఇది మూడవ చిత్రం అవుతుంది.