యాంకర్ సుమ గొంతు పట్టుకున్న గోపీచంద్.. హీరో వైల్డ్ బిహేవియర్ కి అంతా షాక్

యాక్షన్ హీరో గోపీచంద్ నటించిన లేటెస్ట్ మూవీ రామబాణం. ఫ్యామిలీ అండ్ యాక్షన్ ఎంటర్టైనర్ గా తెరకెక్కిన ఈ చిత్రం మే 5న గ్రాండ్ రిలీజ్ కి రెడీ అవుతోంది. లౌక్యం, లక్ష్యం ఫేమ్ శ్రీవాస్ ఈ చిత్రానికి దర్శకుడు. సూపర్ హిట్ కాంబినేషన్ లో వస్తున్న చిత్రం కావడంతో మంచి అంచనాలు ఉన్నాయి. ఇటీవల విడుదలైన టీజర్ కి కూడా యూట్యూబ్ లో సాలిడ్ రెస్పాన్స్ వస్తోంది. 

రామబాణం ప్రచార కార్యక్రమాల్లో భాగంగా చిత్ర యూనిట్ యాంకర్ సుమ హోస్ట్ గా చేస్తున్న సుమ అడ్డా షోలో పాల్గొన్నారు. శ్రీవాస్, గోపీచంద్, హీరోయిన్ డింపుల్ హయతి సుమ అడ్డా షోకి హాజరయ్యారు. తాజాగా సుమ అడ్డా ప్రోమో విడుదలైంది. ఎప్పటిలాగే సుమ సరదా ప్రశ్నలు అడుగుతూ మంచి వినోదం అందించారు. 

గోపీచంద్ సుమపై సెటైర్లు వేస్తూ ఆకట్టుకున్నారు. మీరు హీరోయిన్ అయితే ఆ సినిమాలో నేను విలన్ గానే చేస్తా అంటూ గోపీచంద్ సుమని ఆటపట్టిస్తూ నవ్వించారు. భర్త ఇంటికి ఆలస్యంగా వస్తే భార్య అలుగుతుంది అని సుమ చెప్పడంతో.. షోలన్నీ పూర్తి చేసుకుని మీరే రోజు ఇంటికి లేటుగా వెళతారు అంటూ మరోసారి గోపీచంద్ సుమపై సెటైర్ వేశారు. 

ఇక హీరోయిన్ డింపుల్ హయతి గోపీచంద్ గారు పక్కన ఉంటే తెలియకుండానే డ్యాన్స్ చేస్తాం అంటూ అదిరిపోయే స్టెప్పులు చేసింది. అలాగే సుమ రామబాణం చిత్ర యూనిట్ తో ఓ మనీ గేమ్ కూడా ఆడించింది. 

గేమ్ ఆడుతూ ఆడుతూ మధ్యలో గోపీచంద్ వైల్డ్ గా బిహేవ్ చేశారు. ఒక్కసారిగా సుమ గొంతు పట్టుకున్నారు. దీనితో అసలు గోపీచంద్ ఏం చేస్తున్నారో అర్థం కాక అక్కడున్నవారంతా షాక్ కి గురయ్యారు. సుమ అయితే భయంతో బిగుసుకుపోయింది. 

అయితే గోపీచంద్ సుమ గొంతు ఎందుకు పట్టుకున్నారో రివీల్ చేయలేదు. ఈ పూర్తి ఎపిసోడ్ ఏప్రిల్ 29న ప్రసారం కానుంది. రామబాణం చిత్రంలో జగపతి బాబు, ఖుష్బూ, నాజర్ కీలక పాత్రల్లో నటించారు.