చిరంజీవి రిజెక్ట్ చేసిన సబ్జెక్టు తో బ్లాక్ బస్టర్ కొట్టాడు మోహన్ బాబు. ఆ మూవీతో విలన్ నుండి హీరోగా టర్న్ అయ్యాడు. మోహన్ బాబు కెరీర్ నే మార్చేసిన ఆ సినిమా ఏమిటో చూద్దాం..
ఎంత టాలెంట్ ఉన్నా.. మంచి సబ్జెక్ట్స్ ఎంచుకున్నప్పుడే కెరీర్ ఉంటుంది. దానితో పాటు అదృష్టం కూడా ఉండాలి. పేపర్ మీద అద్భుతంగా అనిపించే కథలు సిల్వర్ స్క్రీన్ పై తేలిపోవచ్చు. అలాగే స్క్రిప్ట్ దశలో సాదాసీదా అనిపించిన కథలు బాక్సాఫీస్ వద్ద సంచలనాలు చేయవచ్చు. అనుకోని కారణాలతో ఒకరు చేయాల్సిన మూవీ మరొకరి వద్దకు చేరొచ్చు. చిరంజీవి వద్దకు వచ్చిన స్క్రిప్ట్ ఆయన చేయకపోవడంతో మోహన్ బాబు దశ తిరిగింది.
మోహన్ బాబు కెరీర్ విలన్ గా మొదలైంది. బిగినింగ్ లో ఆయన కరుడుగట్టిన విలన్ రోల్స్ చేశాడు. అప్పుడప్పుడు ప్రాధాన్యత ఉన్న పాజిటివ్ రోల్స్ తో పాటు సెకండ్ హీరోగా కూడా ఆయన నటించాడు. 90ల నాటికి హీరో కావాలనే ప్రయత్నాలు ముమ్మరం చేశాడు.
దర్శకుడు కే రాఘవేంద్రరావు తెరకెక్కించిన అల్లుడుగారు మూవీలో మోహన్ బాబు హీరోగా చేశాడు. అలాగే రౌడీ మొగుడు టైటిల్ తో మరొక చిత్రంలో హీరోగా నటించాడు. లీడ్ రోల్స్ చేస్తూనే మరోవైపు ప్రతినాయకుడు పాత్రలు చేయడం ఆపలేదు.
1991లో మోహన్ బాబుకు సోలో హీరోగా బ్లాక్ బస్టర్ పడింది. అదే అసెంబ్లీ రౌడీ. ఈ చిత్రానికి బి. గోపాల్ దర్శకుడు కాగా... ఆయన మొదట చిరంజీవితో ఈ మూవీ చేయాలని అనుకున్నారట. చిరంజీవికి కథ నచ్చినప్పటికీ బిజీ షెడ్యూల్స్ కారణం ఇప్పుడు చేయడం కుదరదు. సమయం పడుతుంది అన్నారట.
దాంతో బి.గోపాల్ ఈ కథను మోహన్ బాబు దగ్గరకు తీసుకుపోయాడు. మోహన్ బాబు ఓకే చేయడంతో మూవీ పట్టాలెక్కింది. అప్పట్లో టాలీవుడ్, బాలీవుడ్ ని షేక్ చేస్తున్న దివ్యభారతిని హీరోయిన్ గా తీసుకున్నారు. నిజానికి ఇది స్ట్రెయిట్ మూవీ కాదు. తమిళ హిట్ మూవీ వేలై కీడైచుడుచు చిత్రం ఆధారంగా తెరకెక్కించారు.
తమిళంలో సత్యరాజ్ హీరోగా నటించాడు. మోహన్ బాబు ఇమేజ్ కి తగ్గట్లు, తెలుగు నేటివిటీకి దగ్గరగా మార్పులు చేసి తెరకెక్కించారు. అసెంబ్లీ రౌడీ బ్లాక్ బస్టర్ టాక్ తెచ్చుకుంది. ఈ మూవీలో మోహన్ బాబు చెప్పే డైలాగ్స్ బాగా ఫేమస్. డైలాగ్ కింగ్ గా మోహన్ బాబు అవతరించాడు.
హీరోగా మోహన్ బాబు కెరీర్ కి అసెంబ్లీ రౌడీ గట్టి పునాది వేసింది. అప్పటికి ఒప్పుకున్న చిత్రాల వరకు విలన్ గా చేసిన మోహన్ బాబు అనంతరం హీరోగా కొనసాగాడు. అల్లరి మొగుడు, చిట్టెమ్మ మొగుడు, మేజర్ చంద్రకాంత్ వంటి హిట్ చిత్రాలతో మోహన్ బాబు హీరోగా సెటిల్ అయ్యాడు. 1995లో వచ్చిన పెదరాయుడు ఇండస్ట్రీ హిట్ కొట్టింది.
అసెంబ్లీ రౌడీ వంటి బ్లాక్ బస్టర్ చిరంజీవికి మిస్ అయినప్పటికీ... ఆయనకు గ్యాంగ్ లీడర్ రూపంలో ఇండస్ట్రీ హిట్ పడింది. 1991లోనే విడుదలైన గ్యాంగ్ లీడర్ అనేక రికార్డులు తుడిచిపెట్టింది. ఈ చిత్రానికి విజయ బాపినీడు దర్శకుడు. చిరంజీవి ఇమేజ్ మరో స్థాయికి తీసుకెళ్లిన చిత్రం అది..