డాషింగ్ డైరెక్టర్ పూరి జగన్నాధ్, రౌడీ హీరో విజయ్ దేవరకొండ కాంబోలో వచ్చిన లైగర్ చిత్రం ఊహించని విధంగా బాక్సాఫీస్ వద్ద బోల్తా కొట్టింది. ఈ మూవీపై అటు పూరి, ఇటు విజయ్ దేవరకొండ ఇద్దరూ విమర్శలు ఎదుర్కొంటున్నారు.
డాషింగ్ డైరెక్టర్ పూరి జగన్నాధ్, రౌడీ హీరో విజయ్ దేవరకొండ కాంబోలో వచ్చిన లైగర్ చిత్రం ఊహించని విధంగా బాక్సాఫీస్ వద్ద బోల్తా కొట్టింది. ఈ మూవీపై అటు పూరి, ఇటు విజయ్ దేవరకొండ ఇద్దరూ విమర్శలు ఎదుర్కొంటున్నారు. నెటిజన్లు ఈ చిత్రంపై తమ నిరాశని మొత్తం వ్యక్తం చేస్తూ ట్రోల్ చేస్తున్నారు. కథ విషయంలో ఎలాంటి జాగ్రత్తలు తీసుకోకుండా పైపై హంగులతో చెత్త చిత్రాన్ని ప్రేక్షకుల మీద రుద్దారు అని పూరిని విమర్శిస్తున్నారు.
తన యాటిట్యూడ్ యువతకి బాగా నచ్చింది అనే ఉద్దేశంతో విజయ్ దేవరకొండ మరీ అతిగా బిహేవ్ చేస్తున్నాడు అంటూ ట్రోలింగ్ చేస్తున్నారు. మొత్తంగా పూరి జగన్నాధ్, విజయ్ దేవరకొండ సంవత్సరం కష్టం వృధా అయింది. లైగర్ మూవీ డిజాస్టర్ కావడానికి అనేక కారణాలు వినిపిస్తున్నాయి. విజయ్ దేవరకొండ నత్తిగా నటించడం, హీరోయిన్ సెట్ కాకపోవడం, పాటలు, బిజియం ఇలా చాలా మైనస్ లు ఉన్నాయి.
ఏడాది పాటు కష్టపడిన చిత్రం ఇలా చతికిల బడింది అంటే ఎంతటివారికి అయినా నిరాశ ఉంటుంది. కానీ విజయ్ దేవరకొండ రిజల్ట్ ని పట్టించుకునే మెంటాలిటీ కాదు. లైగర్ రిజల్ట్ తెలియగానే మూవ్ ఆన్ అయిపోయాడు. లైగర్ మూవీ రిలీజైన మరుసటి రోజే విజయ్ దేవరకొండ జిమ్ వర్క్ స్టార్ట్ చేసేశాడు. తన తదుపరి చిత్రాలపై ఫోకస్ పెట్టేందుకు జిమ్ లో కసరత్తులు మొదలు పెట్టాడు.
ఈ వీడియో ప్రస్తుతం సోషల్ మీడియాలో వైరల్ గా మారింది. తన జిమ్ ట్రైనర్ తో కలసి విజయ్ దేవరకొండ చెమటలు చిందిస్తునాడు. లైగర్ చిత్రం విజయ్ దేవరకొండకి పాన్ ఇండియా స్థాయిలో క్రేజ్ తెచ్చిపెడుతుంది అని అంతా భావించారు. ఎప్పుడూ ఐదారు నెలల్లో సినిమా చుట్టేసే పూరి జగన్నాద్ ఈ చిత్రం కోసం ఏడాది టైం తీసుకున్నారు. దీనితో పూరి ప్లాన్ ఈసారి గట్టిగా ఉండబోతోంది అని ఫ్యాన్స్ అనుకున్నారు.
కానీ సినిమాలు రొటీన్ కంటెంట్ తో ఊహించని విధంగా డిజప్పాయింట్ చేశాడు. పూరి జగన్నాధ్ నెక్స్ట్ మూవీ కూడా విజయ్ దేవరకొండతోనే ఉండబోతోంది. పూరి డ్రీమ్ ప్రాజెక్టు 'జనగణమన ఇప్పటికే అనౌన్స్ కూడా చేశారు. లైగర్ రిజల్ట్ ఇలా కావడంతో మరి ఆ చిత్రం ముందుకు వెళుతుందో లేదో చూడాలి.
మరోవైపు విజయ్ దేవరకొండ శివ నిర్వాణ దర్శకత్వంలో ఖుషి చిత్రంలో నటిస్తున్నాడు. సమంత ఈ చిత్రంలో హీరోయిన్. పెళ్లి చూపులు, అర్జున్ రెడ్డి, గీత గోవిందం చిత్రాలతో టాలీవుడ్ లో విజయ్ ప్రామిసింగ్ హీరోగా ఎదిగాడు. స్టార్ హీరో ఇమేజ్ కి అడుగు దూరంలో ఉండగా లైగర్ మూవీ ఇలా అయింది.