Folk Song: ఫోక్ సాంగ్స్ ట్రెండ్ నడుస్తోంది. యూట్యూబ్లో సినిమా పాటలకంటే ఈ జానపద పాటలే బాగా ఆదరణ పొందుతున్నాయి. ఆడియెన్స్ ని అలరిస్తున్నాయి. అందులో భాగంగా మరో పాట 135 మిలియన్స్ తో యూట్యూబ్లో దుమ్మురేపుతోంది.
గుట్ట గుట్ట తిరిగెటోడ తెలుగు జానపద గీతం భారీ వ్యూస్తో సోషల్ మీడియాలో సంచలనం సృష్టించింది. రేలారే రేల శ్యామల, రేలారే రేల ప్రసాద్ వంటి గాయకులు ఆలపించిన ఈ పాట సాహిత్యం, అర్థం, ఎందుకు ట్రెండ్ అయిందనేది చూస్తే, ఇటీవలి కాలంలో తెలుగులో అత్యధిక వ్యూస్తో సంచలనం సృష్టించిన జానపద గీతం గుట్ట గుట్ట తిరిగెటోడ. ఈ పాట గ్రామీణ వాతావరణాన్ని, సరదా సంభాషణను ప్రతిబింబిస్తూ శ్రోతలను ఎంతగానో ఆకట్టుకుంది. రేలారే రేల శ్యామల గానం, రచనతో విడుదలైన ఈ పాట, రవి కళ్యాణ్ సంగీతం, డీఆర్సీ సునీల్ కుమార్ దర్శకత్వంలో పలు వెర్షన్లలో విడుదలై విశేష ప్రేక్షకాదరణ పొందింది.
25
హీరోయిన్ డాన్సులు హైలైట్గా గుట్ట గుట్ట తిరిగెటోడ పాట
'గుట్ట గుట్ట తిరిగెటోడ' జానపద గీతం పలువురి కళాకారుల ద్వారా వివిధ వెర్షన్లలో అందుబాటులో ఉంది. రేలారే రేల శ్యామల ఆలపించిన వెర్షన్ 2020 సెప్టెంబర్ 29న విడుదలైంది. రేలారే రేల ప్రసాద్ పాడిన పురుష వెర్షన్ 2020 జూన్ 6న విడుదల కాగా, మెడికొండ ప్రసాద్ పాడిన మరో వెర్షన్ 2020 ఆగస్టు 5న విడుదలైంది. ఇందులో జాన్సీ హీరోయిన్గా డాన్స్ చేయడం విశేషం. ఆమె డాన్సులు ఆడియెన్స్ కి ఊపు తీసుకొస్తున్నాయి. డల్గా ఉన్న మూడ్ని కూడా సెట్ చేస్తున్నాయని చెప్పొచ్చు. అదే సమయంలో మంచి జోష్ని నింపే పాటగా ఇది నిలుస్తోంది.
35
గుట్ట గుట్ట తిరిగెటోడ పాట అర్థం
ఈ పాట సాహిత్యం తెలుగు గ్రామీణ ప్రాంతాల్లో జరిగే సరదా సంభాషణను, టీజింగ్ను ప్రతిబింబిస్తుంది. పాటలో 'గుట్ట గుట్ట తిరిగెటోడ భీమసారి, గుట్టెక్కి గుడి కట్టేటోడ, నీ గుట్టు సైల నాకు తెలుసు భీమసారి, వల్ల కాదు మల్లీ పోరా' వంటి పంక్తులు కనిపిస్తాయి. ఇది ఒక అమ్మాయి, అబ్బాయి మధ్య జరిగే సంభాషణలా అనిపిస్తుంది. 'గుట్ట గుట్ట తిరిగెటోడ' అంటే కొండలు, గుట్టల వెంట తిరిగేవాడు అని అర్థం. అమ్మాయి అబ్బాయిని ఆట పట్టిస్తూ, అతని రహస్యాలు తనకు తెలుసని, తన వెంట పడకుండా వెళ్ళిపోవాలని చెబుతున్నట్లుగా ఈ సాహిత్యం ఉంటుంది. చిలకల బావి, మక్కజొన్న చేను వంటి గ్రామీణ వాతావరణం కూడా పాటలో భాగం.
'గుట్ట గుట్ట తిరిగెటోడ' పాట భారీ స్థాయిలో ట్రెండ్ అవ్వడానికి అనేక కారణాలున్నాయి. ముఖ్యంగా ఇన్ స్టా, యూట్యూబ్, షార్ట్స్ వంటి సోషల్ మీడియా ప్లాట్ఫామ్లలో ఈ పాట విస్తృతంగా ప్రచారంలోకి వచ్చింది. దీని డీజే రీమిక్స్ వెర్షన్లు కూడా యువతను ఆకట్టుకుని వైరల్గా మారాయి. ఈ పాటలోని సరళమైన, ఆకర్షణీయమైన సాహిత్యం, క్యాచీ ట్యూన్ ఆడియెన్స్ కి త్వరగా రీచ్ కావడానికి కారణమయ్యాయి. దీనికితోడు మెయిన్ డాన్సర్తోపాటు ఇతర డాన్సర్ల అదిరిపోయే డాన్సులు కూడా ప్లస్ అయ్యాయని చెప్పొచ్చు.
55
135 మిలియన్ వ్యూస్తో యూట్యూబ్ షేకింగ్
యూట్యూబ్లో ఈ పాట రికార్డు స్థాయి వ్యూస్ను సాధించింది. డిస్కో రికార్డింగ్ కంపెనీ - తెలంగాణ ఫోక్స్ ఛానెల్లో విడుదలైన ఒక 4K HD వీడియో సాంగ్ ఏకంగా 135 మిలియన్లకు పైగా వ్యూస్ని సాధించింది. అలాగే, మైక్ టీవీలో విడుదలైన మరో వెర్షన్ కూడా 927 వేల వ్యూస్లు పొందింది. ఈ పాట ప్రజాదరణకు నిదర్శనంగా అనేక డీజే రీమిక్స్ వెర్షన్లు, కవర్ సాంగ్స్, షార్ట్ వీడియోలు యూట్యూబ్లో అందుబాటులో ఉన్నాయి. 'గుట్ట గుట్ట తిరిగెటోడ' పాట తెలుగు జానపద సంగీతంలో ఒక మైలురాయిగా నిలిచి, సాంప్రదాయ కళకు ఆధునిక ప్లాట్ఫామ్ల ద్వారా ఎంతటి ప్రజాదరణ లభిస్తుందో రుజువు చేసింది. ఈ పాట రాబోయే తరాల జానపద కళాకారులకు స్ఫూర్తినిస్తుందని చెప్పడంలో అతిశయోక్తి లేదు.
