కర్త కర్మ క్రియ నేనే, చూస్తూ ఊరుకోను.. రానా, త్రివిక్రమ్ 'హిరణ్యకశ్యప'పై గుణశేఖర్ కామెంట్స్ వైరల్

టాలీవుడ్ లో గతంలో కథల విషయంలో అనేక వివాదాలు చూశాం. తమ కథని కాపీ చేశారని రచయితలు వాపోవడం, కంప్లైంట్ చేయడం లాంటి సంఘటనలు చూశాం. అయితే గుణశేఖర్ కలల ప్రాజెక్ట్ హిరణ్య కశ్యప విషయంలో విచిత్రమైన పరిస్థితి ఉంది.

Rana Daggubati

టాలీవుడ్ లో గతంలో కథల విషయంలో అనేక వివాదాలు చూశాం. తమ కథని కాపీ చేశారని రచయితలు వాపోవడం, కంప్లైంట్ చేయడం లాంటి సంఘటనలు చూశాం. అయితే గుణశేఖర్ కలల ప్రాజెక్ట్ హిరణ్య కశ్యప విషయంలో విచిత్రమైన పరిస్థితి ఉంది. హిరణ్య కశ్యప అనేది పురాణ గాధతో తెరకెక్కించాలనుకున్న చిత్రం. పురాణాలపై చిత్రాలు ఎవరైనా తెరకెక్కించుకోవచ్చు. రామాయణం, మహాభారతం కథలతో ఎన్నో చిత్రాలు వచ్చాయి. దర్శకులు ఎవరి కోణాల్లో వారు ఆ కథలని ఆవిష్కరించారు. 

అయితే హిరణ్య కశ్యప విషయంలో పరిస్థితి వేరుగా ఉంది. గుణశేఖర్ దర్శకత్వంలో రానా హిరణ్యకశ్యపుడిగా చిత్ర తెరకెక్కించేందుకు గత కోనేళ్ళుగా తెరవెనుక వర్క్ జరుగుతూనే ఉంది. గుణశేఖర్ దాదాపు ఈ చిత్రం కోసం ఐదేళ్ల పాటు కష్టపడ్డారు. కానీ ఇంత వరకు ఈ ప్రాజెక్ట్ పట్టాలెక్కలేదు. అయితే కొంత కాలం నుంచి హిరణ్య కశ్యప ఆగిపోయిందని.. గుణశేఖర్, రానా కాంబినేషన్ లో ఆ చిత్రం రావడం లేదు అంటూ వార్తలు వచ్చాయి. 

ఆ వార్తలని నిజం చేస్తూ రానా బుధవారం రోజు కామిక్ కాన్ లో హిరణ్య కశ్యప ఫస్ట్ లుక్ రిలీజ్ చేశారు. అయితే ఈ చిత్రం గురించి త్వరలో పూర్తి వివరాలు తెలియనున్నాయి. కానీ ఈ చిత్రాన్ని గుణశేఖర్ తెరకెక్కిస్తున్నారని మాత్రం చెప్పలేదు. ఊహించని విధంగా త్రివిక్రమ్ పేరు తెరపైకి వచ్చింది. త్రివిక్రమ్.. రానా హిరణ్య కశ్యప చిత్రానికి కథ అందిస్తున్నారంటూ బలమైన వార్తలు వస్తున్నాయి. 

అయితే ఈ చిత్రానికి దర్శకుడు ఎవరనేది మాత్రం ఇంకా తెలియలేదు. గుణేశేఖర్ నే కంటిన్యూ చేస్తారా లేక వేరే దర్శకుడిని తీసుకుంటారా అనే విషయంలో క్లారిటీ లేదు. అయితే గుణశేఖర్ శాకుంతలం మూవీ ప్రమోషన్స్ టైం చేసిన వ్యాఖ్యలు మాత్రం ఇప్పుడు వైరల్ గా మారాయి. పురాణం అంటే ఎవరైనా తీసుకోవచ్చు. తప్పులేదు. అప్పట్లో పాండమిక్ కారణంగా హిరణ్య కశ్యప విషయంలో ముందుకు వెళ్ళలేదు. కానీ నేను ఆ ప్రాజెక్టు కోసం ఎంతో శ్రమించాయి. ప్రీ విజువలైజేషన్ పూర్తయింది. 

మేము అనుకున్న హాలీవుడ్ సంస్థ కూడా తప్పుకోవడంతో హిరణ్య కశ్యపకి కాస్త బ్రేకులు పడ్డాయి. నేను అనుకున్న హిరణ్య కశ్యప స్క్రిప్ట్ కి కర్త కర్మ క్రియ అన్నీ నేనే. సురేష్ బాబు ఈ చిత్ర డైరెక్టర్ మార్పు గురించి ఏం మాట్లాడారో నాకు అవగాహన లేదు. హిరణ్య కశ్యప కోసం ఏం చేయాలో మొత్తం ఫినిష్ చేశా. ప్లానింగ్ మొత్తం జరిగింది కాబట్టి ఇక జస్ట్ షూటింగ్ మాత్రమే మిగిలింది. షూటింగ్ 10 నెలల్లో పూర్తి చేయగలను. ఆ తర్వాత పోస్ట్ ప్రొడక్షన్ కి మాత్రం టైం పడుతుంది. 

హిరణ్య కశ్యప ప్రాజెక్ట్ నాదే. కాకపోతే అది పురాణం కాబట్టి వేరే కోణంలో వారు తీసుకుంటే నాకు అభ్యంతరం లేదు. కానీ నా ఐడియాతో హిరణ్య కశ్యప ఎవరైనా తీస్తే చూస్తూ ఊరుకోను. అది ఎథికల్ కాదు. ప్రొఫెషనల్ ఎథిక్స్ లేకుండా వాళ్ళు హిరణ్య కశ్యప తీస్తారని నేను అనుకోను అంటూ దగ్గుబాటి కాంపౌండ్ పై పరోక్షంగా గుణశేఖర్ వ్యాఖ్యలు చేశారు. మరి రానా మాత్రం హిరణ్య కశ్యప ఎనౌన్స్ చేసేశారు. ఇది ఎలాంటి వివాదానికి దారితీస్తుందో చూడాలి.