గాడ్జిల్లా ఫ్రాంచైజీలో 'జియా' పాత్రతో కోట్లాది మంది హృదయాలను గెలుచుకున్న యువ నటి కేలీ హాటిల్ 18 ఏళ్లకే కన్నుమూసింది. ఆమె జీవితం, కెరీర్, హాలీవుడ్పై ఆమె చూపిన ప్రభావం గురించి పూర్తి వివరాలు ఇక్కడ ఉన్నాయి.
మాన్స్టర్వర్స్ చిత్రాలలో జియా పాత్రతో అందరి మనసులను గెలుచుకున్న యువ నటి కేలీ హాటిల్ మరణంతో వినోద పరిశ్రమ శోకసంద్రంలో మునిగిపోయింది. మేరీల్యాండ్లో జరిగిన కారు ప్రమాదంలో 18 ఏళ్ల వయసులో ఆమె మరణించింది. ఈ విషాద వార్తతో అభిమానులు, తోటి నటులు షాక్కు గురయ్యారు. ఆమె తండ్రి ఈ మరణాన్ని ధృవీకరించారు. హాలీవుడ్, బధిర సంఘం ఆమెకు నివాళులు అర్పిస్తున్నాయి.
25
పుట్టుకతోనే ఆ లోపం
కేలీ హాటిల్ బధిర కుటుంబంలో పుట్టింది. ఆమె వ్యక్తిగతంగా ఉన్న లోపం, అయినప్పటికీ సాధించిన ఘనతలు తెలిస్తే కన్నీళ్లు ఆగవు. ఆమె కుటుంబంలో చాలా తరాలుగా వినికిడి లోపం ఉంది. దీనితో కేలీ హాటిల్ కి కూడా పుట్టుకతోనే వినికిడి లోపం వచ్చింది. అమెరికన్ సంకేత భాష (ASL) ఆమె ప్రాథమిక భాష. టెక్సాస్ స్కూల్ ఫర్ ది డెఫ్లో ఆమె చదువుకుంది. అక్కడ చదువు, క్రీడలు, నటనను బ్యాలెన్స్ చేసింది. సినిమాల్లోకి రాకముందే, బధిర సమాజం కోసం అవగాహన, సౌకర్యాలను ప్రోత్సహించే ప్రచార కార్యక్రమాలలో ఆమె కనిపించింది.
35
గాడ్జిల్లా వర్సెస్ కాంగ్ చిత్రంతో పెద్ద బ్రేక్
2021లో 'గాడ్జిల్లా వర్సెస్ కాంగ్' చిత్రంతో ఆమెకు పెద్ద బ్రేక్ వచ్చింది. ఈ సినిమాలో కాంగ్తో ప్రత్యేక అనుబంధం ఉన్న బధిర అనాథ 'జియా' పాత్రలో ఆమె అద్భుతంగా నటించింది. ఆమె నటనకు మంచి ప్రశంసలు దక్కాయి. ఆ తర్వాత 'గాడ్జిల్లా x కాంగ్: ది న్యూ ఎంపైర్' (2024)లో కూడా అదే పాత్రను పోషించింది. ఈ నటనకు ఆమె సాటర్న్ అవార్డుకు నామినేట్ అయింది.
నటనకు మించి, హాలీవుడ్లో బధిరులకు మంచి ప్రాతినిధ్యం ఉండాలని కేలీ గట్టిగా వాదించింది. ఆమె ఎంతో మంది యువ బధిర నటులకు స్ఫూర్తిగా నిలిచింది. ఆమెతో సెట్లో కమ్యూనికేట్ చేయడానికి రెబెకా హాల్, అలెగ్జాండర్ స్కార్స్గార్డ్ వంటి సహనటులు అమెరికన్ సంకేత భాష (ASL) నేర్చుకున్నారు.
55
అభిమానుల నివాళులు
ఆమె మరణవార్త తెలియగానే, సహనటులు, అభిమానులు, సంస్థలు ఆమె ప్రతిభను, దయను గుర్తుచేసుకుంటూ నివాళులు అర్పించారు. ఆమె కెరీర్ ఇప్పుడే మొదలైనప్పటికీ, కేలీ హాటిల్ చెరగని ముద్ర వేసింది. వినోద పరిశ్రమలో చేరిక, ప్రాప్యత, ప్రామాణిక ప్రాతినిధ్యం గురించి చర్చలను ఆమె ప్రేరేపించింది.
