`బొమ్మరిల్లు` భామ జెనీలియా.. బాలీవుడ్‌ నటుడు రితేష్‌ దేశ్‌ముఖ్‌ని ప్రేమించి పెళ్లి చేసుకుంది. అయితే వీరి వెడ్డింగ్‌కి సంబంధించిన రేర్‌ ఫోటోలు వైరల్‌ అవుతున్నాయి.
జెనీలియా.. `బొమ్మరిల్లు`, `ఢీ`, `రెడీ`, `సై`, `ఆరెంజ్‌, `శశరేఖ పరిణయం` చిత్రాలతో తెలుగు ఆడియెన్స్ కి దగ్గరైన హీరోయిన్‌. అల్లరి పిల్లలా, ఫుల్‌ ఎనర్జీతో, ఇన్నోసెంట్‌గా ఆమె చేసే యాక్టింగ్‌ అందరిని కట్టిపడేస్తుంది. అదే ఆమెని ఆడియెన్స్ కి దగ్గర చేసింది. తెలుగు, తమిళం, హిందీ చిత్రాల్లో ఎక్కువగా నటించి మెప్పించిన జెనీలియా.. కన్నడ, మలయాళ చిత్రాల్లోనూ మెరిసింది.
పదేళ్లపాటు హీరోయిన్‌గా ఓ ఊపు ఊపేసింది జెనీలియా. ఆ తర్వాత బాలీవుడ్‌ నటుడు, మాజీ సీఎం విలాస్‌ రావు దేశ్‌ముఖ్‌ తనయుడు రితేష్‌ దేశ్‌ముఖ్‌తో ప్రేమలోపడింది. హిందీ సినిమా చేసే సమయంలోన ఈ ఇద్దరి మధ్య ప్రేమ స్టార్ట్ అయ్యింది. పెళ్లికి రెడీ అయ్యారు.
కానీ ఫ్యామిలీ ఒప్పుకోలేదు. కొంత కాలం ఆగి, వారి అనుమతితో పెళ్లి చేసుకున్నారు. చాలా గ్రాండ్‌గా వారి వివాహం జరిగింది. 2012లో ఈ ఇద్దరు ఒక్కటయ్యారు. అప్పట్లోనే చాలా గ్రాండియర్‌గా వీరి వెడ్డింగ్‌ ఈవెంట్‌ జరగడం విశేషం.
వీరి మ్యారేజ్‌కి సంబంధించిన అరుదైన ఫోటోలు ఇప్పుడు వైరల్‌అవుతుంది. పెళ్లికి సంబంధించిన అన్‌ సీన్‌ పిక్స్ ఇప్పుడు సోషల్‌ మీడియాలో వైరల్‌ అవుతున్నాయి. అభిమానులను ఆకట్టుకుంటున్నాయి.
ఇందులో జెనీలియా భారీగా డిజైన్‌ చేసిన రెడ్‌ శారీ ధరించింది. అలాగే రితేష్‌ సిల్వర్‌ కలర్‌ కుర్తా ధరించారు. వీరి డ్రెస్సులోన వారి రాయిల్టీ ఉట్టిపడుతుంది. సినీ, రాజకీయ ప్రముఖులువీరి పెళ్లిల్లో పాల్గొని సందడి చేశారు.
ఇదిలా ఉంటే జెనీలియా ఫ్యామిలీ క్రిస్టియన్‌, రితేష్‌ ది హిందూ ఫ్యామిలీ. అందుకే రితేష్‌ ఫ్యామిలీ మొదట అభ్యంతరం తెలిపారట. కానీ ఆ తర్వాత ఒక అండర్ స్టాండింగ్‌కి వచ్చి, ఇద్దరి సాంప్రదాయాల ప్రకారం, అటు క్రిస్టియన్‌, ఇటు హిందూ సాంప్రదాయాల ప్రకారం వీరి పెళ్లి జరిగింది.
పెళ్లి రోజు జెనీలియా చాలా ఎమోషనల్‌ అయ్యింది. ప్రేమని గెలిపించుకోవడం కోసం చాలా ఫైట్‌ చేసిన నేపథ్యంలో ఆమె పెళ్లి అనంతరం కన్నీళ్లు పెట్టుకుంది.
పెళ్లి తర్వాత సినిమాలు తగ్గించింది జెనీలియా. హీరోయిన్‌గా ఆమె సినిమాలకు గుడ్‌ బై చెప్పింది. కానీ కీలక పాత్రలో అడపాదడపా మెరుస్తుంది. నిర్మాతగానూ రాణిస్తుంది.
ఇటీవల కాలంలో ఆమె మళ్లీ సినిమాల్లో మెరుస్తూ అలరిస్తుంది. అయితే తెలుగులోకి కూడా రీ ఎంట్రీ ఇవ్వబోతుందని తెలుస్తుంది. మరి మరోసారి ఆమె టాలీవుడ్‌ ఆడియెన్స్ ని అలరించేందుకు రాబోతుందని సమాచారం.