పుష్ప 2లో ఛాన్స్.. పాలిటిక్స్ లోకి ఎంట్రీ.. బిగ్ బాస్ 6 విన్నర్ ఎవరో చెప్పేసిన గీతూ

కింగ్ నాగార్జున హోస్ట్ గా వ్యవహరిస్తున్న బిగ్ బాస్ 6లో ఊహించని పరిణామాలు చోటు చేసుకుంటున్నాయి. బలమైన కంటెస్టెంట్స్ కూడా ఎలిమినేట్ అవుతున్నారు. సూర్య, గీతూ, బాలాదిత్య ఎలిమినేషన్ అందుకు ఉదాహరణ. గీతూ ఎలిమినేషన్ అయితే ఎవరూ ఊహించలేదు. ఆమె తప్పకుండా ఫైనల్ 5లో ఉంటుందని భావించారు. 

మొత్తంగా గీతూ మాత్రం బిగ్ బాస్ 6తో బాగా పాపులర్ అయింది. ప్రస్తుతం గీతూ పలు ఇంటర్వ్యూలతో బిజీగా ఉంది. తాజాగా గీతూ ఓ ఇంటర్వ్యూలో ఆసక్తికర విషయాలు పేర్కొంది. గీతూకి అల్లు అర్జున్ పుష్ప 2లో ఛాన్స్ వచ్చినట్లు రూమర్స్ వినిపిస్తున్నాయి. గీతూ మాట్లాడేది చిత్తూరు యాసే. పుష్ప 2 చిత్రానికి ఆ స్లాంగ్ లో మాట్లాడేవాళ్ళు అవసరం. దీనితో గీతూకి పుష్ప 2లో ఛాన్స్ వరించినట్లు వార్తలు వచ్చాయి. 

Bigg Boss Telugu 6

దీనిపై గీతూ స్పందించింది. నాకు పుష్ప 2లో ఛాన్స్ వచ్చినట్లు ప్రచారం జరుగుతోంది. అయితే ఇంకా ఏదీ నా వరకూ రాలేదు. పుష్ప కో డైరెక్టర్ నా ఫోన్ నంబర్ అడిగారని తెలిసింది. అంతవరకే నాకు తెలుసు. ఛాన్స్ వస్తే మాత్రం తప్పకుండా నటిస్తా. పుష్ప చిత్ర యూనిట్ ఎవరూ నాతో నేరుగా ఇంకా మాట్లాడలేదు. 

ఇక బిగ్ బాస్ విషయానికి వస్తే.. విన్నర్ గా నిలిచే అవకాశాలు ఆది రెడ్డికి ఎక్కువగా ఉన్నాయి. రేవంత్ కి కూడా ఛాన్స్ ఉంది. కానీ రేవంత్ కి విపరీతమైన కోపం అది అతడి మైనస్ అని గీతూ తెలిపింది. ఇక శ్రీహాన్ పై నెగిటివిటి ఎక్కువగా ఉంది. అతడికి వెటకారం ఎక్కువ. కాబట్టి అతడు టాప్ 5లో ఉండకపోవచ్చు అని గీతూ జోస్యం చెప్పింది. 

భవిష్యత్తులో తాను రాజకీయాల్లోకి వెళ్లాలనుకుంటున్నట్లు గీతూ కుండ బద్దలు కొట్టేసింది. ప్రజా సేవ చేయాలనేది తన కోరిక అని గీతూ తెలిపింది. బిగ్ బాస్ హౌస్ లో తొలి రోజు నుంచే మైండ్ గేమ్ ఆడుతూ గీతూ చేసిన రచ్చ అంతా ఇంతా కాదు. 

గీతూ ఎలిమినేట్ అయ్యాక హౌస్ వెలవెల పోతోంది అని ఆమె అభిమానులు అంటున్నారు. గీతూ ఎలిమినేషన్ సరిగ్గా జరగలేదని ఆరోపిస్తున్నారు. మరోవైపు గీతూ వైల్డ్ కార్డు ఎంట్రీ ద్వారా హౌస్ లోకి మళ్ళి వచ్చే ఛాన్స్ ఉందని  ప్రచారం జరుగుతున్నా.. అది జరిగే వరకు చెప్పలేం.