'గేమ్ ఛేంజర్' సినిమా భారీ బడ్జెట్‌తో సంక్రాంతికి విడుదలవుతోంది. ఈ సినిమా ప్రీ-రిలీజ్ బిజినెస్ అదే స్థాయిలో జరిగింది. బ్రేక్ ఈవెన్ అవ్వాలంటే ఎన్ని కోట్లు వసూలు చేయాలో తెలుసుకోండి.
సంక్రాంతి కానుకగా రాబోతున్న భారీ బడ్జెట్ సినిమాలలో 'గేమ్ ఛేంజర్' సినిమా ఒకటి. అలాగే మిగిలిన రెండు సినిమాల మొత్తం బడ్జెట్ కంటే 'గేమ్ ఛేంజర్' సినిమా బడ్జెట్ ఎక్కువ అవటంతో అందరి దృష్టీ ఈ సినిమాపైనే ఉంది. అదే సమయంలో ఈ సినిమాకు ప్రీ రిలీజ్ బిజినెస్ అదే స్థాయిలో జరిగిందని ట్రేడ్ వర్గాల సమాచారం. ఇంతకీ ఎంత బిజినెస్ అయ్యింది. బ్రేక్ ఈవెన్ అవ్వాలంటే ఎన్ని కోట్లు వసూలు చేయాలి వంటి విషయాలు చూద్దాం.
ఆర్.ఆర్.ఆర్ చిత్రంతో గ్లోబల్ స్టార్ గా ఎదిగిన రామ్ చరణ్ (Ram Charan) నటించిన పొలిటికల్ యాక్షన్ థ్రిల్లర్ 'గేమ్ ఛేంజర్'(Game Changer Movie).తమిళ స్టార్ డైరెక్టర్ శంకర్ దర్శకత్వంలో తెరకెక్కించిన ఈ మూవీ సంక్రాంతి కానుకగా థియేటర్లలో సందడి చేయటానికి రంగం సిద్దమైంది.
ఇప్పటికే రిలీజైన సాంగ్స్‌కు ఆడియన్స్ నుంచి మంచి రెస్పాన్స్ వస్తోంది. అలాగహే తాజాగా ఈ మూవీ ట్రైలర్‌ను (Game Changer Trailer)మేకర్స్ రిలీజ్ చేశారు. ట్రైలర్ వైరల్ అవుతోంది.
'నువ్వు ఐదు సంవత్సరాలు మాత్రమే మినిస్టర్‌.. నేను చనిపోయే వరకు ఐఏఎస్‌' వంటి డైలాగ్స్ ఫ్యాన్స్‌కు పూనకాలు తెప్పిస్తున్నాయి. ట్రైలర్ చివర్లో వచ్చే 'అర్థమయిందిరా.. రా కి రా.. సర్‌ కి సర్‌..' అనే డైలాగ్‌ ఎస్‌జే సూర్యతో చెప్పే డైలాగ్‌ మెగా ఫ్యాన్స్‌ను అలరిస్తోంది. దాదాపు 2 నిమిషాల 40 సెకన్ల పాటు ఉన్న గేమ్ ఛేంజర్ ట్రైలర్‌లో ఫైట్స్, విజువల్స్‌లో డైరెక్టర్ శంకర్ మార్క్ కనిపిస్తోంది.
బిజినెస్ విషయానికి వస్తే...పాన్ ఇండియా స్థాయిలో రిలీజ్ అవుతున్న ఈ సినిమా . తెలుగు రాష్ట్రాల్లో ఈ సినిమా దాదాపుగా రూ.127 కోట్ల ప్రీ రిలీజ్ బిజినెస్ చేసింది. నైజాం ఏరియాలో ఈ సినిమా రూ.44 కోట్ల బిజినెస్ చేసింది. రామ్ చరణ్ సోలో హీరోగా నటించిన సినిమాల్లో నైజాం ఏరియాలో అతి పెద్ద బిజినెస్ ఇదేగా చెప్పుకోవచ్చు.
సీడెడ్‌లో ఈ సినిమాకు రూ.24 కోట్ల ప్రీ రిలీజ్ బిజినెస్ జరిగింది. ప్రముఖ నిర్మాత ఈ సినిమా నైజాం ఏరియా పంపిణీ హక్కులు దక్కించుకున్నారు. ఉత్తరాంధ్రలో రూ.15 కోట్లు, గుంటూరులో రూ.11 కోట్లు, ఈస్ట్‌ రూ.10.5 కోట్లు, వెస్ట్‌ రూ.9 కోట్లు, కృష్ణ 8.5 కోట్లు, నెల్లూరు రూ.5 కోట్ల ప్రీ రిలీజ్ బిజినెస్ చేసిందని తెలుస్తోంది.
తెలుగు వెర్షన్ కు బ్రేక్ ఈవెన్ మార్క్ రావాలంటే రూ.130 కోట్లు షేర్ రావాలి, అలాగే వరల్డ్ వైడ్ గా 450 కోట్లు గ్రాస్ వస్తే బ్రేక్ ఈవెన్ అవుతుందని తెలుస్తోంది. సలార్, బాహుబలి, బాహుబలి 2, కల్కి 2898AD, RRR, పుష్ప 2 చిత్రాలు ఈజీగా 450 కోట్లు దాటేసాయి. దాంతో ఖచ్చితంగా గేమ్ ఛేంజర్ సతం ఈ క్లబ్ లో మొదటి వారంలోనే జాయిన్ అవుతుందని లెక్కలు వేస్తున్నారు.
సంక్రాంతికి విడుదల కావడం, 3 సంవత్సరాల తర్వాత రామ్ చరణ్ సోలో ప్రాజెక్ట్ కావడంతో ఈ చిత్రంకి పాజిటివ్ మౌత్ టాక్ వస్తే 500 కోట్ల క్లబ్‌లో చేరడానికి అన్ని అవకాశాలున్నాయి. ముఖ్యంగా దిల్ రాజుకి ఈ సినిమా చాలా కీలకం.
బడ్జెట్ అనుకున్న అంకెలను దాటినందున ఇది మరింత చేయవలసి ఉంది. గేమ్ ఛేంజర్ ప్రపంచవ్యాప్తంగా 550 కోట్ల కంటే ఎక్కువ వసూలు చేస్తే, ఆ రాబడి దిల్ రాజును లాభాల్లోకి తీసుకెళ్తుంది. ఇక ఈ చిత్రం దిల్ రాజు దాదాపు రూ.500 కోట్ల బడ్జెట్‌తో నిర్మించారని చెప్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి