'ఎట్టకేలకు నా జీవితంలోకి ప్రత్యేకమైన వ్యక్తి' ... పెళ్ళికి సిద్ధమైన ప్రభాస్? కీలక ప్రకటన!

ప్రభాస్ సోషల్ మీడియా ప్రకటన టాలీవుడ్ వర్గాలలో పెద్ద చర్చకు దారి తీసింది. ఆయన పెళ్లి పై హింట్ ఇచ్చేశాడని. జీవితంలోకి ప్రత్యేకమైన వ్యక్తి వస్తుందంటూ ప్రభాస్ చేసిన కామెంట్ పెళ్లి గురించే అంటున్నారు. ఫ్యాన్స్ ఈ క్రమంలో సంబరాలు చేసుకుంటున్నారు.   

Prabhas

ప్రభాస్ పెళ్లి ఎప్పుడు చేసుకుంటారనే చర్చ ఇప్పటిది కాదు. గత ఐదారేళ్లుగా జోరుగా జరుగుతున్న ప్రచారం అవుతుంది. ప్రభాస్ పెళ్లిపై తరచుగా కథనాలు వస్తుంటాయి. హీరోయిన్ అనుష్కను వివాహం చేసుకుంటున్నారంటూ పెద్ద ఎత్తున ప్రచారం జరిగింది. అవన్నీ పుకార్లే అని ప్రభాస్ కొట్టి పారేశాడు. 

పెళ్లి పై ప్రభాస్ చాలా అరుదుగా స్పందించారు. అన్ స్టాపబుల్ షోలో ప్రభాస్ ని బాలయ్య ఇదే ప్రశ్న అడిగి ఇరుకున పెట్టాడు. ప్రభాస్ తెలివిగా తప్పుకున్నాడు తప్ప స్పష్టత ఇవ్వలేదు. పెళ్లి చేసుకునేది...  లేనిదీ చెప్పలేదు. సల్మాన్ పెళ్లి తర్వాతే నా పెళ్లి అని సిల్లీ ఆన్సర్ చెప్పి ఫ్యాన్స్ ని కూడా నిరాశపరిచాడు.

40 ప్లస్ లో ఉన్న ప్రభాస్ ఇక పెళ్లి చేసుకోకపోవచ్చనే వాదన ఉంది. ఫ్యాన్స్ సైతం ఆశలు వదిలేశారు. అనూహ్యంగా ప్రభాస్ ప్రకటన మరోసారి ఆయన పెళ్లి వార్తను తెరపైకి తెచ్చింది. ప్రభాస్ తమ జీవితంలోకి ప్రత్యేకమైన వ్యక్తి వస్తున్నట్లు కామెంట్ చేశాడు. ఇంస్టాగ్రామ్ స్టేటస్ లో పొందుపరిచిన కామెంట్ చిత్ర వర్గాలను షేక్ చేస్తుంది.

Prabhas

'డార్లింగ్స్... ఎట్టకేలకు మన జీవితంలోకి ఒక ప్రత్యేకమైన వ్యక్తి వస్తున్నారు. మీరు వేచి చూడండి' అని ప్రభాస్ ఇంస్టాగ్రామ్ స్టేటస్ పెట్టాడు. ఎట్టకేలకు, జీవితంలోకి, ప్రత్యేకమైన వ్యక్తి... అనే పదాలు భార్యను సూచిస్తున్నాయి. మీరు కోరుకుంటున్న తరుణం వచ్చింది. నాకు కాబోయే భార్యను పరిచయం చేయబోతున్నాను... అని ప్రభాస్ పరోక్షంగా చెప్పాడనే వాదన మొదలైంది. 

Prabhas

అయితే ఇది కల్కి చిత్ర పబ్లిసిటీ స్టంట్ అనే మరో వాదన కూడా వినిపిస్తోంది. త్వరలో కల్కి ప్రీ రిలీజ్ వేడుక గ్రాండ్ గా నిర్వహించనున్నారట. ఈ ఈవెంట్ ని ఉద్దేశించే ప్రభాస్ ఈ పోస్ట్ పెట్టాడని ఓ వర్గం అంటున్నారు. అలాగే పాయల్ రాజ్ పుత్ కల్కి మూవీలో ఓ పాత్ర చేస్తుందట. ఆమెను ఉద్దేశించి కూడా ఈ కామెంట్ కావచ్చని అంటున్నారు. 

తాజాగా పాయల్ రాజ్ పుత్ సోషల్ మీడియాలో ' నేను ఒకరి డార్లింగ్ అని చెప్పగలను, ఎవరో ఊహించగలరా' అని పోస్ట్ పెట్టింది. కాబట్టి ప్రభాస్ పోస్ట్ కల్కి మూవీలో పాయల్ పాత్ర గురించి కూడా కావచ్చు అంటున్నారు. ఏది ఏమైనా త్వరలో దీనిపై స్పష్టత రానుంది.