అంటే సుందరానికీ చిత్ర ప్లాప్ షో బుల్లితెరపై కూడా కొనసాగింది. ఈ మూవీ అతిపెద్ద అవమానాన్ని మూటగట్టుకుంది. అంటే సుందరానికీ చిత్ర శాటిలైట్ రైట్స్ జెమినీ దక్కించుకుంది. ఇటీవల మూవీ ప్రసారం చేయగా డిజాస్టర్ లో డిజాస్టర్ టీఆర్పీ రాబట్టింది.
నాచురల్ స్టార్ నాని టైం అసలేం బాగోలేదు. ఆయన కమర్షియల్ హిట్ కొట్టి చాలా కాలం అయిపోయింది. హిట్ టాక్ తెచ్చుకున్న సినిమాలు కూడా బాక్సాఫీస్ వద్ద బోల్తా పడుతున్నాయి. ఈ మధ్య కాలంలో నాని నటించిన చిత్రాల్లో శ్యామ్ సింగరాయ్ మాత్రమే బ్రేక్ ఈవెంట్ దాటగలిగింది. ఒకప్పుడు మినిమమ్ గ్యారంటీ హీరోగా వరుస హిట్స్ ఇచ్చిన నానిని తాజా పరిస్థితులు భయపెడుతున్నాయి.
ఎంసీఏ చిత్రం తర్వాత నాని చేసిన గ్యాంగ్ లీడర్, జెర్సీ పాజిటివ్ టాక్ సొంతం చేసుకున్నాయి. కమర్షియల్ గా ఆడలేదు. ముఖ్యంగా జెర్సీ నాని కెరీర్ లో బెస్ట్ మూవీ అని చెప్పొచ్చు. అద్భుతమైన ఎమోషనల్ కంటెంట్ తో తెరకెక్కిన జెర్సీ చిత్రానికి క్రిటిక్స్ ప్రశంసలు దక్కాయి. సినిమా భారీ విజయం సాధిస్తుంది అనుకుంటే బ్రేక్ ఈవెన్ కాలేకపోయింది.
ఇక ఆయన లేటెస్ట్ రిలీజ్ అంటే సుందరానికీ పరిస్థితి కూడా సేమ్. ఈ కామెడీ రొమాంటిక్ ఎంటర్టైనర్ మొదటి షో నుండి పాజిటివ్ టాక్ తెచ్చుకుంది. విశ్లేషకులు పాజిటివ్ రేటింగ్ ఇచ్చారు. సినిమా దుమ్ముదులిపేస్తుందని భావించగా, టాక్ కి తగ్గట్టు కలెక్షన్స్ లేవు. పూర్ ఓపెనింగ్స్ తో పాటు నిరాశాపూరితమైన రన్ కొనసాగింది. భారీగా నష్టాలు మిగిల్చిన అంటే సుందరానికీ నాని కెరీర్ లో డిజాస్టర్ గా నిలిచింది.
అంటే సుందరానికీ చిత్ర ప్లాప్ షో బుల్లితెరపై కూడా కొనసాగింది. ఈ మూవీ అతిపెద్ద అవమానాన్ని మూటగట్టుకుంది. అంటే సుందరానికీ చిత్ర శాటిలైట్ రైట్స్ జెమినీ దక్కించుకుంది. ఇటీవల మూవీ ప్రసారం చేయగా డిజాస్టర్ లో డిజాస్టర్ టీఆర్పీ రాబట్టింది. అంటే సుందరానికీ అర్బన్, రూరల్ కలిపి యావరేజ్ గా 1.8 టీఆర్పీ వచ్చిందట. ఇది అసలు ఊహకు కూడా అందని రెస్పాన్స్. నాని చిత్రాల్లో అత్యధికంగా టక్ జగదీశ్ 10.89 టీఆర్పీ రాబట్టింది.
టక్ జగదీశ్ సైతం ప్లాప్ టాక్ తెచ్చుకుంది. అయినప్పటికీ బుల్లితెరపై గౌరవప్రదమైన టీఆర్పీ నమోదు చేసింది. ఒక సినిమా నాలుగో సారో, ఐదో సారో ప్రదర్శించినా కూడా ఇంత కంటే మెరుగైన టీఆర్పీ వస్తుంది. 2 పాయింట్స్ కూడా దాటకపోవడం నిజంగా ఆశ్చర్యం. దీనికి ఓటీటీనే కారణమని కొందరు అంచనా వేస్తున్నారు.
ఆల్రెడీ ఓటీటీలో చూసేసిన జనాలు పెద్దగా ఆసక్తి చూపలేదని తెలుస్తుంది. ఎన్ని కారణాలున్నా అంటే సుందరానికీ వచ్చిన టీఆర్పీ నాని గాలి తీసేసింది. ఆయనకు ఇది పెద్ద అవమానం అనడంలో సందేహం లేదు. మైత్రి మూవీ మేకర్స్ నిర్మించిన ఈ చిత్రానికి వివేక్ ఆత్రేయ దర్శకుడు. నజ్రియా హీరోయిన్ గా నటించింది.