బాత్రూంలో షవర్ తో అలా చేసిన సందర్భాలు ఉన్నాయి..రవితేజతో రొమాన్స్ చేసే ఛాన్స్, కానీ రాత్రికి రాత్రే..

బిగ్ బాస్ దివి సోషల్ మీడియాలో రోజుకొక స్వీట్ షాక్ ఇస్తోంది. గ్లామర్ షోకి కొత్త నిర్వచనం చెబుతూ తన అందాలని సరికొత్తగా ప్రదర్శిస్తోంది.తన నేచురల్ గ్లామర్ తో దివి సోషల్ మీడియాలో క్రేజీ సెలేబ్రిటిగా మారిపోయింది. వచ్చిన అవకాశాలు వినియోగించుకుంటూనే దివి గ్లామర్ పరంగా టాప్ లో దూసుకుపోతోంది.

అయితే హీరోయిన్ గా మాత్రం దివికి ఆఫర్స్ అంతంత మాత్రమే. అందం ఉన్నప్పటికీ దివిని అవకాశాలు వరించడం లేదు. ప్రస్తుతం దివి లంబసింగి అనే చిత్రంలో నటిస్తోంది. మార్చి 15న రిలీజ్ అవుతున్న ఈ చిత్ర ప్రచార కార్యక్రమాల్లో దివి పాల్గొంటోంది. 

తనకు ఎందుకు అవకాశాలు రావడం లేదో తాజాగా ఇంటర్వ్యూలో దివి వివరించింది. నేను మోడలింగ్ నుంచి యాక్టింగ్ కి వచ్చాను. మొదట్లో నన్ను చాలా మంది రిజెక్ట్ చేశారు. చేతిలోకి వచ్చి చేజారిన చిత్రాలు కూడా ఉన్నాయి. ఒక్కొక్కరు ఒక్కో కారణం చెబుతారు. కొందరు నువ్వు సన్నగా ఉన్నావు అంటారు. మరికొందరు లావుగా ఉన్నావు అంటారు. వాళ్ళకోసం సన్నగా మారితే మరీ ఇంత సన్నగానా రిజెక్ట్ అనేస్తారు. 

నా కెరీర్ లో ఘోరమైన అనుభవం కూడా ఉంది. రవితేజ సినిమాలో నన్ను హీరోయిన్ గా ఫైనల్ చేశారు. నువ్వే హీరోయిన్ ఫిక్స్ అని నాకు చెప్పారు. ఇంకో ఐదు రోజుల్లో షూటింగ్ మొదలవుతుంది అనగా రాత్రికి రాత్రే నన్ను తొలగించారు. 

లెక్కలేనన్ని ఆడిషన్స్ ఇచ్చాను. తర్వాత ఫోన్ చేస్తాం అని చెబుతారు. ఇంటికెళితే ఫోన్ రాదు. బాధ భరించలేక బాత్రూమ్ లో షవర్ ఆన్ చేసుకుని తడుస్తూ వెక్కి వెక్కి ఏడ్చిన సందర్భాలు ఉన్నాయి. బెడ్ రూమ్ లో దిండు అడ్డుపెట్టుకుని ఏడ్చేదాన్ని. అమ్మానాన్నలకు తెలిస్తే కుమిలిపోతారని సౌండ్ రాకుండా ఏడ్చేదాన్ని అంటూ దివి తన బాధ బయట పెట్టింది. 

ఇది పక్కన పెడితే నన్ను సోషల్ మీడియాలో కొందరు టార్గెట్ చేసి ట్రోల్ చేస్తున్నారు. నేను చిన్న తప్పు చేసినా పెద్దది చేసి చూపిస్తున్నారు. డ్యాన్స్ సరిగ్గా చేయలేదని ఇలా రకరకాల కారణాలతో ట్రోల్ చేస్తున్నారు. ఒక అమ్మాయిపై ఇంత నెగిటివిటి ఎందుకో అర్థం కావడం లేదు అని దివి పేర్కొంది.