‘బ్రహ్మస్త్ర’ స్క్రిప్ట్ లో రాజమౌళి చేసిన మార్పులు.. ఇక జక్కన్నే కాపాడాలి.!

బాలీవుడ్ లో ప్రతిష్టాత్మకంగా రూపుదిద్దుకున్న ఫాంటసీ, యాక్షన్ ఫిల్మ్ ‘బ్రహ్మాస్త్ర’ (Brahmastra). తెలుగులో చిత్రాన్ని ఎస్ఎస్ రాజమౌళి సమర్పిస్తున్నారు. ఈ క్రమంలో సినిమా కథలోనూ జక్కన్న కాస్తా మార్పులు చేసినట్టు తెలుస్తోంది.  

ఫాంటాసీ, యాక్షన్ ఎంటర్ టైనర్ గా తెరకెక్కబోతున్న చిత్రం ‘బ్రహ్మాస్త్ర’ (Brahmastra). మరి కొద్ది రోజుల్లో థియేటర్లో గ్రాండ్ గా రిలీజ్ కాబోతోంది. ఈ సందర్భంగా మూవీకి సంబంధించిన కొన్ని ఆసక్తికరమైన విషయాలపై సినీ వర్గాల్లో చర్చ జరుగుతోంది. ఇంతకీ ఏంటా ఇంట్రెస్టింగ్ మేటర్ అంటే.. 

పాన్ ఇండియా ఫిల్మ్ గా ‘బ్రహ్మాస్త్ర’ను రిలీజ్ చేయబోతున్నారు. తెలుగులో ఈ భారీ చిత్రాన్ని ఎస్ఎస్ రాజమౌళి (SS Rajamouli) సమర్పిస్తున్నారు. ఈ సందర్భంగా ప్రమోషన్ కార్యక్రమాల్లోనూ చురుకుగా పాల్గొంటున్నారు. అయితే జక్కన్నపై ప్రస్తుతం ఇంట్రెస్టింగ్ మేటర్ ఒకటి ప్రచారం అవుతోంది. ‘బ్రహ్మాస్త్ర’ స్క్రిప్ట్ లో రాజమౌళి కొన్ని మార్పులు చేశారంటూ టాక్ వినిపిస్తోంది.

మూవీ షూటింగ్ పూర్తవ్వగానే స్టార్ ప్రొడ్యూసర్ కరణ్ జోహార్ (Karan Johar) ఎస్ఎస్ రాజమౌళికి, ప్రముఖ సినీ రచయిత విజయేంద్ర ప్రసాద్ కు స్పెషల్ గా చూపించారంట. కథలో ఏమైనా మార్పులు చేస్తే బాగుంటుందా? అని కరణ్ జోహార్ అడగ్గా.. జక్కన్న కొన్ని ఛేంజేస్ చెప్పారంట. ఆ వెంటనే ఆ సీన్లను రీషూట్ కూడా చేయించారంట దర్శకనిర్మాతలు.

సినీ ఇండస్ట్రీలో దర్శకుడు రాజమౌళికి ఓటమన్నదే తెలియదు. సినిమాలను ఆలస్యంగా రిలీజ్ చేసినా.. బాక్సాఫీస్ ను షేక్ చేయడం ఖాయం. అలాంటి స్టార్ డైరెక్టర్ ‘బ్రహ్మాస్త్ర’ స్క్రిప్ట్ లో కొన్ని మార్పులు చేశారనడం ఆసక్తిగా మారింది. దీంతో మూవీ ఇంకా అద్భుతంగా ఉంటుందని ఇటు సినీ ప్రిములు అభిప్రాయపడుతున్నారు. 

 మరోవైపు చిత్రాన్ని బాయ్ కాట్ చేయాలంటూ మొన్నటి వరకు సోషల్ మీడియాలో ‘బ్రహాస్త్ర’ టైటిల్ ను కొంతమంది ట్రోలర్స్ ట్రెండ్ చేశారు. ఈ దెబ్బతో ఇప్పటికే ‘లాల్ సింగ్ చడ్డా, లైగర్’ చిత్రాలు కూలిపోయిన  విషయం తెలిసిందే.  ఈక్రమంలో సినిమాను మరింత గ్రాండ్ గా రిలీజ్ చేసేందుకు ఏర్పాట్లు చేస్తున్నారు. మరోవైపు రాజమౌళి కూడా వెన్నంటే ఉండటంతో సినిమాపై భరోసా వ్యక్తం చేస్తున్నారు. ప్రస్తుతం మొదటి పార్ట్ రిలీజ్ అవుతుండటంతో .. వచ్చే ఫలితం ఆధారంగానే రెండో పార్ట్ రిలీజ్ కానుంది. 

ఈ చిత్రంలో రన్బీర్ కపూర్ (Ranbir Kapoor) - అలియా భట్ (Alia Bhatt) జంటగా నటిస్తున్నారు. నాగార్జున, అమితాబ్, షారుక్ వంటి స్టార్ క్యాస్ట్ కూడా కీలక పాత్రలను పోషించారు. ప్రముఖ దర్శకుడు అయాన్ ముఖర్జీ డైరెక్ట్ చేశారు. ధర్మ ప్రొడక్షన్స్, స్టార్ స్టూడియోస్, ప్రైమ్ ఫోకస్ సంస్థలు సంయుక్తంగా నిర్మించాయి. కరణ్ జోహార్, అపూర్వ మెహతా, నమిత్ మల్హోత్రా నిర్మాతలుగా వ్యవహిరించారు. ప్రీతమ్ సంగీతం అందించారు. సెప్టెంబర్ 9న హిందీతో పాటు తెలుగు, తమిళం, కన్నడ, మలయాళ భాషల్లో రిలీజ్ అవుతోంది.