‘గాడ్ ఫాద‌ర్‌’వేదిక‌పై గ‌రిక‌పాటికి ఘాటు కౌంటర్స్,సమస్య పెద్దది అవుతోందా?

గాడ్ ఫాద‌ర్ స‌క్సెస్ మీట్‌లో  గరికపాటి ఎపిసోడ్  ప్రస్తావన  క‌నిపించింది. ఈ వేదిక‌పై మాట్లాడ‌డానిక వ‌చ్చిన వ‌క్తలు… గ‌రిక‌పాటి ఎపిసోడ్ ని గుర్తు చేస్తూ మాట్లాడారు. ముందుగా…ద‌ర్శ‌కుడు బాబి మాట్లాడుతూ ఈ విషయాన్ని ఇండైరక్ట్ గా ప్రస్దావించారు.  

మెగాస్టార్ చిరంజీవి ని ఉద్దేశించి ప్రముఖ ఆధ్యాత్మిక ప్రవచనకర్త గరికపాటి నరసింహారావు చేసిన వ్యాఖ్యలపై సోషల్ మీడియాలో పెద్ద దుమారమే రేగిన సంగతి తెలిసిందే. హైదరాబాద్ లో బండారు విజయలక్ష్మి ఆధ్వర్యంలో నిర్వహించిన అలయ్ బలయ్ కార్యక్రమంలో 'చిరంజీవి గారు.. ఫొటో సెషన్ ఆపేసి రాకపోతే నేనే వెళ్లిపోతా' అని గరికపాటి అసహనం వ్యక్తం చేయడం వివాదానానికి దారి తీసింది. అయితే ఆ వివాదం చల్లారుతోందనుకున్న టైమ్ లో మళ్లీ నిప్పులు రాజేసినట్లైంది.

తాజాగా గాడ్ ఫాద‌ర్ స‌క్సెస్ మీట్‌లో  ఈ ప్రస్తావన  క‌నిపించింది. ఈ వేదిక‌పై మాట్లాడ‌డానిక వ‌చ్చిన వ‌క్తలు… గ‌రిక‌పాటి ఎపిసోడ్ ని గుర్తు చేస్తూ మాట్లాడారు. ముందుగా…ద‌ర్శ‌కుడు బాబి మాట్లాడుతూ ఈ విషయాన్ని ఇండైరక్ట్ గా ప్రస్దావించారు.

డైరక్టర్ బాబి మాట్లాడుతూ...  ”చిరంజీవి గారు ఆమ‌ద్య నిశ్శ‌బ్ద విస్పోట‌నం అన్నారు. ఆ మాట విలువ రెండ్రోజుల క్రిత‌మే తెలిసింది. ఎవడు ప‌డితే వాడు.. మాటిమాటికీ స‌రిసాటి రానివానోళ్లు అంతా  మాట్లాడుతుంటే కూడా.. పట్టించుకోకుండా చిన్న చిరునవ్వుతో ఆయన త‌న ప‌ని తాను చేసుకొంటూ.. ఆ క్ష‌ణం అలాగే పోయాలే ఆయన పనికి వెళ్తున్నారు చూసారా  అదీ చిరంజీవి అంటే..” అంటూ గ‌రిక‌పాటి ఎపిసోడ్‌ని ప‌రోక్షంగా గుర్తుకు తెచ్చారు. 

ఆ తర్వాత ఛోటా కె.నాయుడు ఇదే స్టేజిపై ఇదే టాపిక్ పై కాస్త ఘాటుగానే మండి ప‌డ్డారు. ”దేశంలో ఎంత‌మంది స్టార్లున్నా.. మెగాస్టార్ ముందు స‌రిపోరు. ఈమ‌ధ్య ఓ బుల్లి ఇన్సిడెంట్ జ‌రిగింది. ఆడెవ‌డో… ఫొటోలు తీసుకొంటామండీ… ఆయ‌నపై అభిమానంతో తీసుకొంటాం.. మాట్లాడేవాడు మ‌హా పండితుడు… ఆయ‌న అలా మాట్లాడొచ్చా అండీ.. అది త‌ప్పు క‌దా…అలాంటి వాడ్ని కూడా… చిరంజీవి గారు ఇంటికి ఆహ్వానిస్తానంటే.. ఇది క‌దా సంస్కారం.. ఇది క‌దా నేర్చుకోవాల్సింది.. అనిపించింది.. ఆయ‌న్నుంచి ఇదే నేర్చుకొంటాం కూడా” అంటూ గ‌రిక‌పాటి – చిరు ఎపిసోడ్ లో చిరువైపు నిల‌బ‌డి మాట్లాడారు.

మెగాస్టార్ చిరంజీవిని ఉద్దేశించి ప్రముఖ ప్రవచనకర్త గరికపాటి నరసింహారావు చేసిన వ్యాఖ్యలపై సోషల్ మీడియాలో దుమారం చెలరేగుతోంది. హర్యానా గవర్నర్ బండారు దత్తాత్రేయ కుమార్తె విజయలక్ష్మి ఆధ్వర్యంలో అలయ్ బలయ్ కార్యక్రమాన్ని నిర్వహించిన సంగతి తెలిసిందే. ఈ కార్యక్రమంలో గరికపాటి ప్రసంగిస్తున్న సమయంలో చిరంజీవి వచ్చారు. చిరుతో సెల్ఫీలు దిగేందుకు అక్కడున్న వారు పోటీలు పడ్డారు.

 దీంతో, గరికపాటి ప్రసంగానికి అంతరాయం కలిగింది. ఈ క్రమంలో... చిరంజీవి ఫొటో సెషన్ ఆపకపోతే తాను వెళ్లిపోతానని గరికపాటి అన్నారు. వెంటనే చిరంజీవి సెల్ఫీలు దిగడం ఆపేసి వచ్చారు. కార్యక్రమంలో చిరంజీవి, గరికపాటి ఇద్దరూ బాగానే మాట్లాడుకున్నారు. అయితే, చిరంజీవి సోదరుడు నాగబాబు చేసిన ట్వీట్లు వివాదాన్ని రాజేశాయి. ఏపాటి వాడైనా చిరంజీవి ఇమేజ్ ను చూస్తూ ఆ పాటి అసూయపడటం పరిపాటేనని నాగబాబు అన్నారు. 

నాగబాబు ట్వీట్ పై బ్రాహ్మణ ఫెడరేషన్ ఉపాధ్యక్షుడు ద్రోణంరాజు రవికుమార్ మండిపడ్డారు. నిత్యం ప్రవచనాలతో సమాజాన్ని సంస్కారవంతం చేస్తున్న ఒక సనాతనవాది, ఆథ్యాత్మికవేత్తను పట్టుకుని... నటనావ్యాపారం తప్ప సమాజహితాన్ని మరిచిన ఒక చిత్ర వ్యాపారిని చూసి అసూయ చెందాడనడం ఆకాశం మీద ఉమ్మేయడం వంటిదేనని విమర్శించారు.

 జరిగిన పరిణామాల పట్ల ప్రముఖ ప్రవచనకర్త గరికపాటి నరసింహారావు మెగాస్టార్ చిరంజీవికి క్షమాపణలు చెప్పారంటూ ఓ వార్త సోషల్ మీడియాలో దర్శనమిస్తోంది. 

ఈ క్రమంలో, మెగా బ్రదర్ నాగబాబు ట్విట్టర్ వేదికగా స్పందించారు. గరికపాటి వారు ఏదో మూడ్ లో అలా అని ఉంటారని భావిస్తున్నామని తెలిపారు. 

అయితే, గరికపాటి లాంటి పండితుడు అలా అనకుండా ఉండాల్సిందన్న విషయాన్ని ఆయన అర్థం చేసుకోవాలని మాత్రమే భావించామని అన్నారు. అంతేతప్ప, ఆయనతో క్షమాపణలు చెప్పించుకోవాలని తాము కోరుకోలేదని నాగబాబు స్పష్టం చేశారు.

 గరికపాటి స్పందిస్తూ, ఎవరూ తనను ఇబ్బందిపెట్టలేదన్నారు. చిరంజీవి ఎంతో సహృదయుడని, ఈ విషయంపై ఆయనతో మాట్లాడతానని గరికపాటి వివరణ ఇచ్చారు. ఈ విషయం అందరికీ చెప్పండి... ఇవాళే తప్పకుండా మాట్లాడతాను అని భవానీ రవికుమార్ కు తెలిపారు. ఈ ఫోన్ కాల్ కు సంబంధించిన వీడియో సోషల్ మీడియాలో వైరల్ అవుతోంది.

మరో ప్రక్క గాడ్ ఫాధర్ సినిమాకి పాజిటివ్‌ రివ్యూస్‌ వస్తున్నాయి. `బాస్‌ ఈజ్‌ బ్యాక్‌` అంటున్నారు. చిరంజీవికి సరిగ్గా సరిపోయిన స్టోరీ అని, ఆయన తన విశ్వరూపం చూపించారని చెబుతున్నారు సినిమా చూసిన ఆడియెన్స్. ప్యూర్‌ మాస్‌, ఫ్యామిలీ ఎంటర్‌టైనర్‌ అని, చిరంజీవి  స్వాగ్‌ నెక్ట్స్ లెవల్‌. సల్మాన్‌ తన పాత్రని బాగా చేశాడని అంటున్నారు.