బాలకృష్ణ మూవీతో చెడ్డపేరు రావాలని రాసి ఉంది, అందుకే ఆ చెత్త సినిమా చేశా.. స్టార్ డైరెక్టర్ కామెంట్స్

నందమూరి బాలకృష్ణ తన కెరీర్ లో చాలా మంది దర్శకులతో పని చేశారు. అనేక సూపర్ హిట్ చిత్రాలు అందుకున్నారు. అయితే బాలయ్యకి అంటే వెంటనే గుర్తుకు వచ్చే దర్శకులు కొంతమంది ఉంటారు.

Nandamuri Balakrishna

నందమూరి బాలకృష్ణ తన కెరీర్ లో చాలా మంది దర్శకులతో పని చేశారు. అనేక సూపర్ హిట్ చిత్రాలు అందుకున్నారు. అయితే బాలయ్యకి అంటే వెంటనే గుర్తుకు వచ్చే దర్శకులు కొంతమంది ఉంటారు. సింగీతం శ్రీనివాస రావు, బి గోపాల్, బోయపాటి శ్రీను లాంటి దర్శకులు బాలయ్యకి బిగ్గెస్ట్ హిట్స్ అందించారు. 

బి గోపాల్ దర్శకత్వంలో బాలయ్య రౌడీ ఇన్స్పెక్టర్, లారీ డ్రైవర్, సమరసింహారెడ్డి, నరసింహనాయుడు, పలనాటి బ్రహ్మనాయుడు  లాంటి చిత్రాల్లో నటించారు. ఒక్క పలనాటి బ్రహ్మనాయుడు తప్ప మిగిలినవన్నీ సూపర్ హిట్స్ అయ్యాయి. సమరసింహారెడ్డి, నరసింహ నాయుడు ఎంత పెద్ద హిట్స్ అయ్యాయో  ఆ స్థాయిలో దారుణమైన విమర్శలు పలనాటి బ్రహ్మనాయుడు చిత్రానికి వచ్చాయి. 

Balakrishna

ఆ చిత్రంలో తొడ కొడితే ట్రైన్ రివర్స్ వెళ్లిపోవడం లాంటి సీన్లు ఫ్యాన్స్ కి చిరాకు తెప్పించాయి. దీనితో బి గోపాల్ ఓ ఇంటర్వ్యూలో స్పందించారు. బాలయ్యతో అన్ని హిట్ చిత్రాలు చేసిన నాకు ఒక్క సినిమాతో అయినా చెడ్డ పేరు రావాలని రాసిపెట్టి ఉంది. అందుకే ఆ చెత్త సినిమా చేశా అని బి గోపాల్ అన్నారు. 

Balakrishna

అలాంటి కథ ఎంచుకోవడమే తప్పు అని బి గోపాల్ అన్నారు. రచయితలు, నేను ఆ కథపై నమ్మకం ఉంచాం. బాలయ్య మమ్మల్ని నమ్మారు. ఎక్కడా కథలో బాలయ్య మార్పులు చెప్పలేదు. దీనితో షూటింగ్ కి వెళ్లిపోయాం అని బి గోపాల్ అన్నారు. బాలయ్య దర్శకుడి ఫ్రీడమ్ ఇస్తారు. కాకపోతే ఏం జరుగుతోంది అనేది బాలయ్యకి చెప్పాలి. 

Nandamuri Balakrishna

లారీ డ్రైవర్ షూటింగ్ జరుగుతున్నప్పుడు పరుచూరి బ్రదర్స్ కి కొన్ని సీన్లు నచ్చలేదు. ఆ సన్నివేశాలని మార్చి రీ షూట్ చేశాం. అయితే అది బాలయ్యకి ముందుగా చెప్పలేదు. దీనితో బాలయ్యకి కోపం వచ్చి కొన్ని రోజులు తనతో మాట్లాడలేదని బి గోపాల్ అన్నారు.