రామ్‌ చరణ్‌తో దిల్‌ రాజు మరో సినిమా.. `గేమ్‌ ఛేంజర్‌` లోటుని భర్తీ చేసే ప్రాజెక్ట్, డైరెక్టర్‌ ఎవరు?

రామ్‌ చరణ్‌తో ఈ సంక్రాంతికి `గేమ్‌ ఛేంజర్‌` మూవీని నిర్మించిన దిల్‌రాజు భారీ డిజాస్టర్‌ని చవిచూశాడు. అయితే ఇప్పుడు చరణ్‌తో మరో మూవీ చేయబోతున్నట్టు వెల్లడించి షాకిచ్చాడు. 

రామ్‌ చరణ్‌తో దిల్‌ రాజు మరో మూవీ

స్టార్ ప్రొడ్యూసర్‌, తెలంగాణ ఎఫ్‌డీసీ ఛైర్మెన్‌ దిల్‌ రాజు మరో క్రేజీ ప్రాజెక్ట్ ని ప్రకటించారు. మరోసారి ఆయన రామ్‌ చరణ్‌తో మూవీ చేయబోతున్నట్టు తెలిపారు. చరణ్‌తో ఆయన `గేమ్‌ ఛేంజర్‌` మూవీని నిర్మించిన విషయం తెలిసిందే. 

శంకర్‌ దర్శకత్వంలో రూపొందిన ఈ మూవీ ఈ సంక్రాంతికి ఆడియెన్స్ ముందుకు వచ్చింది. కానీ ఆడియెన్స్ ని ఆకట్టుకోవడంలో విఫలమయ్యింది. దారుణమైన డిజాస్టర్‌గా నిలిచింది. నిర్మాతలకు వంద కోట్లకుపైగా నష్టాలను తీసుకొచ్చిందని టాక్‌.

`గేమ్‌ చేంజర్‌` విషయంలో తప్పు మాదే

ఈ నేపథ్యంలో `గేమ్‌ ఛేంజర్‌` ఫెయిల్యూర్‌పై ఇప్పటికే స్పందించారు దిల్‌ రాజు. ఆ మూవీ విషయంలో తప్పు తనదే అని వెల్లడించారు. మూవీ చేయి దాటి పోతుందని తెలిసీ కూడా ఏం చేయలేకపోయామని తెలిపారు. 

పెద్ద డైరెక్టర్‌ కావడంతో ఇన్‌వాల్వ్ కాలేకపోయామని, ఓ దశలో ఇక వదిలేసుకున్నామని ఆ మధ్య ఓ ఇంటర్వ్యూలో తెలిపారు. ఇకపై ఇలాంటి మూవీస్‌ విషయంలో జాగ్రత్తలు తీసుకుంటామని తెలిపారు. ఇప్పుడు మరోసారి రామ్‌ చరణ్‌తో మూవీ చేయబోతున్నట్టు ఆయన వెల్లడించారు.

నితిన్‌ `తమ్ముడు` మూవీ ట్రైలర్‌ ఈవెంట్‌

దిల్‌రాజు.. నితిన్‌ హీరోగా `తమ్ముడు` చిత్రాన్ని నిర్మించారు. తమ్ముడు శిరీష్‌తో కలిసి దీన్ని తెరకెక్కించారు. వేణు శ్రీరామ్‌ దర్శకుడు. ఈ మూవీ జులై 4న విడుదల కానుంది. ఈ మూవీతో ఒకప్పటి హీరోయిన్‌ లయ రీఎంట్రీ ఇస్తున్నారు. 

ఇందులో ఆమె నితిన్‌కి అక్కగా నటిస్తున్నారు. కన్నడ నటి సప్తమీ గౌడ, వర్ష బొల్లమ్మ ముఖ్య పాత్రలు పోషిస్తున్నారు. తాజాగా ఈ సినిమా ట్రైలర్‌ రిలీజ్‌ ఈవెంట్‌ని సోమవారం నిర్వహించారు. 

ఇందులో దిల్‌ రాజు మాట్లాడుతూ, `తమ్ముడు` సినిమాతో హిట్‌ కొట్టబోతున్నట్టు తెలిపారు. నితిన్‌ గత నాలుగైదు సినిమాలు ఆడలేదు, దీంతో కొంత లో లో ఉన్నాడు. ఇప్పుడు ఈ మూవీతో ఆయన బౌన్స్ బ్యాక్‌ అవుతారని, సినిమా చూసుకున్నామని, కచ్చితంగా హిట్‌ కొట్టబోతున్నామని తెలిపారు.

`గేమ్‌ ఛేంజర్‌` విషయంలో దిల్‌ రాజు అసంతృప్తి

ఈ సందర్భంగా దిల్‌ రాజు.. రామ్‌ చరణ్‌తో సినిమాని ప్రకటించారు. ఈ ఏడాది సంక్రాంతికి `గేమ్‌ ఛేంజర్‌`, `సంక్రాంతికి వస్తున్నాం` సినిమాలతో ఆడియెన్స్ ముందుకు వచ్చాం. `సంక్రాంతికి వస్తున్నాం`తో పెద్ద హిట్‌ కొట్టాం. 

కానీ `గేమ్‌ ఛేంజర్‌`తో రామ్‌ చరణ్‌కి హిట్‌ ఇవ్వలేకపోయాం. రామ్‌ చరణ్‌తో సూపర్‌ హిట్‌ తీయలేకపోయామనే చిన్న గిల్ట్ ఉంది. రామ్‌ చరణ్‌తో ఒక సూపర్‌ హిట్‌ మూవీ తీయడానికి ప్లాన్‌ జరుగుతుంది. తొందర్లోనే దీన్ని ప్రకటిస్తాం` అని తెలిపారు దిల్‌ రాజు.

రామ్‌ చరణ్‌ నెక్ట్స్ మూవీకి దర్శకుడెవరు?

దీంతో రామ్‌ చరణ్‌తో దిల్‌ రాజు తీయబోయే సినిమా ఏంటి? దర్శకుడు ఎవరనేది ఆసక్తికరంగా మారింది. వేణు శ్రీరామ్‌ వద్ద `ఐకాన్‌` అనే కథ ఉంది. దాన్ని చరణ్‌తో తీయబోతున్నారా? అనేది ఆసక్తికరంగా మారింది. 

ఈ మూవీని బన్నీతో తీయాలనుకున్నారు. కానీ అది కుదరలేదు. ఇప్పుడు చరణ్‌ వద్దకు అదే స్క్రిప్ట్ తో వెళ్తున్నారా? అనేది తెలియాల్సి ఉంది. దీంతోపాటు ప్రశాంత్‌ నీల్‌తో మూవీ అని మరో టాక్‌ వినిపిస్తుంది. 

మరి దిల్‌ రాజు .. రామ్‌ చరణ్‌తో ఏ డైరెక్టర్‌తో సినిమా చేయబోతున్నారనేది ఇప్పుడు చర్చనీయాంశంగా మారింది. దీనిపై మున్ముందు క్లారిటీ రావాల్సి ఉంది.