సీమ టపాకాయ్, అవును వంటి హిట్ చిత్రాలలో నటించిన పూర్ణ(poorna) టాలీవుడ్ జర్నీ ఏమంత సక్సెస్ ఫుల్ గా సాగలేదు. ఆమెకు బ్రేక్ దక్కినా చెప్పుకోదగ్గ ఆఫర్స్ రాలేదు.
అయితే భాషా బేధం లేకుండా సౌత్ లోని అన్ని బాషలలో సినిమాలు చేస్తుంది ఈ మలయాళీ కుట్టి. పూర్ణ సెకండ్ ఇన్నింగ్స్ మొదలుపెట్టారని చెప్పొచ్చు.
తెలుగులో ఆమె చేతిలో కొన్ని క్రేజీ ప్రాజెక్ట్స్ ఉన్నాయి. మలయాళ హిట్ మూవీ దృశ్యం 2 తెలుగు రీమేక్ లో పూర్ణ కీలక రోల్ చేస్తున్నారు. ఆమె లేడీ పోలీస్ అధికారికంగా కనిపించనున్నారని సమాచారం.
అలాగే బాలకృష్ణ-బోయపాటి యాక్షన్ ఎంటర్టైనర్ అఖండ మూవీలో పూర్ణ అవకాశం దక్కించుకోవడం విశేషం. ప్రగ్యా జైస్వాల్ ప్రధాన హీరోయిన్ గా నటిస్తున్న అఖండ మూవీలో పూర్ణ రోల్ పై ఆసక్తి నెలకొనిఉంది.
మరో వైపు వెబ్ సిరీస్ లు, లేడీ ఓరియెంటెడ్ చిత్రాలు చేస్తున్నారు. ఆమె ప్రధాన పాత్రలో సుందరి చిత్రం తెరకెక్కింది. తమిళంలో పిశాచి 2లో పూర్ణ నటిస్తున్నారు.
కన్నమూచి, నవరస తమిళ్ వెబ్ సిరీస్ లలో పూర్ణ నటించారు. మొత్తంగా ఖాళీగా లేకుండా బిజీ యాక్ట్రెస్ ఆమె కెరీర్ నడుస్తుంది.
అలాగే టీవీ వ్యాఖ్యాతగా పలు షోలలో, పలు భాషల్లో పూర్ణ సందడి చేశారు. సక్సెస్ ఫుల్ తెలుగు డాన్స్ రియాలిటీ షో ఢీ జడ్జిగా పూర్ణవ్యవహరిస్తున్నారు .
గత మూడు సీజన్స్ గా పూర్ణ ఢీ జడ్జిగా ఉన్నారు. ఈ షోలో పూర్ణ గ్లామర్ తో పాటు కంటెస్టెంట్స్, యాంకర్స్ తో ఆమె రొమాన్స్ హైలెట్ అని చెప్పాలి.
ఇక ఇంస్టాగ్రామ్ లో పూర్ణ ఫోటో షూట్స్ టాక్ ఆఫ్ ది సోషల్ మీడియా అవుతూ ఉంటాయి. హాట్ హాట్ ఫోజులతో అమ్మడు కాకరేపుతూ ఉంటారు.
తాజాగా జబ్బలు జాకెట్, పట్టు చీర ధరించి, కొప్పున మల్లెలు పెట్టి గుమ్ముగా ముస్తాబయ్యారు. కోరుకున్న వాడి కోసం ఎదురుచూస్తున్నట్లు ఆమె ఫోజులు ఉండగా, నిన్ను ఎవరైనా జడ్జి చేస్తే, తప్పు వాళ్లదే అంటూ.. సదరు ఫోటోలకు కామెంట్ పెట్టారు.