సమంత- చైతూ విడాకులు: అక్టోబర్ 6న ఏమి జరగనుంది?.... చిత్ర వర్గాలలో సర్వత్రా ఉత్కంఠ!

సమంత(Samantha), చైతూ వివాహ బంధంపై నీలి నీడలు అలుముకున్నాయి. కారణం ఏదైనా సమంత, చైతూ దూరంగా ఉంటున్నారు. సామ్- నాగ చైతన్య విడాకులు తీసుకోవడమే తరువాయి, అంతగా వీరి బంధం చెడింది, అనేది మీడియా కథనాల సారాంశం.

ఇక సమంత, చైతూ గచ్చిబౌలీ లోని నివాసాన్ని ఖాళీ చేయడంతో పాటు, ఇద్దరూ ఎవరి పేరెంట్స్ తో వాళ్ళు ఉంటున్నారని సమాచారం. కెరీర్ ప్రణాళిక భాగంగా సమంత తన మకాం ముంబైకి మార్చేస్తున్నారనే వాదన కూడా తెరపైకి వచ్చింది. 

అలాగే మామ నాగార్జున బర్త్ డే వేడుకలకు డుమ్మా కొట్టిన సమంత, తన మిత్రులతో పాటు గోవా టూర్ కి వెళ్లారు. ఈ టూర్ లో నాగ చైతన్య లేకపోవడం మరిన్ని అనుమానాలకు దారితీసింది. 

ఇక మీడియా కథనాల ప్రకారం సమంత, చైతన్య కుటుంబ సభ్యులు ఇద్దరికీ సయోధ్య కుదిర్చే ప్రయత్నాలు చేశారట. అలాగే కౌన్సిలింగ్ కూడా హాజరయ్యారట. ఫలితం మాత్రం శూన్యం కాగా, విడిపోవాలని గట్టిగా నిర్ణయించుకున్నారట. 

విశ్వసనీయ వర్గాల సమాచారం ప్రకారం సమంత, చైతూ విడాకులకు అప్లై చేశారట. ఈ ప్రాసెస్ పూర్తి కావడానికి రెండు మూడు నెలల సమయం పడుతుందని, ఈ లోపు ఎటువంటి కామెంట్స్ చేయకూడదని భావిస్తున్నారట. 

ఇక సమంతకు విడాకుల భరణం క్రింద రూ. 300కోట్ల రూపాయల వరకు చెల్లిస్తున్నట్లు వార్తలు రావడం సంచలనం రేపుతోంది. అయితే ఇవన్నీ ప్రస్తుతానికి పుకార్లు మాత్రమే, కారణం అధికారికముగా ఇరువర్గాలలో ఎవరూ స్పష్టత ఇవ్వలేదు. 

అయితే అక్టోబర్ 6న సమంత, చైతూ విడాకులు, వాళ్ళ బంధంపై ఒక స్పష్టత వచ్చే అవకాశం కలదు. ఆ రోజు ఈ జంట 4వ మ్యారేజ్ యానివర్సరీ జరుపుకోనున్నారు. పెళ్లి రోజు సోషల్ మీడియా వేదికగా వారి స్పందన, కామెంట్స్, పోస్ట్స్ ఎలా ఉంటాయనేది ఆసక్తికరంగా మారింది. 

పెళ్లి రోజు నాడు పరస్పరం బెస్ట్ విషెష్ తెలుపుకున్న నేపథ్యంలో వీరి మధ్య గొడవలు ఉన్నా, అవి విడాకులు తీసుకునేంత తీవ్ర స్థాయిలో లేవని అనుకోవచ్చు. అసలు ఇద్దరూ ఈ విషయాన్ని పట్టించుకోకుండా ఉన్నా, పరోక్ష కామెంట్స్ తో దాడి చేసుకున్నా, విషయం పెద్దదిగా, ప్రచారం అవుతున్న విడాకుల వార్తలలో నిజం ఉన్నట్లుగా భావించవచ్చు.

కాబట్టి అక్టోబర్ 6 సమంత, చైతు జీవితంలో కీలకమైన రోజు కానుంది. రీసెంట్ గా చైతూ నటించిన లవ్ స్టోరీ ట్రైలర్ పై సమంత బాగుంది అంటూ కామెంట్ చేయగా, చైతూ థాంక్స్ చెప్పారు. ఇదే చివరిగా వీరి మధ్య జరిగిన కీలక సంఘటన.