‘అవెంజర్స్‌’ సీక్వెల్ లో ధనుష్, ఫ్యాన్స్ కు ఇక పండగే

తాజాగా ధనుష్ ఓ హాలీవుడ్ సినిమా సైన్ చేసారని సమాచారం.  ఆ సినిమా మరోదో కాదు ప్రపంచం అంతా ఎదురుచూస్తున్న అవేంజర్స్. 

Dhanushs

హాలీవుడ్‌ చిత్రాలు భారతీయ ప్రేక్షకులను పలకరించడం కొత్తేమీ కాదు. అయితే, భారతీయ నటులు హాలీవుడ్‌ చిత్రాల్లో నటించడం అరుదు. అవెంజర్స్‌: ది ఎండ్‌ గేమ్‌ వంటి భారీ చిత్రాన్ని తెరకెక్కించిన రస్సో బ్రదర్స్‌ దర్శకత్వంలో రూపొందే చిత్రంలో ధనుష్ నటించబోతున్నారని సమాచారం. రస్సో బ్రదర్స్‌ అనగానే మనకు గుర్తొచ్చే చిత్రాలు అవెంజర్స్‌ సిరీస్‌. కళ్లు చెదిరే గ్రాఫిక్స్‌, మంత్రముగ్ధులను చేసే విజువల్‌ ఎఫెక్ట్స్‌తో చిత్రాలను తెరకెక్కించిన వారు.. 

Dhanushs

స్టార్ హీరో ధనుష్ ఇప్పుడు తెలుగులోనూ ఫ్యాన్ ఫాలోయింగ్ పెంచుకున్నారు. తన  విలక్షణ నటనతో ప్రేక్షకులను మెప్పించే ధనుష్  హిట్స్, ఫ్లాప్స్ తో సంబంధం లేకుండా వరుసగా సినిమాలు చేస్తూ అభిమానులను ఆకట్టుకుంటున్నాడు ధనుష్. తాజాగా ధనుష్ నటించిన ‘రాయన్’ సినిమా తమిళ ప్రేక్షకులను విశేషంగా ఆకట్టుకుంటోంది.  ధనుష్ తన 50వ చిత్రం రాయన్ కు ఆయనే స్వయంగా దర్శకత్వం వహించాడు. ఇది ప్రక్కన పెడితే తాజాగా ధనుష్ ఓ హాలీవుడ్ సినిమా సైన్ చేసారని సమాచారం.  ఆ సినిమా మరోదో కాదు ప్రపంచం అంతా ఎదురుచూస్తున్న అవేంజర్స్ సీక్వెల్ . 

dhanush

 హాలీవుడ్‌ సూపర్‌ డూపర్‌హిట్‌ సూపర్‌ హీరో ఫ్రాంచైజీ ‘అవెంజర్స్‌’కు ఇక్కడ ఇండియాలోను అవెంజర్స్ కు బీభత్సమైన ఫ్యాన్స్ ఉన్నారు. ఇండియాన్ సినిమా మార్కెట్ లో అవెంజర్స్ సినిమాలు సూపర్ కలెక్షన్స్ రాబట్టడమే అందుకు నిదర్శనం. ఇక్కడ మన తెలుగు పెద్ద హీరోల సినిమాలతో  పోటీగా వసూళ్లు రాబట్టాయి అంటే ఇండియాలో అవెంజర్స్ కు ఉన్న క్రేజ్ ఏపాటిదో అర్ధం చేసుకోవచ్చు. ముఖ్యంగా చిన్న పిల్లలు, యూత్ లో అవెంజర్స్ కు  ఫ్యాన్స్ ఉంటారు. ఇప్పుడీ సినిమాలో ధనుష్ చేయబోతున్నట్లు సమాచారం. 

Dhanush

అవెంజర్స్ కు కొనసాయిగింపుగా ‘అవెంజర్స్ డూమ్స్ డే’ ‘అవెంజర్స్‌: సీక్రెట్‌వార్స్‌’ అనే రెండు చిత్రాలను తీసుకు రానుంది. ఈ రెండిటీలో మొదటగా ‘అవెంజర్స్ డూమ్స్ డే’ ను మే 2026లో విడుదల చేస్తామని తెలియజేసారు.

 ఈ చిత్రంలో అవెంజర్స్ సినిమాటిక్ యూనివర్స్ లో ఐరన్ మ్యాన్ గా నటించిన రాబర్ట్ డౌనీ జూనియర్ ‘డాక్టర్ డూమ్’ పాత్రలో కనిపించనున్నాడు. ఇక రెండవ భాగం ‘అవెంజర్స్ సీక్రెట్ వార్స్’ ను మే 2027 లో రిలీజ్ చేయబోతున్నట్టు ప్రకటించింది మార్వెల్ స్టూడియోస్. ఈ రెండు చిత్రాలకు రూసో బ్రదర్స్ దర్శకత్వం వహించనున్నట్టు ప్రకటించింది.

 తమిళస్టార్ హీరో ధనుష్ ముఖ్య పాత్రలో వచ్చిన “దిగ్రే మ్యాన్” కు దర్శకత్వం వహించారు రూసో బ్రదర్స్. ఆ పరిచయంతో ధనుష్ కు అవకాసం ఇచ్చినట్లు తెలుస్తోంది.  అవెంజర్స్ సిక్వెల్స్ లో తమ అభిమాన హీరో నటిస్తాడనే  వార్త రావటంతో  ఫ్యాన్స్ ఫుల్ ఖుషీగా ఉన్నారు.

రస్సో బ్రదర్స్‌ దర్శకత్వంలో తెరకెక్కిన యాక్షన్‌ థ్రిల్లర్‌ ‘ది గ్రే మ్యాన్‌’. మార్క్‌ గ్రీని రాసిన నవల ఆధారంగా ఈ చిత్రాన్ని తెరకెక్కించారు. ధనుష్‌ ఇందులో కీలక పాత్ర పోషించారు. నెట్‌ఫ్లిక్స్‌ వేదికగా ప్రేక్షకుల ముందుకు వచ్చింది  ఈ సినిమా.