నయనతార డ్రెస్, అందాలపై బూతు కామెంట్స్ వైరల్.. తల్లి పాలు తాగే పెరిగారా అంటూ విరుచుకుపడ్డ సింగర్

సౌత్ లేడీ సూపర్ స్టార్ నయనతార క్రేజ్ గురించి ఎంత చెప్పినా తక్కువే. ఈ ఏడాది తన ప్రియుడు విగ్నేష్ తో వివాహ బంధంలోకి అడుగుపెట్టిన నయనతార.. సరోగసి విధానం ద్వారా ఇద్దరు కవల పిల్లలకు తల్లి కూడా అయింది. నయనతార సరోగసి ఎంచుకోవడం పై పెద్ద వివాదం చెలరేగిన సంగతి తెలిసిందే. రీసెంట్ గా నయనతార కనెక్ట్ అనే చిత్రంలో నటించింది. 

ఈ మూవీ డిసెంబర్ 22న విడుదలై మిక్స్డ్ టాక్ సొంతం చేసుకుంది.  నయనతార ఎప్పుడూ సినిమా ప్రచార కార్యక్రమాల్లో పాల్గొనదు. కానీ ఆశ్చర్యకరంగా ఈ చిత్రం కోసం నయన్ తన రూల్ ని బ్రేక్ చేసింది. తెలుగులో యాంకర్ సుమతో నయనతార ఇంటర్వ్యూలో పాల్గొంది. తమిళంలో కూడా జోరుగా ప్రచార కార్యక్రమాల్లో పాల్గొంది. 

కనెక్ట్ మూవీ స్పెషల్ స్క్రీనింగ్ సందర్భంగా నయనతార టైట్ టీ షర్ట్ లో మెరిసింది. ఆ దృశ్యాలు సోషల్ మీడియాలో వైరల్ అయ్యాయి. నయన్ బయట కనిపించేది చాలా తక్కువ. దీనితో నయనతార మోడరన్ డ్రెస్ లుక్ ని నెటిజన్లు తెగ షేర్ చేశారు. అయితే ఈ డ్రెస్ లో నయనతార అందాలు యువతని బాగా ఆకర్షించాయి. 

కానీ కొందరు నెటిజన్లు శృతి మించే విధంగా నయన్ ఎద పరువాలపై వల్గర్ కామెంట్స్ పోస్ట్ చేసారు. అసభ్యంగా బూతు కామెంట్స్ ఎక్కువయ్యాయి. మహిళలని కించపరిచే విధంగా ఎలాంటి సంఘటన జరిగినా ఫైర్ బ్రాండ్ సింగర్ చిన్మయి రంగంలోకి దిగడం చూస్తూనే ఉన్నాం. 

నయన్ అందాలపై అసభ్యంగా కామెంట్స్ చేసిన వారిని దుమ్మెత్తి పోస్తూ చిన్మయి ఇంస్టాగ్రామ్ లో పలు పోస్ట్ లు పెట్టింది. నయన్ ఎద అందాలపై బూతు కామెంట్స్ చేసిన వారిపై చిన్మయి ఘాటు వ్యాఖ్యలు చేసింది. అసభ్యంగా కామెంట్స్ పెడుతున్న వీళ్లంతా తల్లి పాలు తాగి పెరిగారా లేదా ? 

ఇలాంటి వారికి కూతుళ్లు ఉంటే పరిస్థితి ఏంటి అని అనిపిస్తోంది. ఇలాంటి వాళ్ళ వల్ల తల్లులు తమ కుమార్తెలని భర్తలు, కొడుకుల ముందే దుపట్టా వేసుకోమని చెప్పినా ఆశ్చర్యం అవసరం లేదు. ఇలాంటి మగాళ్లంతా కూతుళ్ళని, అక్క చెల్లెళ్లని ఇదే విధంగా చూస్తారా అంటూ చిన్మయి సంచలన వ్యాఖ్యలు చేసింది. 

నయనతారపై బూతు కామెంట్స్ చేసిన ప్రతి ఒక్కరి స్క్రీన్ షాట్ తీసి ఇంస్టాగ్రామ్ లో పోస్ట్ చేసింది చిన్మయి. సమాజంలో ఎలాంటి మగాళ్ల మధ్య మహిళలు ఉన్నారో అంటూ చిన్మయి పలు వ్యాఖ్యలు చేసింది. ప్రస్తుతం ఈ వ్యవహారం సోషల్ మీడియాలో హాట్ టాపిక్ గా మారింది.