నందమూరి అభిమానులతో పాటు.. తెలుగు ప్రేక్షకులకు మరోసారి సాలిడ్ ట్రీట్ ఇవ్వబోతున్నారు నటసింహం బాలయ్య బాబు. అన్ స్టాపబుల్ అంటూ.. సందడి చేయబోతున్నాడు. ఇక ఈ సీజన్ ఫస్ట్ గెస్ట్ గా సీనియర్ పొలిటికల్ స్టార్.. మాజీ ముఖ్యమంత్రి నారా చంద్రబాబు నాయుడు పాల్గోన్నారు. ఈ ఫోటోస్ సోషల్ మీడియాలో వైరల్ అవుతున్నాయి.
టాలీవుడ్ స్టార్ హీరో.. హిందుపురం ఎమ్మెల్యే నందమూరి బాలకృష్ణ హోస్ట్‌గా సక్సెస్ ఫుల్ గా నడింపించిన అన్ స్టాపబుల్ షోకు సీజన్ 2 స్టార్ట్ కాబోతుంది. ఈసారి షోకి సినిమా వాళ్ళతో పాటు పొలిటికల్ లీడర్స్ ను కూడా తీసుకురాబోతున్నట్టు తెలుస్తోంది. ఇక ఈ షోలో సీజన్ 2 కోసం మొదటి గెస్ట్ గా సీనియర్ పొలిటికల్ లీడర్ నారా చంద్రబాబు నాయుడు వచ్చారు.
అన్స్టాపబుల్ సీజన్-1 తొలి ఎపిసోడ్‌కు మోహన్ బాబు గెస్ట్‌గా రాగా, చివరి ఎపిసోడ్‌లో మహేష్ బాబు గెస్ట్‌గా వచ్చారు. ఈ సీజన్ మొత్తం సందడిగా సాగడం, విపరీతమైన ప్రేక్షక ఆదరణ దక్కడంతో సీజన్-2 గురించి అభిమానులు ఆసక్తిగా ఎదురుచూస్తున్నారు. సీజన్-2లో ఎవరెవరూ గెస్ట్‌లుగా వస్తారనే చర్చ కూడా జోరుగా సాగింది.
బాలకృష్ణ అన్స్టాపబుల్ ఓటీటీ షో గ్రాండ్ సక్సెస్ సాధించిన సంగతి తెలిసిందే. త్వరలోనే అన్స్టాపబుల్ సీజన్-2 కూడా ప్రేక్షకుల ముందుకు రానుంది. ఈ షోతో బాలకృష్ణలోని మరో కోణం కూడా బయటకు వచ్చిందని అభిమానులు చెబుతుంటారు. ఇప్పుడు అన్స్టాపబుల్ సీజన్-2 ప్రేక్షకులను అలరించేందుకు సిద్దమవుతుంది.
ఇప్పటికే అన్స్టాపబుల్ సీజన్-2కు ప్రోమో షూట్ పూర్తి అయ్యింది. ఈ సీజన్ తొలి ఎపిసోడ్‌కు గెస్ట్‌గా.. మాజీ ముఖ్యమంత్రి, టీడీపీ అధినేత చంద్రబాబు నాయుడు వచ్చారు. ఆయనకు ఘన స్వాగతం పలికారు మేకర్స్. బాలయ్య బాబుతో పాటు... స్టార్ ప్రొడ్యూసర్ అల్లు అరవింద్ చంద్రబాబును సాధరంగా ఆహ్వానించారు.
అంతే కాదు ఈ ఎపిసోడ్ మధ్యలో చంద్రబాబు తనయుడు లోకేష్ కూడా జాయిన్ అవ్వబోతున్నట్టుగా తెలుస్తోంది. బావా, అల్లుడితో నందమూరి నటసింహం .. ఈ ఎపిసోడ్ ను ఎలా రన్ చేస్తారా అని అంతా ఈగర్ గా వెయిట్ చేస్తున్నారు.
ఇక, అన్స్టాపబుల్ సెట్ వద్ద బాలకృష్ణతో చంద్రబాబు కలిసి ఉన్న ఫొటోలు సోషల్ మీడియాలో వైరల్‌గా మారాయి. అలాగే అన్స్టాపబుల్ సెట్‌లో బాలకృష్ణతో కలిసి చంద్రబాబు.. అక్కడికి వచ్చిన అభిమానులకు అభివాదం చేస్తున్న వీడియో కూడా తెగ వైరల్ అవుతుంది.
ఈ షోలో పొలిటికల్ గా ఏమైనా విషయాలు బయటకు వస్తాయా..? కాంట్రవర్సీ పాయింట్స్ తో పాటు.. ప్రస్తుత ప్రభుత్వానికి సబంధించి చంద్రబాబు ఏమైనా మాట్లాడుతారా అని అంతా ఎదురు చూస్తున్నారు.
ఇక అ షో షూట్ కోసం చంద్రబాబు రాగా.. ఆయన స్టేజ్ మీదకు వచ్చి అభివాదం చేస్తున్న సమయంలో.. షోకు వచ్చిన అభిమానులు సీఎం.. సీఎం.. అంటూ నినాదాలు చేశారు. ఈ వీడియోను షేర్ చేస్తున్న టీడీపీ శ్రేణులు, నందమూరి బాలకృష్ణ అభిమానులు తెగ సంబరపడిపోతున్నారు.