Anchor Himaja: భర్తను అన్ ఫాలో చేసిన స్టార్ యాంకర్ హిమజ... విడాకులకు సంకేతం అంటూ సోషల్ మీడియా పుకార్లు!

టాలీవుడ్ లో విడాకుల గోల ఎక్కువైంది. వరుసగా సెలెబ్రిటీలు విడాకుల బాట పట్టడం సంచలనంగా మారుతుంది. బాలీవుడ్ లో అమీర్ ఖాన్ భార్య కిరణ్ రావ్ తో విడిపోతున్నట్లు ప్రకటించిన కొద్ది నెలల్లో నాగ చైతన్య(Naga Chaitanya), హీరో ధనుష్ విడాకుల ప్రకటన చేశారు.

 ముఖ్యంగా నాగ చైతన్య-సమంత (Samantha)విడాకులు టాక్ ఆఫ్ ది ఇండస్ట్రీ అయ్యాయి. విడాకుల ప్రకటన జరిగి నాలుగు నెలలు అవుతున్నా మీడియాలో ఈ గోల సద్దుమణగలేదు. మరోవైపు చిరంజీవి చిన్న కూతురు శ్రీజ విడాకులకు సిద్ధం అవుతున్నారన్న ఊహాగానాలు వినిపిస్తున్నాయి. సోషల్ మీడియా అకౌంట్స్ నుండి భర్త కళ్యాణ్ దేవ్ పేరు ఆమె తొలగించారు. దీనితో శ్రీజ విడాకులు తీసుకోవడం ఖాయమే అంటున్నారు కొందరు. 

అలాగే కళ్యాణ్ దేవ్ లేటెస్ట్ మూవీ సూపర్ మచ్చి సంక్రాంతికి విడుదల కావడం జరిగింది. ఆ సినిమాకు మెగా హీరోలు ఎవరూ సహకారం అందించలేదు. ఇవన్నీ గమనిస్తుంటే శ్రీజ, కళ్యాణ్ దేవ్ మధ్య వ్యవహారం సరిగా లేదంటున్నారు. 

ఇక పెళ్లి చూపులు డైరెక్టర్ తరుణ్ భాస్కర్ కూడా విడాకులు తీసుకుంటున్నట్లు వార్తలు వెలువడుతున్నాయి. భార్యతో ఆయనకు విబేధాలు తలెత్తాయని, విడిపోయే ఆలోచనలో ఉన్నారని మీడియాలో ప్రముఖంగా వినిపిస్తుంది. తాజాగా ఈ లిస్ట్ లో యాంకర్ హిమజ వచ్చి చేరారు. హిమజ తన ఇంస్టాగ్రామ్ అకౌంట్ లో భర్త విజయ్ రెడ్డిని అన్ ఫాలో అయ్యారు. అలాగే భర్త కూడా ఆమెను అన్ ఫాలో చేయడం జరిగింది.

అలాగే హిమజ (Himaja)ఫిలాసఫీ తో కూడిన కొటేషన్స్ కొడుతుంది. ఇవి పరోక్షంగా భర్తను ఉద్దేశించి అని కొందరి భావన. ఈ మధ్య ఖరీదైన కారు కొన్న హిమజ... విలాసవంతమైన గృహ నిర్మాణం చేపట్టింది. తన కొత్త ఇంటికి సంబంధించిన వీడియో సోషల్ మీడియాలో షేర్ చేశారు. ఆ వీడియోలో పేరెంట్స్ గురించి మాట్లాడిన హిమజ భర్త ప్రస్తావన తేలేదు.

ఇక హిమజ వైవాహిక జీవితం గురించి సరైన సమాచారం లేదు. అందుబాటులో ఉన్న సమాచారం ప్రకారం ఆమె 2021లో ఓ వ్యక్తిని వివాహం చేసుకున్నారు. అతనితో విడిపోయాక విజయ్ రెడ్డిని రెండో వివాహం చేసుకున్నారు. ఆయనకి కూడా ఇది రెండో వివాహం అని సమాచారం.

బిగ్ బాస్ సీజన్ 3(Biggboss)లో పాల్గొన్న హిమజ పాపులారిటీ తెచ్చుకున్నారు. ప్రస్తుతం ఆమె యాంకర్ గా నటిగా కొనసాగుతున్నారు. వెండితెరపై ఆమెకు అడపాదడపా అవకాశాలు వస్తున్నాయి. పేరుకు యాంకరైనా స్టార్ హీరోయిన్ రేంజ్ లో ఫోటో షూట్స్ చేస్తూ ఉంటారు హిమజ. హీరోయిన్ కావాలన్న ఆమె ఆశ నెరవేరకున్నప్పటికీ సోషల్ మీడియాలో బీభత్సమైన ఫాలోయింగ్ రాబట్టారు.