రీసెంట్ గా ఓ కార్యక్రమంలో పాల్గొంది బాలీవుడ్ నటి మధురీ దీక్షిత్. ఐదు పదుల వయస్సు దాటిన ఆమె.. అందంలో కుర్రహీరోయిన్లకు పోటీ ఇస్తోంది. కాస్ట్లీ చీరలతో కళకళలాడుతోంది.
సినీ సెలబ్రిటీలు తమ అందం, యవ్వనంతో అభిమానులను ఆకర్షిస్తున్నారు. ఇంతకు ముందు సినిమాల్లో హీరోయిన్ల కెరీర్ టైమ్ చాలా తక్కువ ఉండేది. హీరోలతో పోల్చుకుంటే అది చాలా తక్కువ. ఒక హీరోయిన్ తక్కువలో తక్కువ 10 ఏళ్ళు కొనసాగితే ఎక్కువే. అయితే కొద్ది మంది హీరోయిన్లు మాత్రం ఏజ్ బార్ అయినా.. అందాన్ని అలానే మెయింటేన్ చేస్తున్నారు. అలాంటి అతి కొద్ది మంది నటీమణుల్లో మాధురీ దీక్షిత్ ఒకరు.
ప్రస్తుతం ఈ బాలీవుడ్ నటికి 56 ఏళ్లు అయినప్పటికీ, మాధురి ఇప్పటికీ చాలా యంగ్‌గా కనిపిస్తోంది. 1980 దశకంలో టాప్ హీరోయిన్ గా పేరు తెచ్చుకున్న మాధురీ దీక్షిత్ సౌత్ హీరోలతో కూడా సినిమాలు చేశారు. ఇక బాలీవుడ్ లో ఆమె క్రేజ్ అంతా ఇంతా కాదు.
ఇక 56 ఏళ్ల వయసులోనూ యవ్వనంగా ఉన్న మాధురీ దీక్షిత్.. స్టైల్ మెయింటేన్ చేయడంలో కూడా తన టాలెంట్ చూపిస్తోంది. రీసెంట్ గా సూరత్‌లో ఓ స్టోర్ ప్రారంభోత్సవానికి వెళ్లింది. అప్పుడు ఆమెను చూడటానికి చుట్టుపక్కన నుంచి అభిమానులు పెద్ద ఎత్తున వచ్చారు. మాధురికి ఘనస్వాగతం పలికారు.
ఈ స్టోర్ ప్రారంభోత్సవానికి నటి మాధురీ దీక్షిత్ ధరించిన చీర ప్రస్తుతం ట్రెండింగ్‌లో ఉంది. అంతే కాదు ఆ చీర ధర వివరాలు తెలిసి షాక్ అవుతున్నారు. దీని ప్రకారం మాధురీ దీక్షిత్ ధరించిన బంగారు చీర ధర 1.25 లక్షలు. దాంతో ఈ న్యూస్ సోషల్ మీడియాలో వైరల్ అవుతోంది.
పెళ్లి తర్వాత నటి మాధురీ దీక్షిత్ నటించడం మానేసినా.. రియాల్టీ షోలలో పాల్గొంటూనే ఉంది. తన అందానికి మెరుగులు దిద్దుతూనే ఉన్న మాధురి ఫ్యాషన్‌పై కూడా ఎక్కువ శ్రద్ధ పెట్టడంతో అభిమానుల్లో చెరగని స్థానాన్ని సంపాదించింది.