విష్ణు ప్రియ కళ్లు తెరిపించిన శ్రీముఖి, పృధ్వీ కి వార్నింగ్, ఫినాలే టికెట్ ఎవరిసొంతమంటే..?

బిగ్ బాస్ తెలుగు సీజన్ 8 లో ఫినాలే రేస్ కు ఎండ్ కార్డ్ పడింది. అంతే కాదు హౌస్ లో కొంత మందికి జ్ఞానోదయం కూడా అయ్యింది. ఇంతకీ విషయం ఏంటంటే..?   

బిగ్ బాస్ తెలుగు సీజన్ 8 ఇంకా రెండు వారాలే ఉంది. ఈ వారం డబుల్ ఎలిమినేషన్ అయ్యే అవకాశం కనిపిస్తుంది. అయితే ఈరెండు వారాలు ప్రతీ రోజు స్పెషల్ అనే చెప్పాలి. ప్రత్యేకంగా టాస్క్ లు.. ఎవరో ఒక గెస్ట్ లు.. వీకెండ్ లో సందడి వాతావరణంతో పాటు.. మరెన్నో అద్భుతాలు కనిపిస్తుంటాయి. ఇక ప్రస్తుతం ఈ వీక్ లో ఫినాలే రేస్ జరిగింది. టికెట్ టు ఫినాలే.. టాప్ 5 లో ఒక సీటు ముందుగానే టాస్క్ లు ఆడి రిజర్వ్ చేసుకోవడం. ఇక ఫైనల్ ఫినాలే రేస్ నలుగురి మధ్య జరిగింది. 

ఈ గేమ్ ను ఆడించడానికి ఇంట్లోకి పాత కంటెస్టెంట్ కమ్ స్టార్ యాంకర్ శ్రీముఖి బిగ్ బాస్ హౌస్ లోకి వచ్చింది. ఆమె వచ్చీ రావడంతోనేహౌస్ లో సందడి వాతావరణం నెలకొంది. అంతే కాదు ప్రత్యేంగా ఇంట్లోవారికి చికెన్ వండిపెట్టడంతో పాటు.. అందరితో కలిసిపోయి.. అందరి ఆటను విడివిడిగా అనలైజ్ చేస్తూ.. వారికి సలహాలిస్తూ.. ఆటలు ఆడిస్తూ గడిపేసింది శ్రీముఖి. 

మరీ ముఖ్యంగా తన యాంకర్స్ గ్రూప్ కు చెందిన విష్ణు ప్రియకు కళ్లు తెరిపించిడంతో పాటు.. విష్ణు విషయంలో పృధ్వీకి వార్నింగ్ కూడా ఇచ్చింది శ్రీముఖి. విష్ణు ప్రియ తను చేస్తున్న పొరపాటు ఏంటో వివరంగా చెప్పింది. ఈరెండు వారాలు నువ్వు నీకోసం ఆడు.. నీకు ఇష్టమైన వాళ్ళకు నీ సపోర్ట్ అవసరం లేదు. బట్ నీకోసం చూసేజనాలు ఉంటారు కదా... వారి కోసం ఆడు అంటూ విష్ణుకు బయట ఏమనకుంటున్నారు అనే విషయాన్ని క్లారిటీ ఇచ్చింది శ్రీముఖి.

అంతే కాదు ఒక టైమ్ చూసుకుని పృధ్వీకి కూడా విష్ణు విషయంలో నువ్వు చేసేది కరెక్ట్ కాదు అనిచెప్పింది. దూరంగా ఉండాలి అనుకుంటూనే దగ్గర అవుతున్నారు అంటూ తనదైన స్టైల్ లో క్లాస్ పీకడంతో పాటు.. వార్నింగ్ కూడా ఇచ్చింది. 

ఇక టికెట్ టు ఫినాలు రేసులో గత మూడు రోజులుగా జరుగుతున్న టాస్క్ లలో కంటెండర్స్ గా నిలిచిన రోహిణి, అవినాశ్, నిఖిల్ తో పాటు.. తేజ ను కూడా కంటెండర్ గా అవకాశాం ఇచ్చారు. కాని మొదటి రౌండ్ లోనే తేజ్ ఓడిపోయి వెనుదిరగాల్సి వచ్చింది. ఇక రోహిణి, అవినాశ్, నిఖిల్ ముగ్గురు టికెట్ టు ఫినాలే రేసులో ఫైనల్ టాస్క్ లో పాల్గొన్నారు. ఈటాస్క్ లో నిఖిల్ గెలవబోతున్నాడు అనుకున్న టైమ్ కు ఫైనల్ రౌండ్ లో బ్రిక్స్ పడిపోవడంతో అవినాశ్ టికెట్ టు ఫినాలే విజేతగా నిలిచాడు. 

ఈలోపు టాస్క్ లలో గొడవలు తప్పలేదు. ఫస్ట్ టాస్క్ లోనే రోహిణితో అవినాశ్ పోవాదనకు దిగడంతో పాటు వితండవాదం చేశాడు. ఇక మరో విషయం ఏంటంటే.. టికెట్ టు ఫినాలే గెలిచినా కూడా అవినాశ్ ఇంకా డేంజర్ జోన్ లోనే ఉన్నట్టు తెలుస్తోంది. ఈ వారం డబుల్ ఎలిమినేషన్ జరిగే అవకాశం కనిపిస్తోంది. అందులో అవినాశ్ కు చాలా తక్కువ ఓటింగ్ పడనట్టు సమాచారం. మరి ఏం జరుగుతుందో చూడాలి. వీకెండ్ రానే వచ్చింది. ఇంకా రెండు వారాలే ఉంది. సో ఈ వారం బయటకు వెళ్ళేది ఎవరో చూడాలి.