నాగ మణికంఠ గత వారం ఎలిమినేట్ అయ్యాడు. నేను టైటిల్ ఖచ్చితంగా కొట్టాలన్న నాగ మణికంఠ జర్నీ ముగిసింది. కాగా తాను హౌస్ నుండి బయటకు రావడానికి కారణాలు ఏమిటో నాగ మణికంఠ వెల్లడించాడు.
నాగ మణికంఠ టైటిల్ కోసమే బిగ్ బాస్ షోకి వచ్చాను అన్నాడు. తనకు భార్య పిల్లలు కావాలి. అత్తమామల దగ్గర గౌరవం దక్కాలి. ఇవి జరగాలనే నేను ఖచ్చితంగా టైటిల్ విన్నర్ కావాలని అన్నాడు. అనూహ్యంగా సెల్ఫ్ ఎలిమినేట్ అయ్యాడు. ప్రేక్షకులు నాగ మణికంఠకు ఓట్లు వేశారు. కానీ అతడు తానంతట తానే బిగ్ బాస్ హౌస్ నుండి వెళ్ళిపోయాడు.
నాగ మణికంఠ షో నుండి వైదొలగడానికి ప్రధాన కారణం అనారోగ్య సమస్యలు.హోస్ట్ నాగార్జునతో కూడా ఆయన ఇదే చెప్పాడు. నేను చాలా వరకు ట్రై చేశాను. ఇంకా నా వల్ల కాలేదు. అందుకే వచ్చేశాను అన్నారు. కాగా నాగ మణికంఠకు అనారోగ్య సమస్యలు తలెత్తడానికి హౌస్లో ఉన్న పరిస్థులేనట. ఈ విషయాన్ని నాగ మణికంఠ నేరుగా చెప్పారు. సరిపడా తిండి లేకపోవడం తన ఆరోగ్యాన్ని దెబ్బ తీసింది అన్నాడు.
కేవలం నిమిషం సమయంలో హౌస్ మేట్స్ అందరికి సరిపడా సరుకులు తెచ్చుకోవాల్సి వచ్చేది. కొన్నిసార్లు కూరగాయలు తెచ్చేవారు కాదు. కొన్నిసార్లు రైస్ తెచ్చేవారు కాదు. కొన్నిసార్లు పెరుగు మిస్ అయ్యేది. నిర్ణీత సమయం మాత్రమే వంటకు ఉంటుంది. దాంతో రోజుకు రెండు, మూడు చపాతీలు మాత్రమే వచ్చే వి. పూత రేకుల్లా ఉండే దోశలు రెండు మూడు వచ్చేవి. దాని వలనే నా ఆరోగ్యం దెబ్బతింది అన్నాడు. కడుపునిండా ఆహారం ఉండేది కాదని నాగ మణికంఠ చెప్పకనే చెప్పాడు.
నాగ మణికంఠ స్ట్రాంగ్ ప్లేయర్ గా బిగ్ బాస్ హౌస్లో అవతరించాడు. మొదటి వారమే కన్నీటి గాథలు మొదలుపెట్టడంతో ఒకింత విమర్శలు ఎదుర్కొన్నాడు. ఇతడు మరో పల్లవి ప్రశాంత్. సింపతీ గేమ్ తో టైటిల్ విన్నర్ కావాలని అనుకుంటున్నాడన్న ఆరోపణలు వెల్లువెత్తాయి.
నాగ మణికంఠ చాలా తెలివిగా గేమ్ ఆడుతున్నాడని రోజులు గడిచే కొద్దీ అర్థమైంది. హౌస్ మొత్తాన్ని నాగ మణికంఠ కన్ఫ్యూషన్ లో పడేశాడు. అతడి పట్ల ఎలా ప్రవర్తించాలో కంటెస్టెంట్స్ కి అర్థం కాని పరిస్థితి. ఒక దశలో నాగ మణికంఠను అందరూ టార్గెట్ చేశారు. అది వాళ్లకు మైనస్ అవుతుందని, అతడికి ప్లస్ అవుతుందనే సందేహం మరలా వారిలో కలిగింది.
నాగ మణికంఠ సింపతీ గేమ్ తనను టార్గెట్ చేస్తున్న కంటెస్టెంట్స్ పై ప్రతికూల ప్రభావం చూపుతుందనే చర్చ హౌస్లో మొదలైంది. అంతగా నాగ మణికంఠ ఇతర కంటెస్టెంట్స్ మైండ్స్ ట్యూన్ చేశాడు. అదే సమయంలో అమ్మాయిలతో నాగ మణికంఠ ప్రవర్తన విమర్శలకు దారి తీసింది. నాగ మణికంఠ హగ్ చేసుకోవడం నాకు నచ్చలేదని యష్మి అసహనం ప్రదర్శించింది.
యష్మితో పాటు ఇతర లేడీ కంటెస్టెంట్స్ ని కూడా నాగ మణికంఠ అవసరం ఉన్నా లేకున్నా హగ్ చేసుకునేవాడు. సోనియా ఆకులను పక్కకు తీసుకెళ్లి హగ్ కావాలని అడిగిన వీడియో సోషల్ మీడియాలో వైరల్ అయ్యింది. అయినప్పటికి ప్రేక్షకుల్లో నాగ మణికంఠకు క్రేజ్ ఏర్పడింది. దాదాపు ప్రతి వారం నామినేషన్స్ లో ఉంటున్న నాగ మణికంఠ ప్రేక్షకుల ఓట్లతో సేవ్ అవుతున్నాడు.
7వ వారం సైతం నాగ మణికంఠ ఓటింగ్ లో టాప్ 3-4 లో ఉన్నాడు. టేస్టీ తేజ, గౌతమ్ చివరి రెండు స్థానాల్లో ఉన్నట్లు సమాచారం. ప్రేక్షకుల నిర్ణయం ప్రకారం గౌతమ్ ఎలిమినేట్ కావాల్సింది. కానీ నాగ మణికంఠ స్వయంగా వెళ్లిపోతానని చెప్పడంతో... నాగార్జున ఫైనల్ గా కంటెస్టెంట్స్ ఓటింగ్ తీసుకున్నాడు. మెజారిటీ ఇంటి సభ్యులు నాగ మణికంఠకు వ్యతిరేకంగా ఓట్లు వేయడంతో ఎలిమినేట్ అయ్యాడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి