సీరియల్ హీరో అర్జున్ అంబటి ఐదు వారాల అనంతరం వైల్డ్ కార్డు ఎంట్రీ ఇచ్చిన విషయం తెలిసిందే. ఫైనల్ కి వెళ్లిన అర్జున్ టైటిల్ రేసు నుండి తప్పుకున్నాడని తెలుస్తుండగా అతడి రెమ్యూనరేషన్ ఎంతో చూద్దాం...
బిగ్ బాస్ తెలుగు 7 సెప్టెంబర్ 3న అట్టహాసంగా ప్రారంభమైంది. కేవలం 14 మంది కంటెస్టెంట్స్ మాత్రమే హౌస్లో అడుగుపెట్టారు. అయితే ఐదు వారాల అనంతరం మినీ లాంచ్ ఈవెంట్ నిర్వహించారు. ఐదుగురు కంటెస్టెంట్స్ వైల్డ్ కార్డ్ ద్వారా ప్రవేశపెట్టారు. అర్జున్ అంబటి, భోలే షావలి, పూజ మూర్తి, నయని పావని, అశ్వినిశ్రీ హౌస్లో అడుగుపెట్టడం జరిగింది.
నయని పావని నెక్స్ట్ వీక్ ఎలిమినేట్ అయ్యింది. 7వ వారం పూజ మూర్తి ఇంటిని వీడింది. వైల్డ్ కార్డు ఎంట్రీలలో భోలే, అశ్విని శ్రీ కొద్ది వారాలు ఉన్నారు. అర్జున్ మాత్రం సత్తా చాటాడు. కష్టపడి ఫినాలే అస్త్ర గెలిచి ఫైనల్ కి వెళ్ళాడు. అర్జున్ లేటుగా హౌస్లో అడుగుపెట్టడం మైనస్ అయ్యింది. లేదంటే టైటిల్ ఫేవరేట్స్ లో ఖచ్చితంగా ఉండేవాడు.
నేడు గ్రాండ్ ఫినాలే ప్రసారం కానుంది. ఇప్పటికే షూటింగ్ ముగియగా.. రిజల్ట్స్ కూడా లీక్ అయ్యాయి. మిడ్ వీక్ ఎలిమినేషన్ ఉంటుందని మొదట భావించారు. అయితే ఫైనలిస్ట్స్ గా ప్రకటించిన ఆరుగురిని ఫైనల్ కి పంపారు. శివాజీ, అమర్ దీప్, ప్రియాంక, యావర్, ప్రశాంత్, అర్జున్ హౌస్లో ఉన్నారు.
Bigg Boss Telugu 7
వీరి నుండి ఫస్ట్ అర్జున్ ఎలిమినేట్ అయినట్లు సమాచారం అందుతుంది. ఫైనలిస్ట్స్ లో అతి తక్కువ ఓట్లు వచ్చిన అర్జున్ 6వ స్థానంతో సరిపెట్టుకున్నాడట. మిగిలిన ఐదుగురు టైటిల్ రేసులో ఉన్నారని సమాచారం.
Bigg Boss Telugu 7
మొత్తంగా అర్జున్ అంబటి 10 వారాలు హౌస్లో ఉన్నారు. ఈ సీరియల్ హీరో రోజుకు రూ. 35000 ఒప్పందం మీద హౌస్లో అడుగుపెట్టాడట. అంటే వారానికి రూ. 245000. కాబట్టి మొత్తంగా అర్జున్ రూ. 24.5 లక్షలు రెమ్యూనరేషన్ గా అందుకున్నారు. చెప్పాలంటే ఇది భారీ మొత్తమే.
Bigg Boss Telugu 7
రెమ్యునరేషన్ అటుంచితే... అర్జున్ అంబటికి బంపర్ ఛాన్స్ దక్కింది. దర్శకుడు బుచ్చిబాబు త్వరలో తెరకెక్కించనున్న రామ్ చరణ్ మూవీలో అర్జున్ కి ఒక రోల్ ఆఫర్ చేశాడు. అర్జున్ కి ఇది గోల్డెన్ ఛాన్స్ అనడంలో ఎలాంటి సందేహం లేదు. బిగ్ బాస్ షోతో వచ్చిన ఫేమ్ తో అర్జున్ కెరీర్ లో ఎదిగే సూచనలు కలవు.