బిగ్ బాస్ తెలుగు 6 20వ కంటెస్టెంట్ గా హౌస్లోకి ఆరోహి రావ్ ఎంట్రీ ఇచ్చింది. ఒక పల్లెటూరి అమాయకపు ఆడపిల్ల అంజలి నుండి ఆరోహి రావ్ గా మారిన విధానం చెప్పింది.
అంజలి పల్లెటూరికి చెందిన అమాయకపు ఆడపిల్ల.కన్న తల్లి లేదు. ఏదైనా సాధించాలనే కలలతో హైదరాబాద్ లో ఒంటరిగా అడుగుపెట్టింది. వయసులో ఉన్న ఆడపిల్ల ఈ మహా నగరంలో తోడు లేకుండా ఉండటం ఎంత కష్టమో ఆమెకు అప్పుడు తెలిసొచ్చింది.
మగాళ్లు ఆమెపై కన్నేశారు, కబళించాలని చూశారు. చుట్టూ ఉన్న దారుణ పరిస్థితులు చూసి తనని తాను మార్చుకోవాలని డిసైడ్ అయ్యింది. ఇంత అమాయకంగా ఉంటే ఈ ప్రపంచంలో బ్రతకలేమని అర్థం చేసుకుంది. కట్టుబొట్టు మార్చేసింది. మోడరన్ అవతారం ఎత్తింది. అంజలి కాస్త ఆరోహి గా మారిపోయింది.
బిగ్ బాస్ తెలుగు6 20వ కంటెస్టెంట్ గా ఎంట్రీ ఇచ్చిన అంజలి అలియాస్ ఆరోహి రావ్ కథ ఇది. ఓ స్థాయికి ఎదగాలని హైదరాబాద్ వచ్చిన తనకు అనేక ఒడిడుకులు ఎదురయ్యాయని, అందుకే తనని తాను మార్చుకొన్నానని ఆరోహి రావ్ చెప్పారు. ఇక హౌస్ లో తనతో మాములుగా ఉండదు. తాను ఎక్కడుంటే అక్కడ దేత్తడి పోచమ్మ గుడే అన్నారు.
బిగ్ బాస్ హౌస్ కి ఎందుకు వచ్చావని హోస్ట్ నాగార్జున అడగ్గా... హౌస్ లో సెలెబ్రిటీలు ఉండొచ్చు. వాళ్ళు ఇప్పటికే జనాలకు తెలుసు. వాళ్లకు ఆటోమేటిక్ గా ఫాలోయింగ్ ఉంటుంది. నేను మాత్రం ఎవరికీ తెలియదు. కాబట్టి నేనేమిటో నిరూపించుకుంటాను. నా కంటూ ఓ గుర్తింపు తెచ్చుకుంటానని ఆరోహి రావ్ విశ్వాసం వ్యక్తం చేశారు.
చివర్లో నాగార్జున కొన్ని కార్డ్స్ తెప్పించారు. వాటిలో ఒకటి సెలక్ట్ చేసుకోమన్నారు. ఆరోహి ఒక కార్డు తీయగా దాని వెనుక బ్లాక్ హార్ట్ వచ్చింది. హార్ట్ వచ్చింది సార్ అని ఆరోహి చెప్పగా, అది హార్ట్ కాదు బ్లాక్ హార్ట్ దాని అసలైన అర్థం నేను నెక్స్ట్ చెబుతాను, అన్నారు. అప్పటి వరకు మీ హార్ట్ గా నాతో ఉంచుకుంటానని ఆరోహి రావు చెప్పగా, నాగ్ ఇంటిలోకి పంపారు.