Bigg Boss 5 Telugu అక్టోబర్ 21 ఎపిసోడ్ పై అందరిలో ఉత్కంఠ ఉంది. ఎందుకంటే హౌస్ లోకి లోబో తిరిగి ఎంట్రీ ఇవ్వబోతున్నాడు. మరి నేటి ఎపిసోడ్ లో జరిగిన హైలైట్స్ ఏంటో చూద్దాం.
Bigg Boss 5 Telugu అక్టోబర్ 21 ఎపిసోడ్ పై అందరిలో ఉత్కంఠ ఉంది. ఎందుకంటే హౌస్ లోకి లోబో తిరిగి ఎంట్రీ ఇవ్వబోతున్నాడు. మరి నేటి ఎపిసోడ్ లో జరిగిన హైలైట్స్ ఏంటో చూద్దాం. గత ఎపిసోడ్ లాగే ఇంటి సభ్యులు ఎగ్స్ కోసం కుస్తీ పడుతుంటారు. సీక్రెట్ టాస్క్ చేస్తున్న జెస్సి, సిరి రహస్యంగా మాట్లాడుకుంటుంటారు. ఆ తర్వాత బిగ్ బాస్ మానస్ కి ఓ టాస్క్ ఇస్తారు. మానస్ తాను ఎంచుకునే వ్యక్తితో న్యుడిల్స్ తినే పోటీలో పాల్గొనాలి.
దీనితో మానస్ తనకు పోటీగా సన్నీని ఎంచుకుంటాడు. టాస్క్ ముగిసేసమయానికి ఎవరు ఎక్కువగా న్యుడిల్స్ తింటారో వారు విజేత. వాళ్లకు 5 ఎక్స్ట్రా ఎగ్స్ లభిస్తాయి. ఈ పోటీలో సన్నీ విజయం సాధిస్తాడు. ఇక ఎగ్స్ టాస్క్ లో మానస్, విశ్వ, సన్నీ, శ్రీరామ్, రవి ఎక్కువ ఎగ్స్ తో కెప్టెన్సీ పోటీ దారులుగా అర్హత సాధించినట్లు బిగ్ బాస్ ప్రకటిస్తారు. సీక్రెట్ టాస్క్ ని సరిగ్గా అర్థం చేసుకోకపోవడంతో జెస్సి కెప్టెన్సీ టాస్క్ లో నేరుగా ఎంపికయ్యే అవకాశం కోల్పోయినట్లు బిగ్ బాస్ ప్రకటిస్తారు. ఇంతలో హౌస్ లో అసలు ట్విస్ట్ మొదలవుతుంది. లోబో ఎలిమినేట్ అయ్యాడని అనుకుంటున్న ఇంటి సభ్యులకు స్వీట్ షాక్.
సీక్రెట్ రూంలో ఉన్న లోబోని బిగ్ బాస్.. హౌస్ లోకి వెళ్లమని చెబుతాడు. వట్టి చేతులతో వెళ్లకుండా లోబోకి రెండు స్పెషల్ ఎగ్స్ ఇచ్చి పంపుతాడు. ఒకటి బ్లాక్ ఎగ్ మరొకటి గోల్డ్ ఎగ్. కెప్టెన్సీ పోటీదారులుగా అర్హత సాధించిన వారిలో ఒకరికి బ్లాక్ ఎగ్ ఇవ్వాలని బిగ్ బాస్ లోబోకి చెబుతాడు. దీనితో బ్లాక్ ఎగ్ పొందివారు కెప్టెన్సీ పోటీదారుడిగా అర్హత కోల్పోతారు. మిగిలిన ఇంటి సభ్యుల్లో ఒకరికి గోల్డ్ ఎగ్ ఇవ్వాలి. గోల్డ్ ఎగ్ పొందిన వ్యక్తి కెప్టెన్సీ టాస్క్ లో పోటీదారుడిగా అర్హత సాధిస్తారు. ఇక లోబో తన నిర్ణయాన్ని అమలు చేసే సమయం వస్తుంది. బ్లాక్ ఎగ్ ని లోబో శ్రీరామ్ కి ఇస్తాడు. గోల్డ్ ఎగ్ ని కాజల్ కు ఇస్తాడు. దీనితో కాజల్ కెప్టెన్సీ పోటీ దారురాలిగా అర్హత సాధిస్తుంది.
మరోవైపు సిరి, జెస్సి తనకి నమ్మక ద్రోహం చేసారని షణ్ముఖ్ కుమిలిపోతుంటాడు. జెస్సితో మాట్లాడడానికి కూడా ఇష్టపడడు. అందరి ముందు ఎదవని అవుతున్నా. నాకు అందరూ ఎదవ డైలాగులు చెబుతున్నారు. సిరికి బదులు సీక్రెట్ టాస్క్ కోసం నన్ను ఎంచుకుని ఉండొచ్చు కదరా జెస్సి అంటూ షణ్ముఖ్ తనలో తానే కుమిలిపోతూ అరుస్తుంటాడు. మీరంతా కలసి నన్ను వాడుకున్నారు అంటూ సిరిని కూడా తిడతాడు. తనని మోసం చేసారని షణ్ముఖ్.. తనని తిడుతున్నాడని సిరి ఇద్దరూ ఏడుస్తారు.
చివరకు షణ్ముఖ్ బాధతో భోజనం చేయడం కూడా మానేస్తాడు. సిరి ప్లేట్ లో భోజనం తీసుకువచ్చినా నేను తినను అంటూ అక్కడి నుంచి వెళ్ళిపోతాడు. ఇందులో నా తప్పేముంది.. జెస్సి నన్ను ఎంచుకున్నాడు.. నేను గేమ్ ఆడాను అని సిరి షణ్ముఖ్ కి వివరణ ఇచ్చే ప్రయత్నం చేస్తుంది. కానీ షణ్ముఖ్ వినడు. సిగ్గులేకుండా నన్ను దిగజార్చారు అని తిడతాడు.
దీనితో సిరి అక్కడి నుంచి కోపంగా వెళ్ళిపోతుంది. తాను ధరించిన షర్ట్ విప్పేసి విసిరికొడుతుంది. ఇక హౌస్ లో మరో ఆసక్తికర సంఘటన జరుగుతుంది. సన్నీ ప్లేట్ లో ప్రియా భోజనం చేస్తుంది. దీనితో సన్నీని అంతా ఆటపట్టిస్తారు. నేను ఈ ప్లేట్ ని అస్సలు కడగను అంటూ ప్రియా సరదాగా కామెంట్ చేస్తుంది. అంతటితో నేటి ఎపిసోడ్ ముగుస్తుంది.