Bhairavam Twitter Review: ముగ్గురు హీరోలు కుమ్మేశారు, మంచు మనోజ్ కంబ్యాక్ ఇచ్చినట్లేనా..

మంచు మనోజ్ తో పాటు, బెల్లంకొండ శ్రీనివాస్, నారా రోహిత్ కి కూడా భైరవం చిత్రం విజయం సాధించడం అవసరం. ఇటీవల ఈ ముగ్గురికి సరైన చిత్రాలు లేవు. దీనితో ఈ చిత్రం కోసం ముగ్గురు హీరోలు ప్రాణం పెట్టేశారు.

మంచు మనోజ్, బెల్లంకొండ శ్రీనివాస్, నారా రోహిత్ కలిసి నటించిన భైరవం చిత్రం నేడు శుక్రవారం రోజు గ్రాండ్ గా రిలీజ్ అవుతోంది. విజయ్ కనకమేడల దర్శకత్వంలో రూపొందిన ఈ చిత్రాన్ని రాధా మోహన్ నిర్మించారు. గత నెలరోజులుగా భైరవం చిత్ర యూనిట్ ఒక రేంజ్ లో ప్రచార కార్యక్రమాలు నిర్వహిస్తూ ఈ చిత్రానికి బజ్ తీసుకునివచ్చారు. ప్రేక్షకులంతా ఇది మంచు మనోజ్ కి కంబ్యాక్ మూవీ కావాలని కోరుకుంటున్నారు. దాదాపు 9 ఏళ్ళ తర్వాత మంచు మనోజ్ నుంచి వస్తున్న చిత్రం ఇది. 

ఈ మూవీలో అదితి శంకర్, ఆనంది హీరోయిన్లుగా నటిస్తున్నారు. మంచి అంచనాలతో విడుదలవుతున్న ఈ చిత్ర ప్రీమియర్ షోలు ఇప్పటికే ప్రారంభం అయ్యాయి. ప్రీమియర్ షోల నుంచి ప్రేక్షకులు ట్విట్టర్ లో తమ రెస్పాన్స్ తెలియజేస్తున్నారు. మరి భైరవం చిత్రం ప్రేక్షకుల నుంచి ఎలాంటి రెస్పాన్స్ దక్కించుకుందో ఇప్పుడు చూద్దాం. 

మంచు మనోజ్ తో పాటు, బెల్లంకొండ శ్రీనివాస్, నారా రోహిత్ కి కూడా భైరవం చిత్రం విజయం సాధించడం అవసరం. ఇటీవల ఈ ముగ్గురికి సరైన చిత్రాలు లేవు. దీనితో ఈ చిత్రం కోసం ముగ్గురు హీరోలు ప్రాణం పెట్టేశారు. ఓపిగ్గా ప్రమోషన్స్ లో పాల్గొన్నారు. ఇక సినిమా ఎలా ఉంది అనే విషయానికి వస్తే..  సినిమా ప్రారంభం అయ్యాక అసలైన కథ మొదలు కావడానికి టైం పడుతుంది. ఫస్టాఫ్ లో అక్కడక్కడా కొన్ని స్పీడ్ బ్రేకర్ లాంటి అనవసర సన్నివేశాలు ఉంటాయి. 

లవ్ సీన్స్, పాటలు కథ ఫ్లోని అడ్డుకుంటాయి. కానీ ఒకసారి అసలు కథ మొదలయ్యాక ఇంటర్వెల్ బ్లాక్ వరకు అడ్డు ఉండదు. ఎంగేజింగ్ గా అనిపించే సీన్లు పడ్డాయి. డ్రామా, మాస్ యాక్షన్ సీన్లు ఆకట్టుకుంటాయి. ముగ్గురు హీరోలు పోటీ పడి అద్భుతమైన పెర్ఫార్మెన్స్ ఇచ్చారు. వీళ్ళ ముగ్గురి మధ్య వచ్చే సన్నివేశాలు ఆకట్టుకుంటాయి. కొందరు నెటిజన్లు అయితే ఫస్టాఫ్ బావుంది.. అందరూ కుమ్మేశారు అంటూ కామెంట్స్ చేస్తున్నారు. 

కథలో ఒక టెంపుల్ తో కనెక్షన్ ఉంటుంది. దానిని దర్శకుడు ఆసక్తికరంగా మలిచారు. ఇక సెకండ్ హాఫ్ లో కూడా ఆసక్తికర సన్నివేశాలు ఆకట్టుకుంటాయి. డ్రామాని ఎంగేజింగ్ గా మార్చడంలో దర్శకుడు విజయవంతం అయ్యారు. మనోజ్, బెల్లంకొండ శ్రీను, నారా రోహిత్ తమ పాత్రల్లో ఒదిగిపోయారు. ఆ పాత్రలకు వీళ్ళే కరెక్ట్ అనేలా నటించారు. 

ఓవరాల్ గా భైరవం చిత్రం ఒకసారి చూడదగ్గ విధంగా ఉందని ప్రేక్షకుల నుంచి రియాక్షన్ వస్తోంది. మంచు మనోజ్ కి సాలిడ్ కంబ్యాక్ అని చెప్పలేం కానీ మంచి చిత్రమే పడింది అని అంటున్నారు. అక్కడక్కడా కథ రొటీన్ గా అనిపించడం, ఫస్టాఫ్ బిగినింగ్ లో స్లోగా ప్రారంభం కావడం లాంటి మైనస్ లు ఉన్నాయి.