కోవిడ్ వల్ల బాగా సీరియస్ అయింది.. ఆ టైంలో చిరంజీవి గారు లేకపోతే, బండ్ల గణేష్ ఎమోషనల్

బండ్ల గణేష్ స్టార్ ప్రొడ్యూసర్ గా, నటుడిగా టాలీవుడ్ లో గుర్తింపు తెచ్చుకున్నారు. గబ్బర్ సింగ్, బాద్షా, టెంపర్ లాంటి సూపర్ హిట్ చిత్రాలు నిర్మించి బ్లాక్ బస్టర్ నిర్మాత అయ్యారు. సినిమా ఈవెంట్స్ లో బండ్ల గణేష్ తన ప్రసంగాలు, పవన్ కళ్యాణ్ పై వైవిధ్యమైన ప్రశంసలతో బాగా పాపులర్ అయ్యారు. బండ్ల గణేష్ మైక్ పట్టుకుంటే మోతెక్కిపోవాల్సిందే అన్నట్లుగా గుర్తింపు పొందారు. 

బండ్ల గణేష్ నటుడిగా ఇటీవల ఓ ప్రయోగం చేశారు. బండ్ల గణేష్ నటించిన 'డేగల బాబ్జీ' చిత్రం ఇటీవల ప్రేక్షకుల ముందుకు వచ్చింది.  డేగల బాబ్జీ చిత్రం తమిళంలో విజయం సాధించిన ఒత్త సెరప్పు సైజు 7 అనే చిత్రానికి రీమేక్ గా తెరకెక్కింది. వెంకట్ చంద్ర దర్శకత్వంలో ఈ చిత్రం తెరకెక్కింది.ఈ చిత్ర ప్రచార కార్యక్రమాల్లో భాగంగా బండ్ల గణేష్ యాంకర్ సుమ నిర్వహించే క్యాష్ షోలో పాల్గొన్నారు. 

ఈ షో మే 28న ప్రసారం కానుంది. అందరిపై పంచ్ లు వేసే సుమపై బండ్ల గణేష్ అదిరిపోయే పంచ్ లు వేశాడు. తాజాగా విడుదలైన ప్రోమో వైరల్ గా మారింది.  బండ్ల గణేష్ పంచ్ లకి సుమ నోట మాట రావడం లేదు.  అలాగే మోషనల్ విషయాలని కూడా బండ్ల గణేష్ రివీల్ చేశాడు. 

బండ్ల గణేష్ తోపాటు దర్శకుడు వెంకట్ చంద్ర, నటుడు సమీర్ కూడా ఈ శ్లో పాల్గొన్నారు. బండ్ల గణేష్ కి పోల్ట్రీ బిజినెస్ ఉన్న సంగతి తెలిసిందే. దీనితో బండ్ల గణేష్ సుమ అందంగా ఉండడానికి కారణం తాను పంపిన కోడి గుడ్లు అంటూ సెటైర్లు వేశాడు. 

దేవుడు ప్రత్యక్షమై ఒక వరం కోరుకోమంటే.. మీ గురించి కోరుకుంటారా లేక పవన్ కళ్యాణ్ గురించా అని సుమ ప్రశ్నించింది. దీనితో బండ్ల గణేష్.. పవన్ కళ్యాణ్ గారు ముఖ్యమంత్రి కావాలి.. అప్పుడు నేను కూడా బావుండాలి అని కోరుకుంటాను అని సమాధానం ఇచ్చాడు. 

బండ్ల గణేష్ వరుస పంచ్ లతో అదరగొడుతూనే ఎమోషనల్ గా కూడా మాట్లాడారు. మీరు కోవిడ్ వల్ల బాగా ఇబ్బంది పడ్డారు అట కదా అని సుమ ప్రశ్నించింది. దీనిపై బండ్ల గణేష్ మాట్లాడుతూ.. నన్ను మూడు వేవ్ లు టచ్ చేశాయి. ముఖ్యంగా సెకండ్ వేవ్ లో కరోనా సోకినప్పుడు బాగా ఇబ్బంది పడ్డాను. సీరియస్ అయింది. ఆ టైంలో మెగాస్టార్ చిరంజీవి గారు చొరవ తీసుకుని నన్ను ఆసుపత్రిలో జాయిన్ చేశారు. చిరంజీవి గారు చూపించిన కేర్ ఎప్పటికి మరచిపోలేను. ఆయన లేకపోతే పరిస్థితి ఏంటి అన్నట్లుగా బండ్ల గణేష్ ఎమోషనల్ అయ్యారు. ఈ ఎపిసోడ్ మే 28న ప్రసారం కానుంది.