ఓ ప్రైవేట్ ఫంక్షన్ కి బండ్ల గణేష్ హాజరయ్యాడు. ఈ కార్యక్రమానికి అల్లు అరవింద్ పెద్ద కుమారుడు అల్లు బాబీ కూడా హాజరయ్యారు. అల్లు బాబీని పక్కనే పెట్టుకుని బండ్ల గణేష్ చేసిన వ్యాఖ్యలు ఇప్పుడు హాట్ టాపిక్ గా మారాయి.
సంచలన వ్యాఖ్యలకు కేరాఫ్ అడ్రస్ బండ్ల గణేష్. ముక్కుసూటిగా మాట్లాడడం అతడి నైజం. బండ్ల గణేష్ చేసిన కామెంట్స్ కొన్ని సందర్భాల్లో వివాదంగా మారుతుంటాయి. నిర్మాతగా బండ్ల గణేష్ గబ్బర్ సింగ్, టెంపర్, బాద్షా లాంటి విజయవంతమైన చిత్రాలు నిర్మించారు.
బండ్ల గణేష్ ట్విట్టర్ లో, సినిమా ఈవెంట్స్ లో చేసే వ్యాఖ్యలు హాట్ టాపిక్ అవుతుంటాయి. కొన్ని సార్లు వివాదంగా మారి బండ్ల గణేష్ కి చిక్కులు తెచ్చిపెడుతుంటాయి. బండ్ల గణేష్ కి తాన్ టంగ్ కంట్రోల్ లో ఉండదు అనే విమర్శ ఉంది. తాజాగా బండ్ల గణేష్ మరోసారి వివాదాస్పద వ్యాఖ్యలు చేసి వార్తల్లో నిలిచాడు. ఈ సారి ఏకంగా బండ్ల గణేష్ అల్లు బ్రదర్స్ పై ఆసక్తిర వ్యాఖ్యలు చేశాడు.
ఓ ప్రైవేట్ ఫంక్షన్ కి బండ్ల గణేష్ హాజరయ్యాడు. ఈ కార్యక్రమానికి అల్లు అరవింద్ పెద్ద కుమారుడు అల్లు బాబీ కూడా హాజరయ్యారు. ఆయనతో కలసి మాటలు కలిపిన బండ్ల గణేష్ ఫోటోలకు ఫోజులు ఇచ్చాడు. అల్లు బాబీని పక్కనే పెట్టుకుని బండ్ల గణేష్ చేసిన వ్యాఖ్యలు ఇప్పుడు హాట్ టాపిక్ గా మారాయి.
అందరికి చెబుతున్నా.. దయచేసి తండ్రి మాట వినొద్దు. తండ్రి మాట వింటూ పెరిగితే మా బాబీ గారిలా అవుతారు. తండ్రి మాట వినకుండా నచ్చింది చేస్తే మా హీరో బన్నీగారిలా అవుతారు. బాబీగారిలా కావాలా, బన్నీగారిలా అవ్వాలా అనేది మీరే నిర్ణయించుకోండి.
అల్లు బాబీ గారు చిన్నప్పటి నుంచి బాగా చదువుకుని తండ్రి మాట వింటూ పెరిగారు. అందుకే ఇలా ఉన్నారు. కానీ అల్లు అర్జున్ తండ్రి మాట వినకుండా ఇష్టమొచ్చింది చేసుకుంటూ వెళ్లారు. కాబట్టే ఇండియా సూపర్ స్టార్ అయ్యాడు. బట్టి ప్రతి ఒక్కరూ సొంత నిర్ణయాలు తీసుకోవాలి అని బండ్ల గణేష్ తెలిపాడు. అల్లు బాబీని ఆ వ్యాఖ్యలు కాస్త కించ పరిచే విధంగా ఉన్నాయి.
కానీ అల్లు బాబీ బండ్ల గణేష్ కామెంట్స్ ని సరదాగా తీసుకుని నవ్వేశారు. నెటిజన్లు మాత్రం బండ్ల గణేష్ పై విరుచుకుపడుతున్నారు. అన్నదమ్ములని పోల్చుతూ ఒకరిని పొగుడుతూ, మరొకరిని తక్కువ చేస్తూ మాట్లాడడం ఏంటి.. కామన్ సెన్స్ లేదా అంటూ బండ్ల గణేష్ పై ట్రోలింగ్ కి దిగుతున్నారు.