అన్ స్టాపబుల్ షోలో గోపీచంద్-ప్రభాస్ పాల్గొన్నారు. మీరిద్దరూ ఒక హీరోయిన్ కోసం గొడవపడ్డారట కదా అని, బాలకృష్ణ అడిగారు. ఆయన చెప్పిన సంవత్సరం, ఆ సమయంలో వారు నటించిన సినిమాలు పరిశీలిస్తే ఆ హీరోయిన్ అనుష్క అని క్లారిటీ వచ్చింది.
మిత్రులు ప్రభాస్-గోపీచంద్ అన్ స్టాపబుల్ షోలో పాల్గొన్న విషయం తెలిసిందే. 2008లో మీరు ఒక హీరోయిన్ కోసం గొడవపడ్డారు ఎందుకు? అని హోస్ట్ బాలకృష్ణ అడిగారు. ఈ ప్రశ్నకు వారు ఏం సమాధానం చెప్పారనేది తెలియదు. పూర్తి ఎపిసోడ్ ప్రసారమైతే గానీ క్లారిటీ రాదు.
అయితే బాలకృష్ణ సదరు హీరోయిన్ పేరు షోలో ప్రస్తావించలేదు. అయితే ఆయన ఒక హింట్ ఇచ్చాడు. 2008లో అన్నారు. ఆ ఏడాది గోపీచంద్ హీరోగా శౌర్యం మూవీ విడుదలైంది. శౌర్యం మూవీ హీరోయిన్ అనుష్క. ఆ నెక్స్ట్ ఇయర్ 2009 ఏప్రిల్ లో బిల్లా మూవీ థియేటర్స్ లోకి వచ్చింది.
అంటే బాలకృష్ణ(Balakrishna) చెప్పిన సమయంలో అనుష్క... హీరోలు గోపీచంద్,ప్రభాస్ లతో నటించడం జరిగింది. ఈ క్రమంలో ప్రభాస్-గోపీచంద్ గొడవపడ్డ ఆ హీరోయిన్ అనుష్క అనే అంచనాకు వచ్చారు. ఇక అప్పుడు జరిగిన పరిణామాలు కూడా ఈ పుకార్లకు బలం చేకూర్చుతున్నాయి.
లక్ష్యం చిత్రం కోసం గోపీచంద్-అనుష్క మొదటిసారి జతకట్టారు. జగపతిబాబు కీలక రోల్ చేసిన లక్ష్యం సూపర్ హిట్ గా నిలిచింది. హీరోగా గోపీచంద్ కెరీర్లో బిగ్గెస్ట్ హిట్ లక్ష్యం అని చెప్పొచ్చు. రెండో మూవీగా శౌర్యం చేశారు. సిల్వర్ స్క్రీన్ పై గోపీచంద్-అనుష్క పెయిర్ హిట్. దీంతో వీరి మధ్య ఎఫైర్ రూమర్స్ వచ్చాయి.
బ్యాక్ టు బ్యాక్ చిత్రం చేయడం కూడా ఈ రూమర్స్ కి కారణమైంది. పెళ్లి వార్తలు కూడా వచ్చాయి. ఇక 2009లో బిల్లా విడుదలైంది. ఫస్ట్ టైం అనుష్క(Anushka Shetty)-ప్రభాస్ కాంబోలో మూవీ విడుదలైంది. ఈ చిత్ర షూట్ 2008లో జరిగింది. ఈ క్రమంలో బాలయ్య చెప్పినట్లు అనుష్క కోసం ప్రభాస్-గోపీచంద్ గొడవ పడి ఉండొచ్చు అంటున్నారు.
ఇక గత ఐదేళ్లుగా ప్రభాస్(Prabhas)-అనుష్కల పెళ్లి హాట్ టాపిక్ గా ఉంది. అత్యధికంగా ఈ జంట నాలుగు సార్లు కలిసి నటించారు. నటించిన ప్రతి సినిమా హిట్. బాహుబలి 1 విడుదల తర్వాత ప్రభాస్-అనుష్క పెళ్లి రూమర్స్ పెద్ద ఎత్తున తెరపైకి వచ్చాయి. బాహుబలి 2 విడుదల అనంతరం మరింతగా ప్రాచుర్యంలోకి వచ్చాయి.
సాహో చిత్ర ప్రమోషన్స్ లో ప్రభాస్ ని ఈ ప్రశ్న తీవ్రంగా వేధించింది. ఏ స్టేట్ కి వెళ్లినా అనుష్కతో మీకున్న బంధం ఏమిటీ? వివాహం చేసుకోబోతున్నారటగా? అంటూ ప్రశ్నలు వేసేవారు. మేము స్నేహితులం మాత్రమే అని చెప్పి చెప్పి ప్రభాస్ విసిగిపోయాడు. ఇక ఫార్టీ ప్లస్ లో ఉన్న ఈ జంట ఇప్పటికీ పెళ్లి మాటెత్తడం లేదు