జూనియర్ ఎన్టీఆర్ చేసిన ఆ పనికి షాక్ అయ్యాను, నయనతార కామెంట్స్ వైరల్..

ఎన్టీఆర్ గురించి ఇంట్రెస్టింగ్ కామెంట్స్ చేసింది నయనతార. అసలు తాను నటించిన హీరోల గురించి కాని.. ఇతర విషయాల్లో ఎప్పుడూ జోక్యంచేసుకోదు ఈ బ్యూటీ.. అటువంటిది తారక్ గురించి నయన్ చెప్పిన విషయాలు అందరికి ఆశ్చర్చాన్ని కలిగిస్తున్నాయి.   

ఏజ్ పెరుగుతున్నా కొద్ది క్రేజ్ కూడా పెరుగుతుంది హీరోయిన్ నయనతారకు. వరుస సినిమాలతో దూసుకుపోతున్న నయన్.. పెళ్లి తరువాత కూడా తగ్గేదే లే అంటోది. యంగ్ స్టార్ హీరోయిన్లకంటే ఎక్కువ రెమ్యూనరేషన్ తీసుకుంటూ.. నాన్ స్టాప్ గా సినిమాలు చేస్తుంది నయన్. 

Nayantara

హీరోయిన్ గా దుమ్ము రేపింది నయనతార. యంగ్ స్టర్స్ దగ్గర నుంచి సీనియర్ స్టార్ హీరోల వరకూ ఎవ్వరిని వదల్లేదు అందరితో నటించింది. ఇక ఇప్పుడు విమెన్ సెంట్రిక్ మూవీస్ చేసుకుంటూ.. హిట్లు కోడుతూ.. తన ఇమేజ్ ను ఇంకా పెంచుకుంటుంది. ఎక్కువగా హారర్ థ్రిల్లర్ జోనర్ ను ఎంచుకుంటూ.. లైఫ్ ను ఎంజాయ్ చేస్తుంది. 

ఇక నయనతార నటించిన టాలీవుడ్ హీరోల లిస్ట్ లో తారక్ కూడా ఉన్నాడు. ఈ ఇద్దరు కలిసి సూపర్ హిట్ మూవీ అదుర్స్ లో అదుర్స్ అనేలా నటించారు. అయితే ఈ మూవీ గురించి కాని, తారక్ గురించి కాని ఎప్పుడు మాట్లాడని నయనతార..రీసెంట్ గా ఎన్టీఆర్ గురించి ఇంట్రెస్టింగ్ విషయాలు వెల్లడించింది. అది కూడా నయనతార తన సినిమా ప్రమోషన్ లో ఈ విషయాలు మాట్లాడింది. 

సుమ చేసిన ఓ స్పెషల్  ఇంటర్వ్యూలో మాటల్లో మాటగా.. నయనతార దగ్గర ఎన్టీఆర్ ప్రస్తావన వచ్చింది. అప్పుడు ఆమె తారక్ గురించి డిఫరెంట్ గా స్పందించారు. చాలామంది హీరోలు రిహార్సల్స్ అవసరం లేకుండా డాన్స్ చేస్తామని చెప్పుకుంటూ ఉంటారు. కానీ ఒకటీ రెండు సార్లయినా వాళ్లు రిహార్సల్స్ చేస్తుంటారు. కానీ ఎన్టీఆర్ అలా కాదు .. రిహార్సల్స్ చేద్దామా అని అడిగితే, తనకి అవసరం లేదని అంటారు. 

డాన్స్ మాస్టర్ చెప్పడమే ఆలస్యం .. టేక్ కి వెళ్లిపోదామని అంటారు. ఒక్కోసారి డాన్స్ మాస్టర్ చెప్పినదానికంటే బెటర్ గా చేయడం చూసి నేను ఆశ్చర్యపోయేదానిని. నిజంగా ఆయన చాలా టాలెంటెడ్ అంటూ ఎన్టీఆర్ ను ఆకాశానికి ఎత్తేసింది నయనతార. అదుర్స్ సినిమాలో ఈ ఇద్దరు స్టార్స్ కాంబినేషన్ అద్భుతంగా పండింది. 

Nayantara

సాధారణంగా నయనతార తన సినిమాల ప్రమోషన్స్ లో పాల్గొనరు. కానీ  కనెక్ట్  సినిమా ఆమె సొంత బ్యానర్ పై నిర్మించడం జరిగింది. అందువలన ఆమె ప్రమోషన్స్ కోసం రంగంలోకి దిగక తప్పలేదు.అలా ఆమె చేసిన  హారర్ థ్రిల్లర్ సినిమా కనెక్ట్. అశ్విన్ శరవణన్ దర్శకత్వం వహించిన ఈ సినిమా, తెలుగు తమిళ భాషల్లో ఈ నెల 22వ తేదీన రిలీజ్ కాబతోంది.