బలగం వేణుకి ఊహించని షాక్.. నానితో సినిమా ఆగిపోయిందా, సమస్య అంతా అక్కడే ?

నేచురల్ స్టార్ నాని మిగిలిన హీరోలందరితో పోల్చుకుంటే అతనిది విభిన్నమైన శైలి. కథకు తగ్గట్లుగా తన బాడీ లాంగ్వేజ్ ని మార్చుకుని నాని నటిస్తుంటాడు. అందుకే నాని నటన వైవిధ్యంగా ఉంటుంది. ఇటీవల నాని తదుపరి చిత్రాల లైనప్ చాలా బలంగా ఉండబోతున్నట్లు వార్తలు వచ్చాయి. 

ప్రస్తుతం నాని సరిపోదా శనివారం అనే చిత్రంలో నటిస్తున్నాడు. ఈ మూవీ పాన్ ఇండియా చిత్రంగా డివివి దానయ్య నిర్మాణంలో తెరకెక్కుతోంది. అదే సమయంలో బలగం చిత్రంతో చరిత్ర సృష్టించిన వేణు దర్శకత్వంలో కూడా నాని నటించబోతున్నాడు అంటూ వార్తలు వచ్చాయి. 

Actor Nani

వార్తలు రావడం మాత్రమే కాదు.. ఆల్మోస్ట్ కంఫర్మ్ అన్నట్లుగా హడావిడి సాగింది. బలగం వేణు.. నాని కోసం కథ కూడా సిద్ధం చేశారు. ఎల్లమ్మ అనే టైటిల్ వినిపించింది. ఇక ఫైనల్ కాల్ తీసుకోవడం, షూటింగ్ కి వెళ్లడం మాత్రమే ఆలస్యం అంటూ వార్తలు వచ్చాయి. 

అయితే తాజాగా షాకింగ్ న్యూస్ చిత్ర పరిశ్రమలో బలంగా వినిపిస్తోంది. బలగం వేణు దర్శకత్వంలోని నాని చిత్రం ఆగిపోయింది అంటూ వార్తలు వస్తున్నాయి. దీనికి అనేక కారణాలు వినిపిస్తున్నాయి. బలగం వేణు ఫైనల్ నేరేషన్ ఇవ్వగా నాని ఇంప్రెస్ కాలేదని దీనితో ఈ ప్రాజెక్టు ఆగిపోయిందని అంటున్నారు. 

అదే సమయంలో బడ్జెట్ రెమ్యునరేషన్ కి సంబంధించిన ఊహాగానాలు కూడా వినిపిస్తున్నాయి. నాని తన చిత్రాలకు భారీ బడ్జెట్ ఆశించడమే కాదు.. తాను కూడా నిర్మాతలకు చుక్కలు చూపించే రెమ్యునరేషన్ డిమాండ్ చేస్తున్నాడట. నాని ఏకంగా 30 కోట్లు డిమాండ్ చేస్తున్నట్లు తెలుస్తోంది. 

బడ్జెట్ రెమ్యునరేషన్ కారణాలతో నాని చేయాల్సిన రెండు మూడు చిత్రాలు ఆగిపోయినట్లు తెలుస్తోంది. వాటిలో డివివి దానయ్య నిర్మించాల్సిన సుజీత్ చిత్రం ఒకటి. బడ్జెట్, రెమ్యునరేషన్ వల్ల దానయ్య ఈ ప్రాజెక్టు నుంచి తప్పుకున్నారట. దీనితో పీపుల్స్ మీడియా సంస్థతో చర్చలు మొదలయ్యాయి. ఆ చిత్రం ఏమవుతుందో తెలియని పరిస్థితి. 

ఇప్పుడు బలగం వేణు చిత్రానికి కూడా రెమ్యునరేషన్, బడ్జెట్ సమస్యలే వచ్చాయా లేక కథ మాత్రమే కారణమా అనే విషయంపై క్లారిటీ లేదు. వేణు మాత్రం ఈ చిత్రంపై చాలా ఆశలు పెట్టుకుని ఉన్నాడు. తెలంగాణ బ్యాక్ డ్రాప్ లోనే ఈ కథని కూడా సిద్ధం చేసుకున్నాడు. ఎలాంటి అంచనాలు లేకుండా బలగం చిత్రంతో సూపర్ హిట్ కొట్టిన వేణు.. స్టార్ హీరోతో సినిమా చేసి తన స్థాయి మరింతగా పెంచుకోవాలని ప్రయత్నించాడు. అయితే ఇలా ఊహించని షాక్ తగిలింది.