పుష్ప 2 తర్వాత బన్నీ భవిష్యత్తు ఎలా ఉండబోతోందో తెలుసా, వేణు స్వామి భార్య జోస్యం..అది పక్కా అట.. 

ఐకాన్ స్టార్ అల్లు అర్జున్ నటించిన పుష్ప 2 చిత్రం బాక్సాఫీస్ వద్ద నెవర్ బిఫోర్ అన్నట్లుగా దూసుకుపోతోంది. కథ పరంగా పుష్ప 2 చిత్రం అంచనాలని అందుకోలేదు అని అంటున్నారు. కానీ ఎలివేషన్ సీన్లు, యాక్షన్ సన్నివేశాలని సుకుమార్ అద్భుతంగా ప్రెజెంట్ చేశారు. దీనితో మాస్ చిత్రాలని ఇష్టపడే ఆడియన్స్ కి ఫీస్ట్ లాగా పుష్ప 2 చిత్రం ఉంది. 

అల్లు అర్జున్ అయితే ప్రాణం పెట్టి నటించాడు. సినిమా మొత్తం అల్లు అర్జున్ డెడికేషన్ కనిపిస్తుంది. ప్రతి ఒక్కరూ అల్లు అర్జున్ పెర్ఫార్మెన్స్ ని అభినందిస్తున్నారు. ఇప్పటి వరకు వేణు స్వామి సెలెబ్రిటీల జాతకాలు, సినిమాల రివ్యూలు చెబుతూ వచ్చారు. అయితే ఎలక్షన్స్ సమయంలో వేణు స్వామి చెప్పిన జోస్యం తప్పింది. దీనితో అప్పటి నుంచి వేణు స్వామి సెలెబ్రిటీల జాతకాలు చెప్పడం ఆపేశారు. 

తాజాగా వేణు స్వామి భార్య వీణా శ్రీవాణి పుష్ప 2 చిత్రంపై రివ్యూ చెబుతూ అల్లు అర్జున్ భవిష్యత్తు గురించి ఆసక్తికర వ్యాఖ్యలు చేశారు. ఇప్పుడే పుష్ప 2 చిత్రం చూశాను. ఆ ట్రాన్స్ లో ఉన్నప్పుడే సినిమా గురించి మీతో పంచుకోవాలని అనిపిస్తోంది. కళామతల్లి దీవెనలు ఉంటే ఎలా ఉంటుందో పుష్ప 2 చిత్రంలో చూడొచ్చు. అల్లు అర్జున్ కి కళామతల్లి తల్లి ఆశీస్సులు ఉన్నాయి. అందుకే నట విశ్వరూపం చూపించారు. 

కళామతల్లి ఆశీస్సులు ఉంటే తప్ప అలాంటి నటన బయటకి రాదు. అల్లు అర్జున్ గారు .. మీకు ఇప్పట్లో తిరుగులేదండీ. 100 గుమ్మడి కాయల దిష్టి తీసుకోండి. సుకుమార్ గారు అంత అమాయకంగా ఉంటూ ఎలా తీశారండీ ఈ సినిమాని అని వీణ శ్రీవాణి ఆశ్చర్యం వ్యక్తం చేశారు. 

మూవీ అప్పుడే అయిపోకూడదు ఇంకా కొంచెం ఉంటే బావుండేది అనిపించింది అని వీణా శ్రీవాణి అన్నారు. అల్లు అర్జున్ రెండవసారి నేషనల్ అవార్డు అందుకోవడం పక్కా అని వీణా శ్రీవాణి జోస్యం చెప్పారు.