అనుష్క కెరీర్ లో అరుంధతి చిత్రం ఒక మైల్ స్టోన్ మూవీ. కోడి రామకృష్ణ దర్శకత్వంలో తెరకెక్కిన ఈ చిత్రం సంచలన విజయం సాధించింది. హర్రర్ బ్యాక్ డ్రాప్ లో వచ్చిన ఈ మూవీలో అనుష్క, సోను సూద్ పోటీ పడి నటించారు.
అనుష్క కెరీర్ లో అరుంధతి చిత్రం ఒక మైల్ స్టోన్ మూవీ. కోడి రామకృష్ణ దర్శకత్వంలో తెరకెక్కిన ఈ చిత్రం సంచలన విజయం సాధించింది. హర్రర్ బ్యాక్ డ్రాప్ లో వచ్చిన ఈ మూవీలో అనుష్క, సోను సూద్ పోటీ పడి నటించారు. అనుష్కని అయితే డైరెక్టర్ కోడి రామకృష్ణ పవర్ ఫుల్ గా ఒక సూపర్ వుమెన్ లాగా చూపించారు.
ఈ చిత్రంతో క్రేజీ హీరోయిన్ గా మారిపోయింది. అయితే ఈ చిత్రానికి ఫస్ట్ ఛాయిస్ అనుష్క కాదట. ఇది నిజంగా షాకింగ్ అనే చెప్పాలి. ఎందుకంటే ఇంత పవర్ ఫుల్ మూవీకి అనుష్కని కాకుండా ముందుగా మరో హీరోయిన్ ని అనుకున్నారట. ఆ హీరోయిన్ ఎవరో కాదు.. యమదొంగ చిత్రంలో నటించిన మమతా మోహన్ దాస్.
నిర్మాత శ్యామ్ ప్రసాద్ రెడ్డి కొన్ని నెలల పాటు మమతా మోహన్ దాస్ డేట్స్ కోసం ప్రయత్నించారట. కోడి రామకృష్ణ దర్శకత్వంలో అరుంధతి అనే చిత్రం నిర్మిస్తున్నాను. అందులో నువ్వే మెయిన్ లీడ్ అని మమతా మోహన్ దాస్ కి చెప్పారట. తాను కూడా ఒకే చెప్పానని మమతా తెలిపింది. ఓ ఇంటర్వ్యూలో ఈ విశేషాలు పంచుకుంది.
ముందుగా నేను అరుంధతి చిత్రానికి ఒకే చెప్పా. అయితే కొంతమంది అది మంచి ప్రొడక్షన్ హౌస్ కాదు. వాళ్ళ దగ్గర బడ్జెట్ లేదు అని నెగిటివ్ గా చెప్పారు. దీనితో వాళ్ళ మాటలు విని నేను ఆ చిత్రం నుంచి డ్రాప్ అయ్యాను. అయినప్పటికీ శ్యామ్ ప్రసాద్ రెడ్డి నా కోసం చాలా ప్రయత్నించారు. కానీ నేను నటించడం కుదర్లేదు. యమదొంగ కంటే ముందుగా అరుంధతి ఆఫర్ వచ్చింది.
ఇది జరిగిన ఏడాది తర్వాత యమదొంగ చిత్రంలో ఛాన్స్ వచ్చింది. రాజమౌళి గారు నన్ను ఏదో మూవీలో చూసి సెలెక్ట్ చేశారు. ఆడిషన్స్ కి వెళితే ఫైనల్ చేశారు. అప్పుడు రాజమౌళి గారు నాతో ఒక మాట అన్నారు. శ్యామ్ ప్రసాద్ రెడ్డి గారి మూవీని ఎందుకు రిజెక్ట్ చేశావు అని అడిగారు. చాలా మంది నెగిటివ్ గా చెప్పారు అని చెప్పాను. నువ్వు చాలా పెద్ద మిస్టేక్ చేశావు. గోల్డెన్ ఛాన్స్ మిస్ చేసుకున్నావు అని రాజమౌళి అన్నారు.
అరుంధతి చిత్రం రిలీజ్ అయ్యాక చూస్తే రాజమౌళి మాటలు నిజమే అనిపించింది. ఆ చిత్రంతో అనుష్క కెరీర్ మారిపోయింది. ఆ సమయంలో నాకు ఇండస్ట్రీ గురించి ఏమీ తెలియదు. అందుకే పక్కన వాళ్ళు చెప్పిన మాటలు విని అరుంధతి చిత్రం వదులుకున్నా అంటూ మమతా మోహన్ దాస్ బాధపడింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి