దేవకన్య లాంటి రూపం, పవర్ ఫుల్ యాటిట్యూడ్, అద్భుతమైన నటన అనుష్కని సౌత్ లో లేడి సూపర్ స్టార్ గా మార్చాయి. కమర్షియల్ చిత్రాల్లో గ్లామర్ ఒలకబోస్తూనే..లేడి ఓరియెంటెడ్ చిత్రాలతో అనుష్క బాక్సాఫీస్ కు చెమటలు పట్టించింది.
దేవకన్య లాంటి రూపం, పవర్ ఫుల్ యాటిట్యూడ్, అద్భుతమైన నటన అనుష్కని సౌత్ లో లేడి సూపర్ స్టార్ గా మార్చాయి. కమర్షియల్ చిత్రాల్లో గ్లామర్ ఒలకబోస్తూనే..లేడి ఓరియెంటెడ్ చిత్రాలతో అనుష్క బాక్సాఫీస్ కు చెమటలు పట్టించింది. నాగార్జున సూపర్ చిత్రంతో అనుష్క టాలీవుడ్ లోకి ఎంట్రీ ఇచ్చింది. ఆ తర్వాత స్వీటీ వెనుదిరిగి చూసుకోలేదు.
తమిళ తెలుగు భాషల్లో వరుస చిత్రాలతో దూసుకుపోయింది అనుష్క. బాహుబలి చిత్రంతో ఆమె సత్తా ఇండియా మొత్తం తెలిసింది. అరుంధతి, భాగమతి లాంటి లేడీ ఓరియెంటెడ్ చిత్రాలతో సింగిల్ హ్యాండెడ్ గా నిర్మాతలకు విజయాలు సాధించి పెట్టింది.
ఇక చిత్ర పరిశ్రమలో కాస్టింగ్ కౌచ్ వ్యవహారం ఎప్పుడూ వర్తమాన నటీమణులకు ఇబ్బందులు కలిగిస్తూనే ఉంటుంది. చాలా మంది నటీమణులు తాము వివిధ చిత్ర పరిశ్రమల్లో కాస్టింగ్ కౌచ్ ద్వారా లైంగిక వేధింపులు ఎదుర్కొన్నామని చెప్పారు. అనూష్క కూడా టాలీవుడ్ లో కాస్టింగ్ కౌచ్ ఉందని ఓ సందర్భంలో వ్యాఖ్యలు చేసింది.
నిశ్శబ్దం చిత్ర ప్రచార కార్యక్రమాల్లో భాగంగా అనుష్క కాస్టింగ్ కౌచ్ పై కామెంట్స్ చేసింది. టాలీవుడ్ లో క్యాస్టింగ్ కౌచ్ ఉంది. మీకు క్యాస్టింగ్ కౌచ్సంఘటనలు ఎప్పుడైనా ఎదురయ్యాయా అని ప్రశ్నించగా అనుష్క ఆసక్తికర సమాధానం ఇచ్చింది.
నాకెప్పుడూ క్యాస్టింగ్ కౌచ్ సమస్యలు ఎదురుకాలేదు. దానికి కారణం నేను స్ట్రైట్ ఫార్వార్డ్ గా ఉంటాను. ముక్కుసూటిగా ఉండడం వల్ల నన్నెవరూ అలా ఇబ్బంది పెట్టలేదు అంటూ అనుష్క తెలిపింది. అంటే అనుష్క తన పని తాను చేసుకువెళ్లడం, ముక్కుసూటిగా ఉండడం వల్ల ఆమెని ఇబ్బంది పెట్టడానికి భయపడేవాళ్ళని అర్థం అవుతోంది.
అయితే అనుష్క నటీమణులకు కూడా కొన్ని సూచనలు చేసింది. అవకాశాల కోసం సులభమైన మార్గం ఎంచుకుంటే తక్కువ టైం మాత్రమే గుర్తింపు ఉంటుంది. అదే కష్టపడి అవకాశాలు సాధించుకుంటే కెరీర్ లో ఎక్కువ కాలం రాణించగలరు అని అనుష్క పేర్కొంది.
ఇదిలా ఉండగా అనుష్క ఇటీవల సినిమాలు బాగా తగ్గించింది. దీనితో ఆమె పెళ్లిపై అనేక ఊహాగానాలు వినిపిస్తున్నాయి. రీసెంట్ గా అనుష్క క్రేజీ సీక్వెల్ చంద్రముఖి 2 లో నటించబోతున్నట్లు తెలుస్తోంది. త్వరలో ఈ చిత్ర షూటింగ్ ప్రారంభం కానుందట. రాఘవ లారెన్స్ హీరోగా నటిస్తున్నాడు.