అనుష్క శెట్టి పెళ్లిపై జ్యోతిష్యుడి జాతకం.. 2022లో పెళ్లి.. ఎవరితో కూడా స్పష్టం..

టాలీవుడ్‌ని ఓ ఊపు ఊపింది అనుష్క శెట్టి(anushka shetty). లేడీ ఓరియెంటెడ్‌ చిత్రాలకు కేరాఫ్‌గా నిలుస్తుంది. అయితే ఇటీవల అనుష్క పెళ్లి(anushka marriage)కి సిద్ధమవుతుందని, సినిమాలను పక్కన పెడుతుందనే వార్తలొస్తున్నాయి. దీంతో జ్యోతిష్యులు(astrologers) స్పందించారు. ఆమె జాతకం ఎలా ఉందో చెప్పారు.

అనుష్క చివరగా `నిశ్శబ్దం` చిత్రంలో మెరిసింది. ఆ సినిమా పరాజయం చెందింది. మరోవైపు `జాతిరత్నాలు` ఫేమ్‌ నవీన్‌ పొలిశెట్టితో కలిసి ఓ సినిమా చేస్తుందని, యూవీ క్రియేషన్‌లో ఈ సినిమా ఉంటుందని వార్తలొచ్చాయి. ముహుర్తం కూడా స్టార్ట్ అయ్యిందంటూ ఓ ఫోటో సోషల్‌ మీడియాలో వైరల్‌ అయ్యింది. కానీ ఇప్పటి వరకు ఈ చిత్రంపై క్లారిటీ లేదు. ఆగిపోయిందనే వార్తలొస్తున్నాయి. 

అనుష్క సినిమా చేసేందుకు సుముఖంగా లేదనే వార్తలు సామాజిక మాధ్యమాల్లో గుప్పుమంటున్నాయి. అదే సమయంలో అనుష్క పెళ్లి వార్తలు ఊపందుకున్నాయి. ఆమె మ్యారేజ్‌ చేసుకుని లైఫ్‌లో సెటిల్‌ కావాలని భావిస్తుందట. `సైజ్‌ జీరో` ఎఫెక్ట్ తో ఇప్పటికీ అరోగ్య సమస్యలు ఎదుర్కొంటుందని, బరువు తగ్గలేకపోతుందని, అందుకే మ్యారేజ్‌ లైఫ్‌కి గ్రీన్‌ సిగ్నల్‌ ఇచ్చిందనే టాక్‌ నెట్టింట చక్కర్లు కొడుతున్నాయి. 

ఇదిలా ఉంటే గతంలో ప్రభాస్‌తో పెళ్లి వార్తలొచ్చాయి. వీరిద్దరు కలిసి `బాహుబలి`లో నటించారు. ఆ సమయంలో ఇద్దరు ప్రేమలో పడ్డారని, పెళ్లి చేసుకోబోతున్నారనే రూమర్స్ వినిపించాయి. కానీ తామిద్దరం మంచి స్నేహితులమని, తమ మధ్య అలాంటి అభిప్రాయం లేదని వెల్లడించారు. క్లారిటీ ఇచ్చారు. దీంతో ఈ వార్తలకు పుల్‌స్టాప్‌ పడింది. 

మరోవైపు అనుష్క ఓ బిజినెస్‌మేన్‌ని పెళ్లి చేసుకోబోతుందనే వార్తలు ఊపందుకున్నాయి. ఆల్మోస్ట్ ఓకే అయ్యిందని చర్చ నడిచింది. ఈ నేపథ్యంలో కొందరు అభిమానులు అనుష్క జాతకం చూపించారు. ఫేస్‌, బాడీ ఆకారం బట్టి జాతకం చెప్పే జ్యోతిష్యుల ద్వారా అనుష్క శెట్టి పెళ్లి జరుగుతుందా? ఎప్పుడవుతుంది? ఎవరితో అవుతుందని, ఆమె వ్యక్తిత్వం ఏంటనే విషయాలపై జాతకం చూపించారు. 

అందులో భాగంగా ప్రముఖ పండిట్‌ జగన్నాథ్‌ గురుజీ అనుష్క శెట్టి జాతకం చెప్పారు. ఆమెపై వచ్చిన పుకార్లు నిజం కాదని, కల్పితమైనవి వెల్లడించారు. అనుష్క తెలివైన నటి అని, వర్క్ విషయంలో పూర్తి ప్రొఫేషనల్‌గా ఉంటారని చెప్పారు. ఆమె ముఖ పఠనం ఆధారంగా చూస్తే ఆమె ఒకే  వృత్తిలో ఉన్న వారితో కలవడానికి ఇష్టపడదని తెలిపారు. అనుస్క చాలా వినయపూర్వకమైన స్వభావం కలిగి ఉంటుందని, డౌన్‌ టూ ఎర్త్ అని అన్నారు. ఆమెకి అహంకారం ఉంటుందనేది తప్పు అని, ఆమెలో ఎలాంటి అహంకారం ఉండదని పేర్కొన్నారు. 

అనుష్క చాలా ఎమోషనల్‌ అని, ఎప్పుడూ కెరీర్‌, పని గురించే ఆలోచిస్తుందని, ఈ రెండింటి చుట్టూ ఆమె ఆలోచనలు తిరుగుతాయని తెలిపారు. ఆమె కెరీర్‌ ఇంకా చాలా ప్రకాశవంతంగా ఉంటుందని, చిత్ర పరిశ్రమలో ఆమె పనిచేసినంత కాలం సూపర్‌స్టార్‌గానే వెలుగుతారని, ఆమె ఎల్లప్పుడూ సూపర్‌స్టార్‌గా ఉండిపోయినా ఆశ్చర్యం లేదని పండిట్‌ జగన్నాథ్‌ గురూజీ వెల్లడించారు. ఆమెకి బాలీవుడ్‌లో రాణించాలనే ఆసక్తి లేదని తెలిపారు.

ఇక ఎవరిని పెళ్లి చేసుకోబోతుందనే ప్రశ్నకి చెబుతూ, అనుష్క పరిశ్రమ బయటి వ్యక్తిని వివాహం చేసుకునే అవకాశం బలంగా ఉందన్నారు. అన్ని సరిగ్గా జరిగితే వచ్చే ఏడాది ఆమె పెళ్లి జరుగుతుందని, కాదంటే 2023లోపు అనుష్క మ్యారేజ్‌ తంతు పూర్తవుతుందని జాతకం చెప్పాడు. మరి ఇందులో ఎంత నిజమనేది మున్ముందు చూడాలి. కానీ ఆమె అభిమానులు మాత్రం అనుష్కని ఇంకా సినిమాల్లో చూడాలని కోరుకుంటున్నారు.