డైరెక్టర్ అసభ్యకర వ్యాఖ్యలు, స్పందించిన హీరోయిన్..శరీరం గురించి దారుణంగా మాట్లాడినప్పటికీ..

మన్మథుడు చిత్రంలో నటించిన అన్షు అంబానీని తెలుగు ప్రేక్షకులు మరచిపోలేరు. మన్మథుడు చిత్రంలో అన్షు అంబానీ నాగార్జునతో కలసి రొమాంటిక్ గా కెమిస్ట్రీ పండించింది. మన్మథుడు తో పాటు తెలుగులో అన్షు మరికొన్ని చిత్రాల్లో నటించింది. అయితే మన్మధుడు చిత్రంతో వచ్చినంత గుర్తింపు వేరే చిత్రాలతో రాలేదు. అన్షు అంబానీ చాలా ఏళ్ళ గ్యాప్ తర్వాత అన్షు తెలుగులో రీ ఎంట్రీ ఇస్తున్న చిత్రం మజాకా. 

త్రినాధరావు నక్కిన దర్శకత్వంలో తెరకెక్కిన ఈ చిత్ర టీజర్ రీసెంట్ గా రిలీజ్ అయింది. సందీప్ కిషన్ హీరోగా నటిస్తున్నాడు. టీజర్ లాంచ్ ఈవెంట్ లో డైరెక్టర్ త్రినాధరావు నోరు జారీ అన్షు గురించి అసభ్యంగా మాట్లాడారు. మన్మథుడు చిత్రంలో ఆమెని చూడడం కోసమే థియేటర్స్ కి వెళ్ళేవాళ్ళం.. లడ్డూలా ఉండేది. ఇప్పుడు కూడా అలాగే ఉంది. కాకపోతే కాస్త సన్నబడింది. 

తెలుగులో నటించాలనంటే అన్ని పెద్దగా ఉండాలి. అన్ని ఎక్కువ  సైజులో కనిపించాలి అని చెప్పినట్లు త్రినాధరావు అన్షు గురించి అసభ్యకరమైన కామెంట్స్ చేసారు. అతడి కామెంట్స్ పట్ల తెలంగాణ మహిళా కమిషన్ కూడా సీరియస్ అయింది. సూమోటోగా ఆయనకి నోటీసులు పంపబోతున్నట్లు పేర్కొంది. త్రినాధరావు సోషల్ మీడియాలో తీవ్రమైన ట్రోలింగ్ ఎదుర్కొంటున్నారు. 

ఈ వివాదంపై అన్షు ఎట్టకేలకు స్పందించింది. ఈ ప్రపంచంలో త్రినాధరావు గారు చాలా మంచి వ్యక్తి. ఆయన దర్శకత్వంలో నేను రీ ఎంట్రీ ఇస్తున్నందుకు సంతోషిస్తున్నా. ఆయనపై నాకు ఎలాంటి కోపం లేదు. నన్ను ఫ్యామిలీ మెంబర్ లాగా చూసుకున్నారు. ఆయన సూచనలు, సలహాకు నాకు ఉపయోగపడ్డాయి. దయచేసి ఈ వివాదానికి ఇక్కడితో ఫుల్ స్టాప్ పెట్టండి అని అన్షు కోరింది.