టాలీవుడ్ లో ఫెయిల్యూర్ ఎరుగని దర్శకులలో అనిల్ రావిపూడి ఒకరు. వరుస సినిమాలతో సక్సెస్ జోష్ మీద ఉన్న ఈ దర్శఖుడు రెమ్యూనరేషన్ మత్రం కొట్లలో తీసుకుంటున్నట్టు తెలుస్తోంది.
అనిల్ రావిపూడి.. టాలీవుడ్ లో రాజమౌళి తరువాత సక్సెస్ రేటు ఎక్కువగా ఉన్న దర్శకుడు. కామెడీ, హీరోయిజం తో డిఫరెంట్ జానర్ లో సినిమాలు చేస్తున్నాడు అనిల్ రావిపూడి. స్టార్ హీరో అయినా.. కొత్త హీరోఅయినా.. తన కథతో విజయాన్ని అందేలా చేయగల దర్శకుడు అనిల్ రావిపూడి.
అన్ని జానర్స్ కు తగ్గ ప్రేక్షకులకి నచ్చేలా సినిమాలు చేయడంలో అనిల్ రావిపూడి రూటే సెపరేటు. సూపర్ స్టార్ మహేష్ కు కూడా తన కామెడీ టచ్ తో సక్సెస్ అందించాడు అనిల్. బాలయ్య బాబుతో సినిమా చేసి.. స్టార్ దర్శకుడిగా టాలీవుడ్ లో నిలిచిపోయాడు.
ప్రస్తుతం అనిల్ రావిపూడితో సినిమా కోసం స్టార్ ప్రొడ్యూసర్లు క్యూ కడుతున్నారు. స్టార్ హీరోలు కూడా అనిల్ తో సినిమా అంటే.. కథ విన్న వెంటనే ఒకే చేసేస్తున్నారు. ప్రస్తుతం అనిల్ రావిపూడి.. వెంకటేష్ తో ఓ సినిమా చేస్తున్నాడు. వెంకటేష్ కెరీర్లో 76 వ సినిమాగా ఈ మూవీ రూపొందుతుంది.
వెంకటేష్ తో అనిల్ చేస్తున్న ఈసినిమా టైటిల్ ఇంకా ఫిక్స్ కాలేదు. మీనాక్షి చౌదరి, ఐశ్వర్య రాజేష్‌ ..హీరోయిన్లుగా నటిస్తున్నారు. దిల్ రాజునిర్మిస్తున్న ఈ సినిమా 2025 సంక్రాంతి కానుకగా రిలీజ్ కు రెడీ అవుతోంది. వెంకటేష్ – అనిల్ రావిపూడి కాంబినేషన్లో తెరకెక్కుతున్న 3 వ సినిమా ఇది. అంటే హ్యాట్రిక్ కాంబినేషన్ హిట్ అవుతుందని నమ్మకంతో ఉన్నారు టీమ్.
ఇక ఈక్రమంలో అనిల్ రావిపూడికి సంబంధించిన ఓ న్యూస్ సోషల్ మీడియాలో వైరల్ అవుతోంది. స్టార్ డైరెక్టర్ గా దూసుకుపోతున్న అనిల్ రావిపూడి ఎప్పటికప్పుడు తన రెమ్యునరేషన్ కూడా పెంచుతూ వస్తున్నారు. తాజాగా ఆయన రెమ్యునరేషన్ మరోసారి పెరిగినట్టు తెలుస్తోంది.
ఇంతకీ అనిల్ రేటు ఎంత పెంచాడంటే.. సినిమాకు దాదాపు 25 కోట్లకు పైగా వసూలు చేస్తున్నాడట. అనిల్ సినిమాలు మంచి బిజినెస్ చేస్తుండటం.. లాభాలు కూడా వస్తుండటంతో..నిర్మాతలు కూడా అనిల్ రావిపూడికి అడిగినంతా కట్టబెడుతున్నారట.
గతంలో రెండు మూడు కోట్లనుంచి, మహేష్ బాబు సినిమాతో ఒక్క సారిగా 15కోట్లకు ఎగబాకాడు అనిల్. మహేష్ తో చేసిన సరిలేరు నీకెవ్వరు సినిమాకు ఆయన 15 కోట్లు తీసుకున్నాడని టాక్. ఇక ఆతరువాత కూడా వరుసగా హిట్లు పడుతుండటంతో.. ఆయన రేటు 25 కోట్లకు చేరినట్టు సమాచారం.