ప్రస్తుతం నందమూరి ఫ్యామిలీలో బాలకృష్ణ, ఎన్టీఆర్ అభిమానులని అలరిస్తూ దూసుకుపోతున్నారు. కానీ తాను కూడా ఉన్నానంటూ నందమూరి కళ్యాణ్ రామ్ ఎప్పటికప్పుడు తన ఉనికి చాటుకుంటున్నారు.
ప్రస్తుతం నందమూరి ఫ్యామిలీలో బాలకృష్ణ, ఎన్టీఆర్ అభిమానులని అలరిస్తూ దూసుకుపోతున్నారు. కానీ తాను కూడా ఉన్నానంటూ నందమూరి కళ్యాణ్ రామ్ ఎప్పటికప్పుడు తన ఉనికి చాటుకుంటున్నారు. పడిలేచిన కెరటం లాగా ఆయన ప్రతి సారీ కంబ్యాక్ ఇస్తున్నారు.
కళ్యాణ్ రామ్ కెరీర్ గురించి చెప్పాలంటే తప్పనిసరిగా పటాస్ కి ముందు పటాస్ కి తర్వాత అని చెప్పాలి. అతనొక్కడే చిత్రంతో తొలి బ్లాక్ బ్లస్టర్ అందుకున్న కళ్యాణ్ రామ్ కి ఆ తర్వాత కొన్నేళ్ల పాటు సరైన హిట్ లేదు. క్రమంగా కళ్యాణ్ రామ్ ఫేడ్ అవుట్ అవుతున్నాడా అని అనుమానాలు వస్తున్న తరుణంలో పటాస్ చిత్రం వచ్చింది.
అనిల్ రావిపూడి దర్శకుడిగా పరిచయం అవుతూ తెరకెక్కిన ఈ చిత్రం సూపర్ హిట్ గా నిలిచింది. తనకి డైరెక్టర్ గా తొలి ఛాన్స్ ఇచ్చిన కళ్యాణ్ రామ్ పట్ల అనిల్ రావిపూడి ఎంతో అభిమానం చూపిస్తారు. ఓ ఇంటర్వ్యూలో కళ్యాణ్ రామ్ గురించి అనిల్ రావిపూడి చేసిన వ్యాఖ్యలు వైరల్ అవుతున్నాయి.
పటాస్ చిత్రంలో కళ్యాణ్ రామ్ పాత్ర చాలా ఫన్నీగా ఎనేర్జిటిక్ గా ఉంటుంది. ఆ తరహా పాత్రలు పవన్ కళ్యాణ్ కి బాగా సెట్ అవుతాయి. ఇంటర్వ్యూలో యాంకర్ పవన్ కళ్యాణ్ గురించి ప్రస్తావించారు. పటాస్ చిత్రం పవన్ కళ్యాణ్ చేసి ఉంటే ఎలా ఉండేది అని ప్రశ్నించారు. అనిల్ రావిపూడి బదులిస్తూ.. పవన్ కళ్యాణ్ గారు చేసి ఉంటే అదొక కొత్త అనుభూతి అయి ఉండేది. తప్పకుండా మంచి చిత్రం అవుతుంది.
కానీ పటాస్ చేసింది కళ్యాణ్ రామ్. నాకు అవకాశం ఇచ్చిన కళ్యాణ్ రామ్ గారికి అంత మంచి సూపర్ హిట్ దక్కినందుకు నేను హ్యాపీ. ఆయన ఛాన్స్ ఇవ్వకపోతే.. సుప్రీం, రాజా ది గ్రేట్, ఎఫ్ 2 లాంటి చిత్రాలు చేసేవాడిని కాదు. నా కథని ఆయన నమ్మారు. నిర్మాతలు ఎవరూ ముందుకు రాకపోయినా సరే నేనే ఈ చిత్రాన్ని నిర్మిస్తాను అని మాట ఇచ్చారు.
ఇచ్చిన మాట ప్రకారం నిర్మించి నటించారు. పటాస్ కి ముందు ఆయన ఓం 3డి చిత్రాన్ని నిర్మించి తీవ్ర ఆర్థిక ఇబ్బందుల్లో ఉన్నారు. అయినా కూడా ఇచ్చిన మాట ప్రకారం పటాస్ చిత్రాన్ని నిర్మించారు. అందుకే కళ్యాణ్ రామ్ గారికి నేను ఎప్పటికీ రుణపడి ఉంటాను అని అనిల్ రావిపూడి ఎమోషనల్ కామెంట్స్ చేశారు.