Sreemukhi
శ్రీముఖి టాప్ యాంకర్స్ లో ఒకరు. సుమ, అనసూయ, రష్మీ గౌతమ్ తర్వాతి స్థానం ఆమెదే. పరిస్థితులు చూస్తే వాళ్ళను కూడా శ్రీముఖి దాటేయడం ఖాయంగా కనిపిస్తుంది. జాతి రత్నాలుతో పాటు పలు బుల్లితెర షోస్ కి ఆమె యాంకర్ గా ఉన్నారు. అలాగే ఈవెంట్స్, ప్రత్యేక కార్యక్రమాల్లో సందడి చేస్తున్నారు. ఇక ఒక్కో కాల్ షీట్ కి శ్రీముఖి లక్షల రూపాయలు ఆర్జిస్తున్నారు.
Sreemukhi
తాజాగా ఆమె సైమా వేడుకలో సందడి చేశారు. నటుడు ఆలీతో పాటు తెలుగు విభాగానికి హోస్ట్ గా వ్యవహరించారు. కాగా రెండు రోజుల ఈ ఈవెంట్ కి శ్రీముఖి ఏకంగా రూ. 10 లక్షలు తీసుకున్నారట. సైమా నిర్వాహకులు ఆమెకు అంత మొత్తంలో అందించారట. ప్రయాణ, హోటల్ ఖర్చులు తీసేసినా శ్రీముఖి రూ. 9 లక్షల రూపాయలకు పైనే సంపాదించింది అంటున్నారు.
రెండు రోజుల ఈవెంట్ కి అంత పెద్ద మొత్తం అంటే మామూలు విషయం కాదు. మరి ఈ న్యూస్ లో వాస్తవం ఎంత ఉందో తెలియదు కానీ.. టాలీవుడ్ లో హాట్ టాపిక్ గా మారింది. కాగా ఈ వేదికపై హీరో రణ్వీర్ సింగ్ ని శ్రీముఖి ముద్దాడడం హాట్ టాపిక్ అయ్యింది.
వేదికపై నుండి క్రిందికి వెళుతున్న రణ్వీర్ ని వెనక్కి పిలిచిన శ్రీముఖి తనని హగ్ చేసుకోవాలన్న కోరిక బయటపెట్టింది. ఆమె కోరిక మన్నించి రణ్వీర్ హగ్ ఇచ్చాడు. శ్రీముఖి ఆయన్ని ముద్దు పెట్టుకోగా.. ఆయన ఆమె రెండు చేతులపై ముద్దులు పెట్టాడు. సైమా వేదికపై జరిగిన ఈ సంఘటన ప్రాధాన్యత సంతరించుకుంది.
మరోవైపు నటిగా ఎదగాలని శ్రీముఖి సీరియస్ గా ట్రై చేస్తున్నారు. ఆమె హీరోయిన్ గా కూడా ఆఫర్స్ పట్టేస్తున్నారు. క్రేజీ అంకుల్స్, ఇట్స్ టైం టు పార్టీ చిత్రాల్లో శ్రీముఖి హీరోయిన్ గా నటించారు. అలాగే మ్యాస్ట్రో తో పలు చిత్రాల్లో క్యారెక్టర్ రోల్స్ చేశారు.