మళ్ళీ తల్లిని కావాలని ఉంది, మనసులో కోరిక బయటపెట్టిన అనసూయ, 40 ఏళ్ల వయసులో ఈ నిర్ణయానికి కారణం ఇదే 

నాలుగు పదుల వయసుకు దగ్గరైన అనసూయ మళ్ళీ తల్లి కావడానికి సిద్దమే అంటుంది. అనసూయకు ఆల్రెడీ ఇద్దరు పిల్లలు ఉన్నారు. ఆమె కోరిక వెనుక ఓ బలమైన కారణం ఉంది. 

Anasuya Bharadwaj

అనసూయ భరద్వాజ్ కెరీర్ ఫుల్ స్వింగ్ లో ఉంది. వరుస ప్రాజెక్ట్స్ తో ఆమె బిజీగా ఉన్నారు. అనసూయ నటించిన లేటెస్ట్ బ్లాక్ బస్టర్ పుష్ప 2. ఈ మూవీలో మరోసారి ఆమె దాక్షాయణిగా కనిపించి మెప్పించారు. పుష్ప 1లో సైతం అనసూయ భాగమయ్యారు. 

అనసూయ మాజీ జబర్దస్త్ యాంకరన్న విషయం తెలిసిందే. 2013లో ప్రయోగాత్మకంగా మొదలైన ఈ కామెడీ షోకి అనసూయ యాంకర్ గా ఎంపిక అయ్యారు. సదరు షోలో తన గ్లామర్ తో మెప్పించి ఫేమ్ తెచ్చుకున్నారు. జబర్దస్త్ విపరీతంగా ఆదరణ పొందిన నేపథ్యంలో అనసూయకు అనతికాలంలో గుర్తింపు వచ్చింది. అదే సమయంలో బుల్లితెర పై ఎక్స్పోజింగ్ చేస్తుందంటూ... ఆమెపై విమర్శలు కూడా వెల్లువెత్తాయి. 

అనసూయ సదరు విమర్శలను లెక్క చేయలేదు. పైగా నా బట్టలు నా ఇష్టం. నాకు సౌకర్యంగా అనిపిస్తే ఎలాంటి బట్టలైనా వేసుకుంటాను. నన్ను జడ్జి చేసే అధికారం మీకు లేదంటూ ఆమె సమర్ధించుకున్నారు. అనంతరం సిల్వర్ స్క్రీన్ పై బిజీ అయిన అనసూయ.. జబర్దస్త్ కి గుడ్ బై చెప్పింది. 2022లో అనసూయ తప్పుకున్నారు. దాదాపు 9 ఏళ్ళు అనసూయ సదరు షోలో యాంకర్ గా ఉన్నారు. 

Anasuya Bharadwaj

అనసూయ వ్యక్తిగత జీవితంలో అనేక మలుపులు, ఆసక్తికర సంఘటనలు చోటు చేసుకున్నాయి. ఆమె ప్రేమ యుద్ధం చేసింది. ఏళ్ల తరబడి వేచి చూసి కోరుకున్నవాడితో ఏడడుగులు వేసింది. ఎన్ సీ సీ క్యాడెట్ అయిన అనసూయ.. ఓ క్యాంపులో సుశాంక్ భరద్వాజ్ ని కలిసింది. అప్పటికి వారు స్కూలింగ్ చేస్తున్నారట. స్కూల్ డేస్ లో మొదలైన వారి బంధం.. పెళ్లి వరకు వచ్చింది. 

Anasuya Bharadwaj

సుశాంక్ తో పెళ్ళికి అనసూయ తండ్రి ఒప్పుకోలేదట. ఇంటి నుండి బయటకు వచ్చేసిన అనసూయ చాలా కాలం హాస్టల్ లో ఉందట. లేచిపోయి పెళ్లి చేసుకుందామని సుశాంక్ తో చెప్పిందట. ఆయన మాత్రం పెద్దల అనుమతితోనే మన పెళ్లి జరుగుతుందని విశ్వాసం వ్యక్తం చేశాడట. తండ్రి మనసు మారి సుశాంక్ తో పెళ్లికి ఒప్పుకోవాలని, అనసూయ దేవుళ్ళకు మొక్కిందట. 

మొక్కులో భాగంగా 7 ఏళ్ల పాటు అనసూయ ఇష్టమైన చాక్లెట్స్, బంగాళాదుంపలు తినలేదట. ఎట్టకేలకు అనసూయ-సుశాంక్ ల పెళ్ళికి తండ్రి పచ్చజెండా ఊపాడట. అనసూయకు ఇద్దరు అబ్బాయిలు సంతానం. అనసూయ తండ్రికి ముగ్గురూ ఆడపిల్లలే. దాంతో ఫస్ట్ అబ్బాయి పుట్టాలని గట్టిగా కోరుకుందట. అయితే రెండోసారి అమ్మాయి కావాలని అనుకుందట. కానీ మళ్ళీ అబ్బాయి పుట్టడంతో ఒకింత నిరాశ చెందిందట. 

అయితే కూతురు కోసం మరోసారి తల్లి కావడానికి సిద్ధం అంటుంది అనసూయ. 40 ఏళ్ళు వచ్చినా పర్లేదు. అమ్మాయిని కనేందుకు ఇప్పటికి కూడా తల్లిని కావాలని ఉందని ఆమె అంటున్నారు. అనసూయ కామెంట్స్ వైరల్ అవుతున్నాయి. ఇక బుల్లితెరపై అడపాదడపా కనిపిస్తున్న అనసూయ... నటిగా రాణిస్తుంది.