ఉపాసనకి అల్లు అర్జున్ స్వీట్ సర్ప్రైజ్.. కొణిదెల వారి పార్టీలో పుష్పరాజ్..

రాంచరణ్ సతీమణి ఉపాసన ప్రస్తుతం గర్భవతి అయిన సంగతి తెలిసిందే. చరణ్, ఉపాసనకి పుట్టబోయే బిడ్డ కోసం మెగా ఫ్యామిలీ తో పాటు అభిమానులంతా ఎదురుచూస్తున్నారు. కొణిదెల వంశానికి వారసుడో వారసురలో రాబోతున్నారనే ఆనందం మెగా ఫ్యామిలీతో పాటు.. అభిమానుల్లో కూడా ఉంది. 

వివాహం జరిగిన పదేళ్ల తర్వాత చరణ్, ఉపాసన దంపతులు తల్లిదండ్రులు కాబోతున్నారు. దీనితో ప్రస్తుతం అందరి చూపు ఉపాసనపైనే ఉంది. ఆమె ఎక్కడికి వెళ్లినా ఆ దృశ్యాలు సోషల్ మీడియాలో వైరల్ అవుతున్నాయి. ఈ కీలక సమయంలో రాంచరణ్ కూడా తన సతీమణిని సంతోషంగా ఉంచే ప్రయత్నం చేస్తున్నారు. వెకేషన్స్ కి తీసుకెళుతున్నాడు. 

చిరు నివాసంలో వరుసగా పార్టీలు కనుల పండుగలా జరుగుతున్నాయి. ఆల్రెడీ ఉపాసన సీమంతం జరిగింది. తాజాగా ఉప్సి ఆర్సీ లైఫ్ పేరుతో రాంచరణ్ ఉపాసన కోసం గ్రాండ్ పార్టీ ఏర్పాటు చేశారు. ఈ పార్టీకి కొణిదెల.. కామినేని కజిన్స్.. ఇతర స్నేహితులు హాజరయ్యారు. 

స్వీట్ సర్ప్రైజ్ ఏంటంటే.. ఈ పార్టీలో ఐకాన్ స్టార్ అల్లు అర్జున్ కూడా సందడి చేయడం విశేషం. అంతే కాదు ఉపాసనతో తీసుకున్న ఫోటోని అల్లు అర్జున్ సోషల్ మీడియాలో షేర్ చేశారు. ఈ పోస్ట్ కి అల్లు అర్జున్ 'సో హ్యాపీ ఫర్ మై స్వీటెస్ట్ ఉప్సి' అనే కామెంట్ పెట్టడం విశేషం. 

అల్లు అర్జున్ పోస్ట్ సోషల్ మీడియాలో వైరల్ గా మారింది. కొన్ని రోజులుగా రాంచరణ్, అల్లు అర్జున్ మధ్య సంబంధాలు సరిగా లేవనే ప్రచారం జరుగుతున్న సంగతి తెలిసిందే. రాంచరణ్.. పుట్టినరోజున అల్లు అర్జున్ సోషల్ మీడియాలో ఎలాంటి పోస్ట్ చేయలేదు. బర్త్ డే పార్టీకి కూడా హాజరు కాలేదు. అలాగే బన్నీ పుట్టిన రోజున చరణ్ ఎదో మొక్కుబడిగా చిన్న విష్ చేశారు. దీనితో అల్లు మెగా ఫ్యామిలీల మధ్య ఏదో జరుగుతోంది అనే ప్రచారం ఉంది. 

తాజాగా రాంచరణ్ ఏర్పాటు చేసిన పార్టీకి అల్లు అర్జున్ హాజరు కావడం అల్లు మెగా కామన్ ఫ్యాన్స్ కి ఊరట కలిగిస్తోంది. కొణిదెల వారి పార్టీలో పుష్పరాజ్ సందడి అంటూ అభిమానులు కామెంట్స్ చేస్తున్నారు. ఈ పార్టీకి టెన్నిస్ స్టార్ సానియా మీర్జా కూడా హాజరయ్యారు.